Archive for January, 2010

“જાન્યુઆરી”- ૨૦૧૦ –

વ્હાલા સગાઓ-સબંધીઓ-મિત્રો-તથા ગ્રુપના સભ્યો.
 

 

મને  જણાવતા ખૂબજ આનંદ થાય છે કે આપના સહકાર થી મારા બ્લોગમાં જાન્યુઆરી/૨૦૧૦ – માસ ના ગાળામાં
૧૫ આલેખનો /ફીલ્મ રીવ્યુ ની યાદી- આ સાથે લીંન્ક મોકલેલ છે.ખાસ જે વાંચકોએ ન વાંચ્યા હોય તેમના માટે છે,
 

 

આપ સૌનો ખૂબ ખૂબ આભાર.
 
૧૫ આલેખનો મારા વર્ડપ્રેસ ના બ્લોગ પર
 
૦૧/૦૧/૨૦૧૦ થી ૩૧/૧/૨૦૧૦
…………………………………………………………………………………..
………………………………………………………………………………………………………….
https://rajul54.wordpress.com/2010/01/01/2010-new-year/

”૨૦૧૦ –એક નવા વર્ષની શરૂઆત..”

…………………………………………………………………………………………………..

”બોલો રામ”- film reviews –

…………………………………………………………………………………………………….

”ઇતિહાસ,સંસ્કૃતિ અને સૌંદર્યનો ખજાનો”

………………………………………………………………………………………………..

“પ્યાર ઇમ્પોસીબલ”- film reviews –

………………………………………………………………………………………………

”એશા-ખુલ્લી કિતાબ” (લઘુ નવલકથા)

…………………………………………………………………………………………………….

”આનંદ નો તહેવાર ઉત્તરાયણ”

……………………………………………………………………………………………………….

”પ્યાર બાંટતે ચલો”

……………………………………………………………………………………………………….

“ચાન્સ પે ડાન્સ”- film reviews –

………………………………………………………………………………………………………………

”થોળ”-ધ બર્ડ સેન્ચુરી-

……………………………………………………………………………………………………………..

આજની વસંત પંચમી મારી એ વસંત – રિયા ને નામ

…………………………………………………………………………………………………………………..

https://rajul54.wordpress.com/2010/01/22/seven-steps-of-life/

“જીવનના સાત પગલા”

……………………………………………………………………………………………………

“વીર”- film reviews –

………………………………………………………………………………………………………..

“એક નવા શુભ વર્ષમાં એમનો મગંળ પ્રવેશ.. “

…………………………………………………………………………………………………………….

“સગાં સગાં સૌ શું કરો છો ?”

……………………………………………………………………………………………………….

” ઇશ્કિયા “- film reviews –

……………………………………………………………………………………………………………
http://www.rajul54.wordpress.com
Rajul Shah
5, Swati Society,Navrangpura,Ahmedabad.(Guj) INDIA.
Cell:09924010199 Phone:91 79 26440438.
rajul54@yahoo.com rajulshah54@gmail.com

January 31, 2010 at 9:42 pm 1 comment

” ઇશ્કિયા “- film reviews –

– હ્યુમન ફિલિંગ્સની બર્બર પ્રસ્તુતિ –

“ઇશ્કિયા” એટલે માનવીની લાગણીઓ, ઇચ્છાઓ ,વાસના, લાલચ અને વેર પિપાસા વ્યક્ત કરતી કથા.

ખલુજાન અને બબનની આપસી દોસ્તી, મુસ્તાક સાથેની દુશ્મનાવટ અને ક્રીશ્ના સાથે અલગ અંદાજની પ્રેમ કથા. ખલુજાન અને બબન મુસ્તાકથી ભાગીને પોતાના દોસ્ત વિદ્યાસાગર વર્મા પાસે જાત બચાવવા આવે છે પણ અહીં એમની ધારણાથી  એક અલગ  જ પરિસ્થિતિ આકાર લે છે.

ઓમકારા ,કમીનેના દિગદર્શક વિશાલ ભારદ્વાજે  ક્યાંક ને ક્યાંક એવો જ સ્પર્શ ધરાવતી ફિલ્મ “ઇશ્કિયા”માં માનવની સંવેદનાઓને અતિ બરછટ- અતિ બર્બર રીતે વ્યક્ત કરી છે. ઉત્તર પ્રદેશના ગોરખપુરની દેહાતી પાશ્વભૂમિ પર આકાર લેતી કથામાં નેગેટિવ શેડ ધરાવતા પાત્રોની આંતરિક સંવેદનાઓને વાચા આપી છે અને એ વ્યકત કરવામાં નસીરુદ્દીન શાહ, વિદ્યા બાલન અને અરશદ વારસી અત્યંત સફળ રહ્યા છે.


ખલુજાન (નસીરુદ્દીન શાહ ) ગુનાની દુનિયામાં રહીને પણ અતિ સંવેદનશીલ ,સહ્રદયી ઇન્સાન છે. ક્રીશ્ના પ્રત્યેનો એનો પ્રેમ ઉંમરને સ્પર્શતો , જેને પ્લેટોનિક તો ન જ કહેવાય અને છતાં  માત્ર  શારીરિક પણ નથી જ્યારે બબન(અરશદ વારસી)નો ક્રિશ્ના પ્રત્યેનો એક તરસ ભર્યો, દેહ ધર્મની જરૂરિયાતોને અનુસરતો અને છતાં પહેલા ક્યારેય ન અનુભવ્યો હોય તેવો પ્રેમ છે.  જ્યારે ક્રિશ્ના (વિદ્યા બાલન)નો બંને તરફ  પ્રેમ પણ એટલો જ સાચો છે  અને છતાં ય  સાથે સાથે ભારોભાર  છલના ભર્યો છે .

ક્રિશ્ના ના પાત્રમાં વિદ્યા બાલને તેના રહસ્યમય-અકળ  વ્યક્તિત્વને આબેહૂબ રજૂ કર્યુ છે, સ્ત્રીત્વના વિરોધાભાસને વ્યક્ત કરતી ક્રિશ્ના ક્યારેક પતિને  તરફ અમર્યાદિત પ્રેમ કરતી પત્નિ  તો ક્યાંક પોતાની ઇચ્છાઓને પૂર્તિ આપવા બે  પ્રેમીઓ વચ્ચે વહેંચાતી તકવાદી પ્રેમિકા એ બેમાં કઇ ક્રિશ્નાને સાચી માનવી એટલી હદે સ્વભાવિક લાગે છે. “કહીં પે નિગાહે કહીં પે નિશાના “ની જેમ ધાર્યા પંખીને પાડવા માંગતી, દરેકને પોતાની પકડમાં લેવાનો પ્રયત્ન કરતી પણ પોતે કોઇની પકડમાં ન આવતી દક્ષ ક્રિશ્નાના પાત્રમાં વિદ્યા બાલનને વિશાલ ભારદ્વાજે  તદ્દન અનોખા અંદાજમાં રજૂ કરી છે.

હંમેશના નેચરલ અને સાવ સ્વભાવિક અંદાજમાં પાત્રમાં ઢળી જતા નસીરુદ્દીન શાહે  દરેક ક્ષણે  ખલુજાનના પાત્રને પરદા પર જીવંત કર્યુ છે. આંખો દ્વારા વ્યકત થતો પ્રેમ પ્રદર્શિત કરતા ખલુજાનની નજરે  જ્યારે  ન ધારેલા સંજોગો પડે ત્યારે હ્રદયના ખૂણે લાગેલી ચોટ આંખોમાં વ્યકત થાય અને છ્તાંય કોઇ આયાસ તેના માટે કરવો ન હોય તેવી પાકટતા નસીરુદ્દીન જ બતાવી શકે.

મુન્નાભાઇની સિરીઝથી નવી ઓળખ પામેલા અર્શદ વારસી હંમેશા સેકન્ડ લીડમાં જ રહ્યા  હોવા છતાં તે છવાયેલા રહે છે તેમ  ઇશ્કિયામાં પણ બબનના પાત્રમાં ધારી અસર ઉભી કરે છે.

વિશાલ ભરદ્વાજની અભિષેક ચોબે દિગદર્શિત ફિલ્મ “ઇશ્કિયા”માં  વિચારો તે પહેલા અણધાર્યા વળાંક , ન કલ્પેલી પરિસ્થિતિ અને દેહાતી પાત્રો દ્વારા રજૂ થતા દેહાતી સંવાદો અને દરેક નાના પાત્રોના પણ પરફેક્ટ  અભિનયનું  અજબ કોમ્બીનેશન છે.

અંધકાર એ વિશાલ ભારદ્વાજની ફિલ્મોનુ જરૂરી બેક ગ્રાઉન્ડ બની ગયું છે.

કલાકાર– નસીરુદ્દીન શાહ, વિદ્યા બાલન, અર્શદ વારસી, સલમાન શાહીદ,રાજેશ શર્મા

પ્રોડયુસર – વિશાલ ભારદ્વાજ

ડાયરેકટર– અભિષેક ચોબે

મ્યુઝિક– વિશાલ ભરદ્વાજ

ગીતકાર-ગુલઝાર,

ફિલ્મ *** એક્ટિંગ * * * * મ્યુઝિક * * * સ્ટોરી * * એકશન  * * સિનેમેટોગ્રાફી **

આ આલેખન/ ફિલ્મ રિવ્યુ દિવ્યભાસ્કર ની પૂર્તિ સિટી ભાસ્કર માટે લખ્યો અને ૩૦/૧/૨૦૧૦ ના પ્રગટ થયો.”

January 30, 2010 at 3:46 am 3 comments

“સગાં સગાં સૌ શું કરો છો ?”


સગાં તો સ્મશાનેથી પાછાં વળી જાય છે, સાચા સગાં છે જંગલના લાકડા જે સાથે બળી જાય છે.

છૂટે ના શ્વાસ છેલ્લા ત્યાં સુધી સૌ આશા રાખે છે, દવા અને દુઆમાં લોકો ખૂબ વિશ્વાસ રાખે છે.

 

ઉઘાડી આંખથી નિસ્બત છે દુનિયાને દોસ્તો, બાકી જરૂરતથી વધારે ઘરમાં કોણ લાશ રાખે છે.

 

મરનારની ચિતા પર એનો ચાહનાર કોઇ ચડતો નથી, કહે છે હું મરીશ પણ પાછળથી કોઇ મરતું નથી.

 

જુએ છે દેહને આગમાં બળતો પણ આગમાં કોઇ પડતું નથી, અરે, આગમાં તો શું પડે એની રાખને પણ કોઇ અડતું નથી.

 

પંખી સમજે છે કે ચમન બદલાયું છે, સિતારા સમજે છે કે ગગન બદલાયું છે, પણ સ્મશાનની ખામોશી ચીસો પાડે છે કે છે લાશ એની , ફકત કફન બદલાયું છે.

 

 

 

 

વિચારધારા

૧. જીંદગીને કોઈ પણ જાતની શરત વગર પ્રેમ કરો.


. તમે નહીં ખર્ચેલા ડોલરના તમે ચોકીદાર છો માલિક નહીં.


. દુનિયામા દરેક માણસ એમ સમજે છે પોતે ચાલાક છે. કુદરતની ચાલાકીની ખબર છે?


. જો તમને પહેરવા કપડા, રહેવા ઘર, બે વખત ખાવા અન્ન મળતું હોય તો ખરા દિલથી ઉપરવાળાનો આભાર માનજો.


. વાત મહત્વની નથી કે તમે પૈસાદાર છો કે ગરીબ. દરેક માણસનો અંત તો એક સરખો છે. ‘મૃત્યુ.’ મહત્વની વાત છે કે કોણ કેટલું સાથે લઈ જઈ શક્યો.

 

E mail from Nilima Shah

January 27, 2010 at 4:55 am 16 comments

“એક નવા શુભ વર્ષમાં એમનો મગંળ પ્રવેશ.. “

અનિલ જોષીનું કન્યા વિદાયનું ગીત -પણ જરા શબ્દફેર સાથે..

”  લીલુડા પાંદડાની ઉછળતી વેલ

હવે કંકુના પગલા લઈ આવી

નાડાછડીના તાંતણે બાંધેલુ ફળિયુ

હવે લાગે છે મગંળ મંદિર..

મૂળ  કન્યા વિદાય વિશે લખાયેલુ  કાવ્ય આજના તે દિવસે જરા જુદી રીતે અનુભવાતુ હતુ. દિકરી માંડવડે બાંધેલી ચોરી વચ્ચે સપ્તપદીના ફેરા ફરતી હોય ત્યારે  હ્રદય ઉમંગ ભર્યુ હોવા છતાં એના સાત સાત પડળ વહેરાઇને વેર-વિખેર થઈ જતા લાગે .જ્યારે આ જ સપ્તપદીના ફેરા ફરતી કોઇની કન્યા જ્યારે આપણા ઘરની લક્ષ્મી બની એના કુમકુમ પગલા પાડતી ગ્રુહપ્રવેશ કરવાની હોય ત્યારે એ પ્રત્યેક સપ્તપદીના ફેરાએ હ્રદયમાં સપ્તરંગી મેઘધનુષ્યના રંગ બની જતા હોય તેવું  લાગે.

આવા જ એક સપ્તરંગી મેઘધનુષ્યના સાતે રંગ બનીને આવનાર એ મારી પુત્રવધુ -એ મીઠડીના આગમનના એ શુભ અવસરને આજે  ૨૪ જાન્યુઆરીએ બે વર્ષના વ્હાણા વીતી ગયા છે પણ આજે  એ દિવસની યાદ મન -હ્રદયમાં અકબંધ છે.

હાથોમાં મંહેદી શોભે ને ફુલોની મહેક,
નવા સબધોનું પાનેતર પહેરી ને તે,
આજે તો  કોઇની લાડલી બની છે રે દુલ્હન….

પાનેતરમાં ઢબુરાઇને જ્યારે  કોઇની એ લાડલી  મારા ઘરનો અજવાસ બનીને આવતી હતી ત્યારે એક બાજુ વિદાય ગીત ચાલતુ હતુ..

પરણ્યા એટલે પ્યારા લાડી

ચલો આપણે ઘેર રે..

હા,  આજ સુધી જે મારુ ઘર હતુ એ આજથી એનું પણ ઘર હતુ. એના કુમકુમ પગલા જેમ જેમ મારા ઘરમાં પ્રવેશ કરવા આગળ વધી રહ્યા હતા તેમ તેમ અમારા અંતરમાં આનંદની લાલીમા રેલાતી હતી. નાજુક પગના એક ઠેલાથી અક્ષત કુંભ ઠેલવતી એ જ્યારે ઘરમાં પ્રવેશી ત્યારે દિકરીના વિદાયથી ખાલી પડેલુ ઘર  જાણે  અભરે ભરાઇ ગયું.

પુત્રવધુના આગમને પુત્ર વહેંચાઇ જશે એવી સાંભળેલી વાતોની મન- ચિત્તમાં સહેજ પણ ભીતિ નહોતી.જ્યારથી  એ બે ના મન મળ્યા તે જ દિવસથી અમારા પણ હ્રદયમેળ થઈ ગયા હતા. ક્યાંક એવું જાણ્યુ હતુ કે જ્યારે તમે જે વ્યક્તિને પુરા મનથી -ખરા હ્રદયથી સ્વીકારી લો ત્યારે તે વ્યક્તિ તમારા જીવનનું અભિન્ન અંગ બની જાય  તો પછી એ અભિન્ન અંગને આપણાથી –આપણા પરિવારથી ભિન્ન્ન શા માટે માનવું?

દિકરી  સાથે લોહીનો  સંબંધ હોય તો  દિકરાની પત્ની સાથે લાગણીનો સંબંધ સંધાઇ જાય.દિકરી જ્યારે ઘરનો માળો છોડી બીજાના ઘરનો માળો  વસાવવા જતી હોય તે સમયની વેદના ના સ્થાને જ્યારે કોઇની દિકરી આપણો માળો બાંધવા આવે ત્યારે ઉલ્લાસ ઉમંગથી એ માળો ચહેકી ઉઠે છે.  આ જ ચહેકાહટ એ દિકરીના વિદાયથી ખાલી પડેલા માળાને જીવંત બનાવે છે.

દિકરી એટલે  ઘરનો તુલસી ક્યારો ..પણ એ તુલસી ક્યારો બીજાના ઘર આંગણમાં જઈને ખીલવાનો છે..તો આજે મારા ઘરમાં રોપાતા એ તુલસી ક્યારાને પ્રેમથી સીંચીને હંમેશા પલ્લવીત મારે રાખવાનો છે એવો જાણે અજાણે  કોલ ઘરમંદિરમાં થાપા દેતી  મારી એ મીઠડીને મેં દીધો.

દિકરી જન્મે  એટલે કહેવાય કે ઘરમાં લક્ષમી પધાર્યા …પુત્રવધુના ગ્રુહ પ્રવેશ સમયે પણ એવો જ ભાવ થવો એ સ્વભાવિક નથી?? જો એ સ્વભાવિકતા હંમેશા રહે તો જ સાચા અર્થમાં એનો સ્વીકાર કર્યો કહેવાય..

આજે આટલા સમયે એ સ્વીક્રુતિ એમ જ છે અને હંમેશા રહે એવી ઇશ્વરને ખરા હ્રદયથી પ્રાર્થના.કારણ આજે ફરી ૨૪ જાન્યુઆરી …એક નવા શુભ વર્ષમાં એમનો પ્રવેશ.. આવનાર પ્રત્યેક વર્ષ અમારા સૌ  માટે અતિ શુભ બને..

January 24, 2010 at 2:01 am 7 comments

“વીર”- film reviews –

– ગીત-સંગીતે જાળવ્યું શૌર્ય –

અનિલ શર્મા દિગ્દર્શિત -સલમાન ખાન લિખિત-અભિનિત ફિલ્મ  “વીર” વર્તમાન સમયના પ્રવાહથી ઘણા વર્ષો પાછળની ૧૯૨૦ ની સાલથી શરૂ થઈ રાજા-મહારાજા -નવાબોમાં ફાટફૂટ પડાવી ભારત પર હકૂમત કરતા બ્રિટીશ રાજ્ય, ભારતના પોતાના સ્વાર્થ માટે -પોતાના રાજ્ય માટે  પોતાના દેશ સાથે દગો કરતા  અમીચંદ જેવા માધવગઢના રાજા અને દેશદાઝ ધરાવતી પિંઢારી કોમની કથા છે.
બ્રિટીશ હકૂમત હટાવવા માટે ખાસ નોંધ ન લેવાયેલા અને છતાં મરણીયા થઇ લઢેલા પિંઢારી લોકોની  દેશદાઝની વાત છે.

વીર નામ સાર્થક કરતા એક યોધ્ધાની ભૂમિકાની સાથે સાથે એક પ્રેમી- ભારત માત્ર જ નહી પણ પિતાની આન-બાન અને વચન સાટે જીવ પર ખેલી જનાર ખરા અર્થમાં સપૂત કહેવાય તેવા “વીર “ની ભૂમિકા માં સલમાન ખાન તેની આજ સુધીની ભૂમિકાથી તદ્દન અલગ ભૂમિકા નિભાવી છે. લડાઇ વખતે બળૂકો દેખાતો સલમાન પ્રેમી તરિકે એટલોજ લાગણીવશ થઈ શકે તો કોઇપણ પરિસ્થિતિમાં સાચનો સાથ તટસ્થ સોચ ધરાવતા વીરના પાત્રમાં સલમાન ખાને તેના તમામ ભાવને પુરેપુરો ન્યાય આપ્યો છે.

પિંઢારી કોમના નેતા- પ્રિથ્વી સિંગ ( મીથુન ચક્રવર્તી)  -માધવગઢના બ્રિટીશ સલ્તનતના હજૂરીયા જેવા મહારાજા ( જેકી શ્રોફ) નો પાત્રોચિત અભિનય આ ફિલ્મ નું સબળ પાસુ છે. કેટરિના કેફ જેવો આભાસ ધરાવતી  ઝરીન ખાન તેની સુંદરતાની સાથે સબળ અભિનય ના લીધે  માધવગઢની રાજકુમારી  યશોધરાના પાત્રમાં સતત ધ્યાન ખેંચે છે, સૌથી વધુ મહ્ત્વની વાત છે આવી યુગ સંબંધિત  ફિલ્મમાં હળવી ક્ષણો પુરી પાડવી જેમાં સોહીલ ખાન મહદ અંશે સફળ થાય છે.

ગુલઝારના ગીતો ને સાજીદ-વાજીદે સંગીતે મઢ્યુ છે. ” કિતને રંગ આતે જાતે હૈ આપકે રૂખસારો પર” –“સુરિલી અખિયોં વાલી સુનાદે જરા અખિંયો સે ” દબી દબી સાંસોમેં  સુના થા મૈને બોલે બીના તેરા નામ ” જેવા  કર્ણ-મધુર ગીતો  હોવા છતાં બીન જરૂરી લંબાઇ ના લીધે  “ગદર “જેવી હીટ ફિલ્મના દિગ્દર્શક અનિલ શર્મા અહી ધારી અસર ઉપસાવી શક્યા નથી.

કલાકાર- સલમાન ખાન, ઝરીન ખાન, મિથુન ચક્રવર્તી. જેકી શ્રોફ, સોહેલખાન, નીના ગુપ્તા.

પ્રોડયુસર –વિજય  ગલાની, સુનિલ લલ્લા

ડાયરેકટર- અનિલ શર્મા

મ્યુઝિક- સાજીદ-વાજીદ

ગીતકાર- ગુલઝાર

ફિલ્મ * *એક્ટિંગ-* * * મ્યુઝિક-* * * સ્ટોરી-* * એકશન-* * * સિનેમેટોગ્રાફી-* * *

આ આલેખન/ ફિલ્મ રિવ્યુ દિવ્યભાસ્કર ની પૂર્તિ સિટી ભાસ્કર માટે લખ્યો અને ૨૩ /૧/૨૦૧૦ ના પ્રગટ થયો.”

January 23, 2010 at 2:21 am 5 comments

“જીવનના સાત પગલા”

જીવનના સાત પગલા

૧) જન્મ———-એક અણમોલ સોગાદ છે, જે ભગવાનની ભેટ છે.


(૨)
બચપન——મમતાનો દરિયો છે, પ્રેમથી ભરિયો છે, જે ડૂબી શક્યો તે તરિયો છે.


(૩)
તરુણાવસ્થા—-કંઇ વિચારો, કંઇ આશાઓ નો પહાડ છે,મેળવવાની અનહદ આશ છે, લૂટવાની તમન્ના છે.

 

(૪)યુવાવસ્થા——બંધ આંખોનું સાહસ છે, જોશછેઝનૂન છે, ફના થવાની ઉમ્મીદો છે,કૂરબાની ની આશાઓ છે,લૂટાઇ જવાની ખ્વાહિશ છે.

 

(૫) પ્રૌઢાવસ્થા—–ખૂદને માટે કંઇ કરી શકતાં મેળવીને આપવાની પણ ખૂશી છે, કુટુંબ માટે કુરબાન થવાની જીજીવિશા છે.

 

(૬) ઘડપણ——–વિતેલા જીવનનો સરવાળો છે,મારા આપણાનો વહેવાર છે, જેવું વાવ્યું હતું તેવું લણવાનો સમય છે.

 

(૮) મરણ———–જીન્દગીની કિતાબ ખૂલશે, નાડીએનાડીએ કર્મ તૂટશે, પાપપૂણ્યનો મર્મ ખૂલશે, કર્મધર્મનો હિશાબ થશે, સ્વર્ગનર્કનો માર્ગ થશે,પોતાનાનો પ્યાર છૂટશે. સાત પગલા પૂરા થશે…..

 

E Mail from Nilima Shah.

INDIA

January 22, 2010 at 5:37 pm 5 comments

આજની વસંત પંચમી મારી એ વસંત – રિયા ને નામ

વસંત પંચમી

આજે વસંત પંચમી –ૠતુઓમાં ૠતુ વસંત..

વસંત એટલે વનનો ઉત્સવ- મનનો ઉત્સવ.

શિયાળાની ક્યારેક આકરી ક્યારેક કારમી ઠંડીમાં ઠીઠુરાઇ ગયેલા પર્ણને નવપલ્લવિત કરતી ૠતુ વસંત.

આજ સુધી ઘણા  કવિઓ-લેખકોએ વસંતના વધામણા ઉજવ્યા છે. વસંત છે જ એવી ૠતુ કે ઠીઠુરાઇ ગયેલા પર્ણો-વ્રુક્ષો જ નહી પણ ઠંડીમાં સિકુડાઇ ગયેલા શરીરને પણ ઉષ્માથી  ચેતનવંતુ બનાવે .જીવનમાં હંમેશા અતિનો અતિરેક અસહ્ય છે.  અતિશય ઠંડી કે અતિશય ગરમી કોઇના માટે સહ્ય બની જ નથી. જીવનમાં મધ્યમ એ જ ઉત્તમ છે. વસંત એ જીવનના મધ્ય- સહ્યનું સંયોજન છે.

વસંતના આગમને કોયલના ટહુકા-પંખીઓના કલરવ- ભમરાના ગુંજન સ્રુષ્ટિને સજીવ બનાવે .આવી જ એક વસંત પંચમીના દિવસે અમારા પરિવારને જીવંત બનાવતા એક ટહુકાનું- એક કલરવનું આગમન થયુ. અને આગમને અમારા પરિવારોદ્યાનમાં એક નવી મોસમનું આગમન થયું. સોળે કળાએ ખિલતી પ્રક્રુતિની જેમ અમારા પરિવારમાં પણ સૌના હ્રદય શત-શત કળાએ ખીલી ઉઠ્યા. અમારી સ્રુષ્ટીને જીવંત બનાવતી એ નાનકડી કળી આજે તો એની ચોથી વસંતે સુંદર મઘમતુ ફુલ બની છે જેના એક એક શ્વાસની સુગંધ મનને તરબતર કરે છે. એના આગમને વસંતનો ખરો અર્થ સમજાયો છે. વસંત પંચમી એટલે એ્નો જન્મ દિવસ નહી પણ એનો જન્મ દિવસ એટલે જ વસંત પંચમી. ક્યાંક ખીલેલા ગુલાબની ખુશ્બુ-ક્યાંક હવામાં લહેરાતી રાતરાણીની મદ મસ્ત મનને તરબતર કરતી મહેંક કરતાંય વધુ મનને પ્રફુલ્લીત કરતી એના તાજા જ નવડાયેલા શરીરની સુગંધ આજે પણ સ્મ્રુતિમાં અકબંધ છે. સવારમાં ઉઠીને જમીન પર વેરાયેલા પેલા પારિજાતના નાના -નાના કેસરીયા પીળા ફુલોની ઢગલીની જેમ રુમાલમાં લીધેલી એની  કુમકુમ પગલીઓની છાપ પણ આજે કબાટમાં ગડીબંધ છે. વસંતમાં વેરાયેલી સંમ્રુધ્ધિની જેમ એની યાદો પણ આજે હ્રદયમાં સમ્રુધ્ધ છે.. જોજનો દૂર છે છતાં દિલની સાવ પાસે છે . . ઘરના કોઇ એક ખૂણેથી હમણાં જ દોડતી આવશે એવો ભ્રમ પણ એટલો જ અકબંધ છે અને એ ભ્રમ અકબંધ રહે એમાં જ જીવનની ખરી વસંત છે.ઝાડમાં બેસી ટહુકો કરતી પણ ક્યારેય નજર સામે ન આવતી એ કોયલની જેમ ક્યારેય ફોન પર હેલ્લો ન બોલતી હોવા છતાં એની કાલી  બોલીનો ટહુકો સતત કાનમાં ટહુકે  છે.

 

દિકરી વ્હાલનો દરિયો પણ

પૌત્રીએ તો  સુખે ભવસાગર ભરીયો.

 

 

આજની વસંત પંચમીના વધામણા મારી એ વસંત નામ.કારણ એની યાદ માત્ર કોઇપણ ઋતુને વસંત બનાવવા કાફી છે.

January 20, 2010 at 11:03 am 10 comments

Older Posts


Blog Stats

  • 119,013 hits

Recent Posts

rajul54@yahoo.com

Join 128 other followers

દેશ – વિદેશ ‘પ્રવાસ વર્ણન’

Posts filed under ‘પ્રવાસ વર્ણન’

ફિલ્મ રિવ્યુ –

Posts filed under ‘- film reviews -’ https://rajul54.wordpress.com/category/film-reviews/

Categories

“ગુજરાતી બ્લોગર્સ/બ્લોગ રીડર્સ ગ્રુપ”

"http://groups.google.co.in/group/gujblog" target="_blank">ગુજરાતી બ્લોગર્સ/બ્લોગ રીડર્સ ગ્રુપ

Flag counter

free counters

Calender

January 2010
M T W T F S S
« Dec   Feb »
 123
45678910
11121314151617
18192021222324
25262728293031

Disclaimer:

© અહીં રજૂ કરેલ કૃતિઓના કોપીરાઇટ્સ-હક્કો જે તે રચનાકારના પોતાના છે. આ બ્લોગ પર અન્ય કવિઓની જે રચનાઓ પોસ્ટ કરી છે, એને લીધે જો કોઇના કોપીરાઇટનો ભંગ થયેલો કોઇને લાગે અને મને જાણ કરવામાં આવશે, તો તેને સત્વરે અહીંથી દૂર કરીશ. પણ મને આશા અને શ્રદ્ધા છે કે સૌ સર્જકો અને પ્રકાશકો તેમ જ તેમના વારસદારો ગુજરાતી ભાષાના પનોતા સંતાનોને માટે વિશ્વ-ગુર્જરી સમાજમાં સભાનતા કેળવવાના આ નિસ્વાર્થ પ્રયત્નોને હૃદયપૂર્વક ટેકો આપશે અને બીરદાવશે. ۞ Disclaimer : This blog is not for any commercial purposes. The entries posted on this blog are purely with the intention of sharing personal interest in gujarati literature/sahitya without any intention of direct or indirect commercial gain. Locations of visitors to this page


"બેઠક" Bethak

વાંચન દ્વારા સર્જન -બેઠક

શબ્દોને પાલવડે

સ્વરચનાઓનો સંચય મારા શબ્દોના પાલવમાં

વિનોદીની..

મારી કવિતાઓ અને રચનાઓ નો બ્લોગ.. વિનોદીની

ધર્મધ્યાન

અલ્પમતિ વિજય શાહની ધર્મવાતો, ધર્મ સમજણ અને ધર્મ ધ્યાન્..

Banshari Banine

Krishna Bhajans and other poetry

રાજુલનું મનોજગત

“Languages create relation and understanding”

Kalyanshah

Ahmedabad based photographer. Owner at Pixel Planet.

વિજયનુ ચિંતન જગત

મને ગમતી વાતો અને મારી સર્જન પ્રવૃતિઓ...

મારુ વિચાર વિશ્વ

મારી આંખથી આકાશ કદી જોજે.....

સહિયારું સર્જન - ગદ્ય

એકથી વધુ લેખકો દ્વારા થતાં લઘુ નવલકથા કે લઘુકથા જેવાં સહિયારા ગદ્ય સર્જનનો પ્રથમ બ્લોગ!