Posts filed under ‘પ્રકીર્ણ’

ડૉ.સતીનભાઈ દેસાઈ, ગઝલકાર(ન્યૂઝ ઓફ ગાંધીનગર -જન ફરિયાદમાં પ્રસિદ્ધ અહેવાલ)

ડૉ.સતીનભાઈ દેસાઈ, ગઝલકાર સતીન દેસાઈ-‘પરવેઝ’, દીપ્તિ ‘ગુરૂ’…

આવી અનેક ઓળખ ધરાવતા સતીનભાઈ દેસાઈ વિશે એ જાણ હતી કે, એમણે ગુજરાતીમાં પાંચ હજાર ગઝલ, હિન્દી-ઉર્દૂમાં બે હજાર ગઝલ લખી છે. ઉપરાંત બે હજાર ગુજરાતી ગઝલના ઉર્દુ અનુવાદ કર્યા છે. એ બધી સાંભળેલી, જાણેલી વાતથીય વિશેષ જે પ્રત્યક્ષ અનુભવ કર્યો છે એની આજે વાત કરવી છે.

શ્રી સતીનભાઈ દેસાઈ અને તેમના પત્ની દીપ્તિબહેને બૉસ્ટન આવવાનાં આમંત્રણનો પ્રેમથી સ્વીકાર કર્યો. સતત બે દિવસ બંનેનું સાંનિધ્ય માણવાની, સતીનભાઈને સાંભળવાની જે તક મળી એ આનંદની વાત કરવી છે.

સતીનભાઈને સરસ્વતીદેવીનું વરદાન હોય એમ સમય, સંજોગને અનુલક્ષીને એમના મનમાં તત્ક્ષણ કવિતા કે ગઝલ સ્ફૂરે છે. કોઈ પૂર્વ તૈયારી વગર, હાથમાં કોઈ કાગળ કે નોંધ રાખ્યા વગર એ શ્રોતાને એમની વાતોમાં, કાવ્ય-ગઝલ પ્રસ્તુતિમાં પકડી, જકડી રાખે છે.

સદ્નસીબે બૉસ્ટન આવ્યા ત્યારે અહીંની ‘અમૃતસભા’ (સિનિયર ડે કેર)ના સભ્યોને એમના વક્તવ્યનો લાભ મળ્યો.

વયસ્ક લોકો માટે કાર્યક્રમ યોજ્યો હતો એટલે મોટાભાગે કૃષ્ણભક્તિને અનુલક્ષીને કૃષ્ણકાવ્ય રજૂ કરવાનું આયોજન હતું. ‘અમૃત સભા’ના સંચાલકો અને અન્ય સભ્યો હિંદી ભાષી હોવાથી ગઝલ સાંભળવામાં તેમને રસ હતો એવી જાણ થઈ.

કોઈ પૂર્વ તૈયારી વગર સતીનભાઈએ એક કલાક સુધી સ્વરચિત કાવ્યો અને ગઝલ દ્વારા શ્રોતાઓને કૃષ્ણમય બનાવ્યા.

સૌ પ્રથમ તો ‘અમૃતસભા’નું નામ ‘અમૃતધામ’ પ્રયોજીને એનું મહત્વ,એનું મૂલ્ય એટલી ઊંચાઈએ આંકી દીધું. ‘અમૃતધામ’ શબ્દથી વાતાવરણમાં પવિત્રતાનો પાસ ઉમેરાયો હોય એવી અનુભૂતિ કરાવી.

ત્યારબાદ સંચાલક બહેનોનાં નામ ‘સ’થી શરૂ થતાં હોવાનું ધ્યાનમાં આવતા શ્રીકૃષ્ણના સુદર્શન સાથે એ ત્રણે સંચાલક બહેનોનાં નામ સાંકળીને જે શરૂઆત કરી એનાથી જ સૌએ અજબ આત્મિયતા અનુભવી. ત્યારબાદ સતીનભાઈ એક પછી એક કાવ્ય, ગઝલની પ્રસ્તુતિ કરતા રહ્યા. એનાં લીધે જે માહોલ બંધાયો, એમાંથી, એ માહોલનાં વશીકરણમાંથી કાર્યક્રમના સમાપન બાદ બહાર આવવાનું, છૂટા પડવાનું સૌ માટે મુશ્કેલ હતું.

સતીનભાઈની એક બીજી ખૂબીની વાત કરવી છે. જેમ સમય, સંજોગને અનુલક્ષીને એ જ ક્ષણે કવિતા કે ગઝલ રચે છે એમ વ્યક્તિને અનુલક્ષીને પણ એ જ ક્ષણે એમના મનમાં શબ્દો સ્ફૂરે છે અને પદ્ય રચાય છે. જેમ સંચાલક બહેનોનાં નામ પરથી કાવ્ય રચ્યું એમ ‘અમૃતસભા’માં ઉપસ્થિત જસુમતીબહેનને ઉદ્દેશીને કૃષ્ણ અને જશોદાના પ્રેમભાવને વ્યકત કરતી કવિતા રચીને જાણે સ્વયં કૃષ્ણ ભાવે રંગાયા.

मै तडप रहा था बरसो से, तरस रहा था मै बरसो से उसकी आगोशें,

तो आज मैं जिस की आगोशें तरस रहा था,

जसुमती मा आज यहां यशोदा स्वरूप है

और मैं कહેता हुं कि मा से दुनिया का हर ज्ञान पाना है,

मा का दिल हर किताबखाना है,

देवकी रूप मा जशोदा का, मुझ को भी कृष्ण बनकर आना है

એ કાર્યક્રમ પૂરો થયો ત્યારે ત્યાં ઉપસ્થિત સભ્યો સતીનભાઈના ભાવવિશ્વ સાથે સીધા જ સંકળાઈ ગયા હોય એવી અનુભૂતિમાં હતા.

આ તો થઈ એક અનાયાસે ગોઠવાઈ ગયેલા અને અત્યંત સફળ રહેલા કાર્યક્રમની વાત. એક અંગત અનુભવની વાત પણ કરવી છે.

સવારનો સમય હતો. ઘરના ‘ડાઇનિંગ ટેબલ’ પર બેઠાં સૌ ચા પીતાં હતાં. અમારા ઘરના ‘ડાઇનિંગ રૂમ’ની ભીંત પર કોઈ જ્ઞાનવૃક્ષનો એક ભાગ હોય એવું એક ચિત્ર અને ચિત્રની નીચે ધ્યાન મુદ્રામાં બેઠેલી સ્ત્રીની પ્રતિમા છે. બે ક્ષણ એ ચિત્ર અને પ્રતિમા સામે જોઈને સતીનભાઈને શબ્દો સ્ફૂર્યા…

“અચાનક ક્યાંથી આવ્યો હું સમાધિનાં સ્થળે,

કે મારામાં એ સઘળું આપમેળ ઝળહળે.”

આ એક ઝલક માત્ર છે..ગઝલના જાણકાર મિત્રો કહે છે કે, છંદ, માત્રામેળ, મીટર, કાફિયા કે શેરિયત પ્રમાણે ગઝલ લખવામાં સમય લાગે છે. સતીનભાઈ ગઝલ રજૂ કરે છે ત્યારે એ સઘળું આપોઆપ ગોઠવાઈ જતું હોય એમ લાગે.

શ્રી સતીનભાઈ દેસાઈના પત્ની દીપ્તિબહેન અત્યંત સૌમ્ય,મૃદુ અને મિતભાષી વ્યક્તિ છે.

બંનેની પ્રકૃતિ સાવ ભિન્ન છે. સતીનભાઈની પ્રકૃતિમાં જોશ છે, દીપ્તિબહેનની પ્રકૃતિ શાંત છે. કહે છે ને કે, Opposite poles attract each other. એટલે જ લાંબા અરસા સુધી એકમેકથી દૂર રહ્યાં છતાં મનથી, આત્માથી બંને એકબીજાં સાથે જોડાયેલાં જ રહ્યાં. જ્યારે સતીનભાઈ અને દીપ્તિબહેન, બંનેને સાથે જોઈએ ત્યારે સમજાય કે, શાંત, સૌમ્ય દીપ્તિબહેન જ સતીનભાઈની અસ્ખલિત ઊર્જા છે.

આલેખનઃરાજુલ કૌશિક

May 27, 2023 at 7:23 am Leave a comment

Older Posts


Blog Stats

  • 146,700 hits

Recent Posts

rajul54@yahoo.com

Join 126 other subscribers

દેશ – વિદેશ ‘પ્રવાસ વર્ણન’

Posts filed under ‘પ્રવાસ વર્ણન’

ફિલ્મ રિવ્યુ –

Posts filed under ‘- film reviews -’ https://rajul54.wordpress.com/category/film-reviews/

Categories

“ગુજરાતી બ્લોગર્સ/બ્લોગ રીડર્સ ગ્રુપ”

"http://groups.google.co.in/group/gujblog" target="_blank">ગુજરાતી બ્લોગર્સ/બ્લોગ રીડર્સ ગ્રુપ

Flag counter

free counters

Calender

May 2023
M T W T F S S
1234567
891011121314
15161718192021
22232425262728
293031  

Disclaimer:

© અહીં રજૂ કરેલ કૃતિઓના કોપીરાઇટ્સ-હક્કો જે તે રચનાકારના પોતાના છે. આ બ્લોગ પર અન્ય કવિઓની જે રચનાઓ પોસ્ટ કરી છે, એને લીધે જો કોઇના કોપીરાઇટનો ભંગ થયેલો કોઇને લાગે અને મને જાણ કરવામાં આવશે, તો તેને સત્વરે અહીંથી દૂર કરીશ. પણ મને આશા અને શ્રદ્ધા છે કે સૌ સર્જકો અને પ્રકાશકો તેમ જ તેમના વારસદારો ગુજરાતી ભાષાના પનોતા સંતાનોને માટે વિશ્વ-ગુર્જરી સમાજમાં સભાનતા કેળવવાના આ નિસ્વાર્થ પ્રયત્નોને હૃદયપૂર્વક ટેકો આપશે અને બીરદાવશે. ۞ Disclaimer : This blog is not for any commercial purposes. The entries posted on this blog are purely with the intention of sharing personal interest in gujarati literature/sahitya without any intention of direct or indirect commercial gain. Locations of visitors to this page


Gujarati Literary Academy of N.A.

The Big Idea is to Promote Gujarati Literature

"બેઠક" Bethak

વાંચન દ્વારા સર્જન -બેઠક

Aksharnaad.com

અંતરની અનુભૂતિનો અક્ષર ધ્વનિ..

દાવડાનું આંગણું

ગુજરાતી ભાષાના સર્જકોના તેજસ્વી સર્જનોની અને વાચકોની પોતીકી સાઈટ

શબ્દોને પાલવડે

સ્વરચનાઓનો સંચય મારા શબ્દોના પાલવમાં

મારી બારી

દીપક ધોળકિયા

વિનોદીની..

મારી કવિતાઓ અને રચનાઓ નો બ્લોગ.. વિનોદીની

ધર્મધ્યાન

અલ્પમતિ વિજય શાહની ધર્મવાતો, ધર્મ સમજણ અને ધર્મ ધ્યાન્..

Banshari Banine

Krishna Bhajans and other poetry

રાજુલનું મનોજગત

“Languages create relation and understanding”

Kalyanshah

Ahmedabad based photographer. Owner at Pixel Planet.

વિજયનુ ચિંતન જગત

મને ગમતી વાતો અને મારી સર્જન પ્રવૃતિઓ...

મારુ વિચાર વિશ્વ

મારી આંખથી આકાશ કદી જોજે.....

સહિયારું સર્જન - ગદ્ય

એકથી વધુ લેખકો દ્વારા થતાં લઘુ નવલકથા કે લઘુકથા જેવાં સહિયારા ગદ્ય સર્જનનો પ્રથમ બ્લોગ!