આન્યા મૃણાલ-પ્રકરણ ૧૦ / વિજય શાહ

September 25, 2022 at 4:56 pm

“મૃણાલ, ઘરમાં એકલું લાગતું હોય તો થોડુંક કામ શરુ કર.. તું તો યાર કમાલની કલાકાર છે…તારો સમય આમ ગૃહસ્થ જીવન જીવી વેડફ નહીં. સ્ટુડિયો પર જવાનુ બંધ થયુ પણ એનો અર્થ  એવો તો નથીને બધી દિશાઓ બંધ થઈ ગઈ છે? એક દિવસ કૈરવે જ મૃણાલની પાસે સરકતા કહ્યું.. મૃણાલને એ દિવસે લાગ્યુ કે જાણે કૈરવ એના મનની  વાત ખૂબ નજાકતાથી કહી રહ્યો છે…!

કૈરવ ફરીથી જાણે ખોવાઈ ગયેલો દોસ્ત બનીને આવીને ઊભો રહ્યો…મૃણાલની આંખો વહાલથી દરિયો બનતી જોઈને કૈરવે ફરી એક પ્રોત્સાહનનું પીંછું ફેરવ્યું…”મૃણાલ! આ ધરતીકંપનાં તાંડવમાં આખુ ભુજ દબાઇ ગયું હવે તેને ઊભુ કરવા કંઈ કરીએ તો?”

કલાકાર જીવ જાગી ગયો..અને બે ત્રણ દિવસમાં તો “ હાલો ઊભા કરીએ કંપેલા ભૂજનાં ઘરોને” થીમ ઉપર ઇંટરનેટ ઉપરનાં ચિત્રો ડાઉન લોડ થયા…દરેક નાના કિસ્સાઓ ન્યૂઝ રિપોર્ટમાંથી સંકલિત થયા. લોકોને દાન તો આપવું ગમે છે પણ કાયમ એક જ  આશંકા સૌને રહે છે..કોણ આ અનુકંપાદાનને ભુજ સુધી પહોંચાડશે. ઘણી ધાર્મિક સંસ્થાઓ આવા કાર્યોની શરૂઆત કરે, અને જે દાન મળે તે જે તે જગ્યાએ નવું મંદિર બનાવવામાં ખર્ચ કરે. આ બધી અસંગતતાને  મૃણાલ જાણતી નહોંતી તેમ તો ન જ કહેવાય. મૃણાલ નિષ્ઠાવાન હતી તેથી તેણે એક દિવસ માટે નવરંગપુરા  ભવન્સ ઑડિટોરિયમ અને પ્રદર્શન મેદાન બુક કરાવી લીધું.

કચ્છી લોકકળાવાળી જેટલી ભાત (ડિઝાઇન) જ્યાંથી મળી તે  મેળવી લીધી…કૈરવ તો ટહુકો કરીને નીકળી ગયો.. પણ ફોટોગ્રાફરો.. કચ્છી સમાજનાં મોવડીઓને મળી જાત માહિતી મેળવી ફોટૉશૂટ કરી પ્રિન્ટ આવતી ગઈ. આમેય અજય ટેક્ષ્ટાઇલ્સનાં સ્પૉન્સર્શિપમાં ટહેલ પડી હોય ત્યારે જે હલચલ મચવી જોઈએ તે હલચલ સ્થાનિક છાપાઓમાં દેખાતી હતી.

પ્રદર્શનના આગલા દિવસે ઇઝલ અને જુદા જુદા એંગલે ગોઠવાયેલા ફોટાઓથી મેદાન ભરાઈ ગયુ હતું. કચ્છી સમાજનાં અગ્રણી હીરજી ગડા મુંબઈથી આવવાના હતા. ગાંધીનગરથી હસ્તકલા અને ગ્રામ્ય વિકાસનાં મંત્રી પ્રણવ છેડા ઉદઘાટન કરવાનાં હતા. જો કે આ બધી ન્યૂઝ પેપર જાહેરાતો  કૈરવ શેઠનું કામ હતું. પહેલી વખત મૃણાલને લાગ્યું કે કૈરવ એને પૂછ્યા વિના કામ કરી તો નાખે જ છે અને પછી કંઈ જાણતો નથી તેમ દેખાડે છે. સમયનાં અભાવે પોતાની નામરજી બતાવી ના શકી..પણ એ જાહેરાતો એ મૃણાલની લૉ પ્રોફાઇલમાં રહેવાની વાતનો છેદ ઊડાડી દીધો.

ખેર! મૃણાલે તેમના અજયભાઈ અને માધવીબહેન પાસે દીપ પ્રાગટ્યની વિધિ કરાવી એ કૈરવને ગમ્યું. માઇક ઉપર વારંવાર એક યા બીજા પ્રકારે એટલું જ કહેવાતું કે “હાલો ઊભા કરીએ કંપેલા ભૂજનાં ઘરોને..”

આખુ ઑડિટોરિયમ ભરેલું હતું પણ  સ્ટેજ ઉપર એક પણ ખુરશી નહોતી.

મૃણાલ અને કૈરવે આવીને સૌનું સ્વાગત કર્યુ. અને જાહેરાત કરી કે આજનાં પ્રદર્શનનાં દરેક ચિત્રોનાં વેચાણની સમગ્ર રકમો ગુજરાત સરકાર દ્વારા થતા રાહત ભંડોળમાં જશે. દરેક ચિત્રો ભુજની લોકકલા પ્રદર્શિત અને ભૂકંપે વેરેલા વિનાશની સામે ઝઝૂમી રહેલ માણસાઈની વાતો કરતાં હતાં. 

હીરજી ગડાએ માઇક ઉપર તેમના મનની વાત કહી “મૃણાલ અને કૈરવ શેઠે કચ્છને અને ભુજને ઊભા કરવાના પ્રયાસોમાં એટલું તો સાબિત કરી જ આપ્યુ કે  કુદરતી આપત્તિ સમયે સૌ સરહદોનાં સીમાડા ઓગાળી માણસાઈથી વર્તે તો કુદરતે વેરેલા વિનાશમાંથી ફરી નવસર્જન થઈ શકે. ધરતીકંપથી ભુજ એકલું જ નહીં સમસ્ત ગુજરાત હચમચી ગયું છે ત્યારે શક્ય હોય એટલી મદદ કરવાથીય ક્યાંક કોઈને ટેકો મળશે. ભગવાન કીડીને કણ અને હાથીને મણ આપે છે એમ આ સમય છે આપણી તાકાત ગોપવ્યા વિના જે કણ દઈ શકે એ કણ આપે અને જે મણ દઈ શકે એ મણ આપીને કંપેલા ભુજનાં ઘરોને ઊભા કરવા મથીએ.”

મંત્રીશ્રી પ્રણવ ગડાએ પ્રદર્શન ખુલ્લુ કરવાની જાહેરાત સાથે એમ પણ જાહેર કર્યુ કે આ તસ્વીરોનાં વેચાણ સામે આવેલી રકમોને બેવડી કરી ગુજરાત સરકાર ભુજનાં કલાકારોનાં ઘર બાંધવામાં સહાય કરશે.

ઑડિયન્સમાં બેઠેલા સૌને વિનંતી કરી કે આપની ખુરશીની નીચે એક કવર પેન અને કાગળો મૂક્યાં છે. આપને ગમતા ચિત્રનો નંબર અને તેને માટે આપ શું ભાવ આપશો એનો અંદાજો લખી આપનું નામ અને ઇ-મેલ આપવા વિનંતી.

પંદર મિનિટમાં સ્ટેજ પ્રોગ્રામ સમટાઈ ગયો અને પ્રદર્શનમાં મૂકાયેલી તસ્વીરો અને તેની કથા કહેતો પાવરપોઇંટ શરૂ થયો. એક પછી એક ૧૫૧ તસ્વીરો દર્શાવાઈ..મૃણાલ દરેક તસ્વીરોની ખૂબી સમજાવતી ગઈ. કલાકારનું નામ અને ભાતનો પ્રકાર સમજાવતી ગઈ. બે કલાક આ કાર્યક્રમ ચાલ્યો..મૃણાલની સમજાવવાની પદ્ધતિ એટલી સચોટ હતી કે સામાન્ય માણસ પણ ચિત્રથી પ્રભાવિત થતા.

ભોજનનાં બ્રેક દરમ્યાન બધા કવર એકઠાં કરાયાં અને ચિત્રોની હરાજી દ્વારા વેચાણ આરંભાયુ.

હીરજી ગડા પણ આ હરાજી દરમ્યાન કચ્છી ભાષામાં કહેતા રહ્યા..કુદરતી પ્રકોપ સામે માણસ જ માણસનાં ખભા મિલાવીને ઉભો રહે છે.

બીજા બે કલાક માં ૧૫૧ ચિત્રોથી લગભગ સાડા દસ લાખ રૂપિયાનું ભંડોળ ઊભુ  એકઠું થયું.

દિવસ પૂરો થયો. કૈરવ અને મૃણાલ થાકી ગયા હતા પણ હીરજીભાઈ ગડા અને પ્રણવ છેડાએ બંનેને સ્ટેજ ઉપર બોલાવી બહુમાન કર્યુ અને “યુવા પ્રતિનિધિ”નાં અવૉર્ડથી સન્માન્યાં.

શ્રીકાંત શ્રોફ અને ગાયત્રી શ્રોફ માટે આ અતિ આનંદ અને ગૌરવનો અવસર હતો.

આલેખનઃવિજય શાહ 

Entry filed under: આન્યા મૃણાલ, Rajul.

આન્યા મૃણાલ- પ્રકરણ ૯ / વિજય શાહ એક અધૂરી પ્રેમકથા…


Blog Stats

  • 144,632 hits

Recent Posts

rajul54@yahoo.com

Join 128 other followers

દેશ – વિદેશ ‘પ્રવાસ વર્ણન’

Posts filed under ‘પ્રવાસ વર્ણન’

ફિલ્મ રિવ્યુ –

Posts filed under ‘- film reviews -’ https://rajul54.wordpress.com/category/film-reviews/

Categories

“ગુજરાતી બ્લોગર્સ/બ્લોગ રીડર્સ ગ્રુપ”

"http://groups.google.co.in/group/gujblog" target="_blank">ગુજરાતી બ્લોગર્સ/બ્લોગ રીડર્સ ગ્રુપ

Flag counter

free counters

Calender

September 2022
M T W T F S S
 1234
567891011
12131415161718
19202122232425
2627282930  

Disclaimer:

© અહીં રજૂ કરેલ કૃતિઓના કોપીરાઇટ્સ-હક્કો જે તે રચનાકારના પોતાના છે. આ બ્લોગ પર અન્ય કવિઓની જે રચનાઓ પોસ્ટ કરી છે, એને લીધે જો કોઇના કોપીરાઇટનો ભંગ થયેલો કોઇને લાગે અને મને જાણ કરવામાં આવશે, તો તેને સત્વરે અહીંથી દૂર કરીશ. પણ મને આશા અને શ્રદ્ધા છે કે સૌ સર્જકો અને પ્રકાશકો તેમ જ તેમના વારસદારો ગુજરાતી ભાષાના પનોતા સંતાનોને માટે વિશ્વ-ગુર્જરી સમાજમાં સભાનતા કેળવવાના આ નિસ્વાર્થ પ્રયત્નોને હૃદયપૂર્વક ટેકો આપશે અને બીરદાવશે. ۞ Disclaimer : This blog is not for any commercial purposes. The entries posted on this blog are purely with the intention of sharing personal interest in gujarati literature/sahitya without any intention of direct or indirect commercial gain. Locations of visitors to this page


Gujarati Literary Academy of N.A.

The Big Idea is to Promote Gujarati Literature

"બેઠક" Bethak

વાંચન દ્વારા સર્જન -બેઠક

Aksharnaad.com

અંતરની અનુભૂતિનો અક્ષર ધ્વનિ..

દાવડાનું આંગણું

ગુજરાતી ભાષાના સર્જકોના તેજસ્વી સર્જનોની અને વાચકોની પોતીકી સાઈટ

શબ્દોને પાલવડે

સ્વરચનાઓનો સંચય મારા શબ્દોના પાલવમાં

મારી બારી

દીપક ધોળકિયા

વિનોદીની..

મારી કવિતાઓ અને રચનાઓ નો બ્લોગ.. વિનોદીની

ધર્મધ્યાન

અલ્પમતિ વિજય શાહની ધર્મવાતો, ધર્મ સમજણ અને ધર્મ ધ્યાન્..

Banshari Banine

Krishna Bhajans and other poetry

રાજુલનું મનોજગત

“Languages create relation and understanding”

Kalyanshah

Ahmedabad based photographer. Owner at Pixel Planet.

વિજયનુ ચિંતન જગત

મને ગમતી વાતો અને મારી સર્જન પ્રવૃતિઓ...

મારુ વિચાર વિશ્વ

મારી આંખથી આકાશ કદી જોજે.....

સહિયારું સર્જન - ગદ્ય

એકથી વધુ લેખકો દ્વારા થતાં લઘુ નવલકથા કે લઘુકથા જેવાં સહિયારા ગદ્ય સર્જનનો પ્રથમ બ્લોગ!

%d bloggers like this: