વસંત પંચમી- મારી એ વસંત રિયાને નામ
February 8, 2011 at 1:17 pm 22 comments
વસંત પંચમી
આજે વસંત પંચમી –ૠતુઓમાં ૠતુ વસંત..
વસંત એટલે વનનો ઉત્સવ- મનનો ઉત્સવ.
શિયાળાની ક્યારેક આકરી ક્યારેક કારમી ઠંડીમાં ઠીઠુરાઇ ગયેલા પર્ણને નવપલ્લવિત કરતી ૠતુ વસંત.
આજ સુધી ઘણા કવિઓ-લેખકોએ વસંતના વધામણા ઉજવ્યા છે. વસંત છે જ એવી ૠતુ કે ઠીઠુરાઇ ગયેલા પર્ણો- વૃક્ષો જ નહી પણ ઠંડીમાં સિકુડાઇ ગયેલા શરીરને પણ ઉષ્માથી ચેતનવંતુ બનાવે .જીવનમાં હંમેશા અતિનો અતિરેક અસહ્ય છે. અતિશય ઠંડી કે અતિશય ગરમી કોઇના માટે સહ્ય બની જ નથી. જીવનમાં મધ્યમ એ જ ઉત્તમ છે. વસંત એ જીવનના મધ્ય- સહ્યનું સંયોજન છે.
વસંતના આગમને કોયલના ટહુકા-પંખીઓના કલરવ- ભમરાના ગુંજન સૃષ્ટિને સજીવ બનાવે .આવી જ એક વસંત પંચમીના દિવસે અમારા પરિવારને જીવંત બનાવતા એક ટહુકાનું- એક કલરવનું આગમન થયુ. અને આગમને અમારા પરિવારોદ્યાનમાં એક નવી મોસમનું આગમન થયું. સોળે કળાએ ખિલતી પ્રકૃતિની જેમ અમારા પરિવારમાં પણ સૌના હ્રદય શત-શત કળાએ ખીલી ઉઠ્યા. અમારી સૃષ્ટીને જીવંત બનાવતી એ નાનકડી કળી આજે તો એની ૧૩મી વસંતે સુંદર મઘમતુ ફુલ બની છે જેના એક એક શ્વાસની સુગંધ મનને તરબતર કરે છે. એના આગમને વસંતનો ખરો અર્થ સમજાયો છે. વસંત પંચમી એટલે એ્નો જન્મ દિવસ નહી પણ એનો જન્મ દિવસ એટલે જ વસંત પંચમી. ક્યાંક ખીલેલા ગુલાબની ખુશ્બુ-ક્યાંક હવામાં લહેરાતી રાતરાણીની મદ મસ્ત મનને તરબતર કરતી મહેંક કરતાંય વધુ મનને પ્રફુલ્લીત કરતી એના તાજા જ નવડાયેલા શરીરની સુગંધ આજે પણ સ્મૃતિમાં અકબંધ છે. સવારમાં ઉઠીને જમીન પર વેરાયેલા પેલા પારિજાતના નાના -નાના કેસરીયા પીળા ફુલોની ઢગલીની જેમ રુમાલમાં લીધેલી એની કુમકુમ પગલીઓની છાપ પણ આજે કબાટમાં ગડીબંધ છે. વસંતમાં વેરાયેલી સમૃધ્ધિની જેમ એની યાદો પણ આજે હ્રદયમાં સમૃધ્ધ છે.. જોજનો દૂર છે છતાં દિલની સાવ પાસે છે . . ઘરના કોઇ એક ખૂણેથી હમણાં જ દોડતી આવશે એવો ભ્રમ પણ એટલો જ અકબંધ છે અને એ ભ્રમ અકબંધ રહે એમાં જ જીવનની ખરી વસંત છે. ઝાડમાં બેસી ટહુકો કરતી પણ ક્યારેય નજર સામે ન આવતી એ કોયલની જેમ ક્યારેય ફોન પર હેલ્લો ન બોલતી હોવા છતાં એના હોંકારાનો ટહુકો સતત કાનમાં ટહુકે છે.
ગઈકાલ સુધીની એ બધી જ યાદો હજુ પણ મનમાં તરોતાજા છે અને અત્યારે ? અત્યારની તો વળી વાત જુદી જ છે. હવે તો હરએક વસંત પંચમી અનેરી છે કારણકે એની ઝાકળ જેવી નજાકત, ચંચળ હરણા અને ઝરણા જેવી મસ્તી, કિશોરાવસ્થાએ પહોંચેલી રિયાનો તરવરાટ અમારો વર્તમાન છે.
આજની વસંત પંચમીના વધામણા મારી એ વસંત નામ કારણ એની હાજરી માત્ર કોઇપણ ઋતુને વસંત બનાવવા કાફી છે.
દિકરી વ્હાલનો દરિયો પણ પૌત્રીએ તો સુખે ભવસાગર ભરીયો.
Entry filed under: મારું ભાવજગત.
1. Amit Patel | February 8, 2011 at 1:56 pm
રિયાને જન્મદિન મુબારક અને આપને વસંતપંચમીના વધામણા!
LikeLike
2. અશોકકુમાર -'દાદીમા ની પોટલી ' | February 8, 2011 at 1:57 pm
પ્યારી રિયાને ખૂબ ખૂબ પ્યાર !
ઈશ્વર સદા તે વસંત તેના જીવનમાં મહેકતી રાખે અને આપ સર્વેના જીવનમાં તેની મહેક સદા મધમધતી રહે અજ પ્રાર્થના !
અશોકકુમાર -‘દાસ’
‘દાદીમા ની પોટલી’
LikeLike
3. હિરેન બારભાયા | February 8, 2011 at 1:58 pm
તમે તો ખરેખર નસીબદાર છો રાજુલબેન કારણ કે તમે તમારા ચક્રવૃદ્ધિ વ્યાજ (દીકરીની પણ દીકરી) સાથે સમય પસાર કરો છો…
LikeLike
4. Heena Parekh | February 8, 2011 at 2:10 pm
રિયાને જન્મદિનની શુભેચ્છા. એકદમ ક્યુટ છે.
LikeLike
5. sneha | February 8, 2011 at 2:32 pm
કારણ એની હાજરી માત્ર કોઇપણ ઋતુને વસંત બનાવવા કાફી છે.
એક્દમ સાચું…
મીઠ્ડી રીયાને જન્મદિનની ઢ્ગલો વધાઈઓ..
LikeLike
6. Rajul Shah | February 8, 2011 at 3:46 pm
Thanks Hinaben.
Rajul Shah http://www.rajul54.wordpress.com
LikeLike
7. Rajul Shah | February 8, 2011 at 3:47 pm
જીવનની ખરી વસંત જ એને કહેવાયને!
Rajul Shah http://www.rajul54.wordpress.com
LikeLike
8. Rajul Shah | February 8, 2011 at 3:48 pm
આપની શુભકામના માટે ખુબ ખુબ આભારશોકભાઇ.
Rajul Shah http://www.rajul54.wordpress.com
LikeLike
9. Rajul Shah | February 8, 2011 at 3:48 pm
Thanks Amitbhai,
Rajul Shah http://www.rajul54.wordpress.com
LikeLike
10. Rajul Shah | February 8, 2011 at 3:50 pm
Thanks a lot Sneha.
Thanks a lot Sneha.
LikeLike
11. MARKAND DAVE | February 8, 2011 at 6:23 pm
જન્મદિવસના ખૂબ ભર્યાભાદર્યા આશિષ ચિ. રિયાને.
વસંત પંચમી એટલે રિયાનો જન્મ દિવસ નહી પણ એનો જન્મ દિવસ એટલે જ વસંત પંચમી.
એટલેજ રિયા ખિલખિલાટ ખીલી છે..!!
માર્કંડ દવે.
LikeLike
12. devikadhruva | February 8, 2011 at 11:36 pm
તમારી વસંત સદાબહાર રહે,સભર રહે એવી દિલની શુભેચ્છા.
LikeLike
13. ગોવીંદ મારુ | February 9, 2011 at 12:09 am
પ્યારી રીયાને જન્મદીનની હાર્દીક શુભેચ્છાઓ…
LikeLike
14. dhufari | February 9, 2011 at 6:24 am
દીકરી રાજુલ
રિયાને મારા વતી ખુબ ખુબ પ્યાર સાથે જન્મદિવસ મુબારક.હા એ વાત સાચી છે કે મુદ્લ કરતાં વ્યાજ વ્હાલું હોયછે એ વાતે હું નશીબદાર છું કે મારે દીકરીની દીકરી દ્રષ્ટી છે અને દીકરાની દીકરી ટીશા છે.બન્ને જ્યારે સાથે મળે ત્યારે નાના મારા અને દાદા મારા વળી ખેંચતાણ મેં ખુબ માણી છે
તને વસ્ંતના વધામણા
LikeLike
15. પરાર્થે સમર્પણ | February 9, 2011 at 9:24 am
શ્રી રાજુલબહેન
વસંતના વધામણા સાથે ચિ. રિયાને પંચમ વસંતના જન્મ વધામણાં
એના જીવનમાં સદાયે વસંતની જેમ ઉર્મીઓ ખીલતી રહે. જીવનમાં
સદાય હરેકના મનમાં અને દિલમાં વસંત ખીલવતી રહે અને જીવન
સાગરમાં એટલેકે અભ્યાસ અને અન્ય પર્વૃતિઓમાં પર્ણોની જેમ ખીલી
જીવન મધુર અને મીઠું બને એવી શુભ કામના.
“જુલ અને રિયાના જીવનમાં ખીલતી રહે સદાયે વસંત
રંગો ને કોયલના મીઠા ટહુકા સમું રહે જીવન સંગ અનંત”
LikeLike
16. Harshad / Madhav | February 9, 2011 at 10:50 am
Happy Birthday to Ria.
માધવ મેજિક બ્લોગ
LikeLike
17. Rajul Shah | February 9, 2011 at 11:34 am
Thanks.
Rajul Shah http://www.rajul54.wordpress.com
LikeLike
18. Rajul Shah | February 9, 2011 at 11:53 am
અરે વાહ!
આટલા સરસ વધામણા! ખુબ ખુબ આભાર.
Rajul Shah http://www.rajul54.wordpress.com
LikeLike
19. atuljaniagantuk | February 9, 2011 at 5:54 pm
વસંત ચેપી ઋતુ છે – એક વૃક્ષ પર ફૂલ આવે એટલે બીજા પર પણ આવે. એક વૃક્ષ પર પંખી ટહુકે એટલે બીજા વૃક્ષ પર પણ ટહુકે. એક બ્લોગ પર વસંત છલકે એટલે બીજા બ્લોગ પર પણ છલકે.
નાનીમાને વસંતના ખૂબ ખૂબ વધામણા અને આપની પ્યારી વસંત (રીયા) ને ખૂબ ખૂબ વહાલ.
LikeLike
20. Rajul Shah | February 9, 2011 at 6:05 pm
વસંત ઋતુ જેવો ખુશનુમા ચેપ તો ભાઇ સૌને લાગે એવી પ્રાર્થના. વસંતના વધામણા માટે ખુબ આભાર,
Rajul Shah http://www.rajul54.wordpress.com
LikeLike
21. readsetu | February 11, 2011 at 3:21 am
અરે વાહ, તમે તો મનમાં વસંત ખીલવી દીધી !! વહાલી રિયાને ખૂબ ખૂબ અભિનંદન અને ઢગલો એક વહાલ અને હૈયું ભરીને આશિર્વાદ.
લતા
LikeLike
22. Prempriya | February 11, 2011 at 8:39 am
આપની રિયાને જન્મદિવસના ખુબ ખુબ અભિનંદન……
આપની રંગ-બેરંગી અને સુવાસિત ભાવનાઓ, લાગણીઓ અને સપનાં આપ રિયામાં સાકાર થતાં જોઈ રહ્યા છો… આપનો સ્નેહ અહી અનુભવી શકાય છે………
LikeLike