”અવતાર”- film reviews –

–એક અદૄભુત દુનિયા,અનોખો અવતાર-

અમેરિકન ૩ ડાઇમેન્શન્લ સાયન્સ ફિલ્મનું હિન્દી રૂપાંતર – “અવતાર “થીયેટરોને છલકતા કરી દેવાનું નિમિત્ત બન્યુ છે. એની પાછળનું નામ છે જેમ્સ કેમરોન, લેખક દિગ્દર્શક જેમ્સ કેમરોનના “અવતાર” તરિકે ઓળખાતી એક કહેવાતી અદભૂત દુનિયાની સફર છે.

માનવી જ્યારે સત્તા, સંપત્તિ અને સર્વોપરિતાના શિખરે પહોચવાનું સ્વપ્ન જુવે ત્યારે એના માટે સંહાર સુધી પહોંચવાનું પણ સ્વભાવિક બને. પોતાની દુનિયાથી આગળ વધી બીજા વિશ્વ જ નહી પણ પ્રુથ્વીવાસીઓ જ્યારે પરગ્રહ પર પોતાનું અસ્તિત્વ ,સામ્રાજ્ય ફેલાય તેવી આશા સેવે. “અવતાર ” ફિલ્મ એટલે આવા સામ્રાજ્યવાદી બાયો-ડાયર્સીટીથી નવા ગ્રહ પર કેવો માતમનો જંગ ખેલે છે તેની કથા.

જેમ્સ કેમરોનથી જાણે જટાયુના યુગની સફરે લઇ જતી આ કથામાં સફળ દિગ્દર્શક-લેખક ,માતબર ખર્ચો, ટેકનોલોજી, કોમ્પ્યુટર ગ્રાફીક જ મહત્વનુ પરિબળ છે. એકટર માટેનો ખાસ બોડી સુટ, ચહેરાને બદલતી ટેકનિક, અદ્યતન સરંજામ, કેમેરાની કરામત-ટેકનિક્ના લીધે ખરેખર લાઇવ એક્શન ફિલ્મ છે કે કોમ્પ્યુટરની કરામત એ ભેદ પારખવો જરા મુશ્કેલ બને છે.

જેમ્સ કેમરોન એક મહ્ત્વનું પીઠબળ છે જે ફિલ્મ સુધી વધુ ને વધુ પ્રેક્ષકોને પહોંચાડી શકે છે. પણ જો તથસ્ટ રીતે વિચારીએ તો આ જ કથાનકને લઈને જો આપણા જ લોકો આવે તો આપણે તેમેને કેટલા વધાવીએ? કાલ્પનિક વિષયને લઈને કલ્પનાનો દોર છુટો મુકવાની જેમસ કેમરોનની અદભૂત આવડત પણ છે અને માવજત પણ કરી શકે છે. કથાને વધૂ અસરકારક બનાવતુ બેક ગ્રાઉન્ડ મ્યુઝિકનો પણ અહીં અગત્યનો ફાળો છે.

કલાકાર-સેમ વર્થિગટન ,સીકોરની વિવર,જો સલદાના.

મ્યુઝિક- જેમ્સ હોમર

ડાયરેકટર- જેમ્સ કેમરોન.

એક્ટિંગ-* * * * મ્યુઝિક-* * * સ્ટોરી-* * * * એકશન-* * * * સિનેમેટોગ્રાફી-* * * *

“આ લેખ/ રિવ્યુ દિવ્યભાસ્કર ની પૂર્તિ સિટી ભાસ્કર માટે લખ્યો અને ૧૯/૧૨/૨૦૦૯ ના પ્રગટ થયો.”