એષા ખુલ્લી કિતાબ પ્રકરણ -૫

April 24, 2022 at 11:27 am

“હું મહેંદી નહી મૂકાવું -કોણે કીધું કે લગ્ન હોય એટલે મહેંદી મૂકવી જ પડે.”

હું વિદાય વખતે રડીશ નહીં અને કોઈએ પણ રડવાની જરુર નથી. જવાનું છે અને મોકલવાનીજ છે વાત નક્કી કર્યા પછી રડવાનું શેના માટે?”

એષાએ પરંપરાગત વિધિને અનુસરવાની અસંમતિ દર્શાવી દીધી.  અને ખરેખર વિવાહથી વિદાય સુધીનો સમય એષાએ અલિપ્ત રહીને પસાર કર્યો. ના કોઈ ખરીદીમાં રસ લીધો કે ના કોઈ ગમાઅણગમા વ્યક્ત કર્યા! મોટીબેનને જે ગમ્યું ,જે પસંદ પડયું તે નિર્લેપતાથી લેતી ગઈ.

અને એક દિવસ જેટલી સરળતાથી મુંબઈથી અમદાવાદ આવી હતી એટલીજ સાહજિકતાથી રોહિતનો હાથ થામીને વિરસદની વાટ પકડી. જાણે એના માટે જે નિર્માણ થયું છે એ જો બદલી શકાય એમ ન જ હોય તો ખાલી મનના ઉદ્વેગોને ફુંફાડા શા મારવા દેવાના? ઇચ્છાઓ, ગમા-અણગમાને તો અવગણીને આગળ વધવું રહ્યું ને?

હે ભગવાનકઈ જાતની છોકરી છે ” ? રિવાને સમગ્ર સમય દરમ્યાન મનમાં ઉત્પાતો થયા કરતા હતા. એષા જેટલી ઠંડકથી જલકમલવત રહેતી એટલો વધુ ઉદ્વેગઉચાટ રિવાને થયા કરતો.

કેવી રીતે પોતાની જાતને આટલી નિસ્પૃહતાથી સમય અને સંજોગો અનુસાર ગોઠવી શકતી હશેએષા?” એકલી પડેલી રિવાને સતત મનમાં ધૂંધવાટ રહેતો. સો સવાલો રહેતા અને હવે તો એષા વગરના ”અનિકેત” જવાની પણ ઇચ્છા નહોતી થતી.

“કેમ તારે એકલી એષા સાથેની જ સગાઈ હતી, એષા ગઈ છે ત્યારની આ ઘરનો રસ્તો જ ભૂલી ગઈ કે શું?”  ક્યારેક સાંજે બહાર નીકળતાં મોટીબેન પણ રિવાના ઘરના ઝાંપે ઊભા રહીને એને બૂમ મારતાં.

શું કહે રિવા મોટીબેનને!  

એ એમ તો કહી શકે એમ નહોતી કે આ છ મહિના દરમ્યાન એણે એષાને જે નિસ્પૃહતાથી પોતાની જાતને બદલતા જોઈ છે એ કેમ અન્ય કોઈ ઘરનાએ ન જોઈ?

એ મોટીબેનને પૂછવા માંગતી હતી કે, મુંબઈથી અમદાવાદ સુધી તો ઠીક છે પણ સાવ આમ અમદાવાદથી વિરસદ મોકલી દેતાં કેમ કોઈને એષાની મરજી જાણવાનું જરૂરી ન લાગ્યું?

પણ એ ન પૂછી શકી.

“અરે એવું કંઈ નથી મોટીબેન.. આવીશ અને આવતી રહીશ.” કહીને એણે વાત પૂરી કરી.

એ જાણતી હતી કે એષાને વિરસદની બંધિયાર હવામાં શ્વાસ લેવાનું કેવું કપરું લાગતું હશે.

*****

ખરેખર રિવા વિચારતી હતી એવું જ હતું. વિવાહથી માંડીને આમ આજ સુધી જલકમલવત રહેલી એષા વિરસદની બંધિયાર હવામાં પણ સાવ જલકમવત જ રહી. સામાજિક રીતરિવાજો તો આમ પણ એષાને ક્યારેય મંજૂર નહોતા અને માત્ર દેખાડો કરવા પૂરતાંય એણે એ રૂઢીગત વ્યહવારોનો સ્વીકાર ન કર્યો.  મનને મંજૂર ન હોય એવા સંબંધોને પરાણે પકડી રાખવાનો પ્રયત્ન પણ ન કર્યો. થોડી ઉદ્દંડમાં એ ખપી પણ ખરી.

સ્વાભાવિક રીતે રોહિતના બા-બાપુજીને એષાનો આવો સ્થિતપ્રજ્ઞ જેવો સ્વભાવ સ્વીકારવો આકરો લાગતો. એમની અપેક્ષામાં એષા ઊણી ઉતરે છે એવી ફરિયાદ રોહિત પાસે કરતાં.

એષાની વાત અને વર્તન સાચા હોવા છતાં રોહિત બા-બાપુજીને કશું કહી શકતો નહીં અથવા કહેવા માંગતો નહોતો. એષાને સાથ આપવાની મરજી પણ બતાવતો નહીં.

પણ બધી દ્વિધા અને ઝંઝટોનો અંત આણવા વિરસદ છોડીને બહાર નીકળવાનો એક નિર્ણય  રોહિતે લઈ લીધો.  ઝાઝું બોલ્યા ચાલ્યા કે ચર્ચામાં પડ્યા વગર એ નિર્ણય ઘરમાં જણાવી દીધો.

હજુ પોતાની હોસ્પિટલ કરવાની તો વાર હતી એટલે અમદાવાદની હોસ્પિટલમાં સર્જન તરીકે મળેલી તક સ્વીકારી લીધી.

ચાલો ! એક અણગમતા પ્રકરણનો અંત તો આવ્યો.”

નવેસરથી એષાએ રોહિતના માળખામાં અને માળખાને ગોઠવાવાનો પ્રયાસ કરવા માંડ્યો. પણ મનમાં એક ખટકો તો હંમેશા રહેતો કે કદાચ એને રોહિતનો અંદરથી અને અંતરથી સાથ નથી જ!

સમય અને સંજોગો સાથે સમાધાન કરતા શીખેલી એષા માટે સાંત્વનની એક વાત હતી કે જે હોસ્પિટલમાં રોહિતને સર્જનની પોસ્ટ મળી હતી ત્યાં એને પણ પૅથૉલૉજીસ્ટની જોબ મળી ગઈ હતી. હોસ્પિટલના ડૉક્ટરો માટેના કેમ્પસના નાના અમસ્તા રુમમાં એષા અને રોહિતનો નવેસરથી  ઘરસંસાર શરૂ થયો ..

વહેતા પવનનાં ઝોકા જેવી એષા અને શાંતસ્વસ્થખાસ કોઈ ઉતારચઢાવ, આરોહાવરોહ વગરનો શાંત, સ્વસ્થ રોહિત. બંનેના સ્વભાવનો તાલમેલ મળતા થોડો સમય તો લાગવાનો જ હતો પણ કહેવાય છે કે બે વિરૂધ્ધ છેડા વચ્ચે આકર્ષણ વધુ થાય એમ હળવેકથી ઉત્તર-દક્ષિણ ધ્રુવના છેડા એકબીજા તરફ આકર્ષાવા તો લાગ્યાજ હતા.

ક્યારેક ખડખડાટ હસી પડતી રિવા…. ”તારો સાયન્સના ગુણધર્મને દરેક વાતે જીંવન સાથે, વ્યકિત સાથે જોડવાનો સ્વભાવ ક્યાં સુધી રહશે?”

સારુ છે ને સાયન્સ ભણી છું એટલે કદાચ ડૉકટરો જેટલી તટસ્થતાથી શરીરને જાણી શકે છે એટલી તટસ્થતાથી હું સંબંધોને માણી શકું છું.” એષા પણ હસી પડતી.

રોહિત અને એષા અમદાવાદ આવ્યાં  ત્યારથી પહેલાંની જેમ જ એષા અને રિવાનું મળવાનું થઈ જતું.

અને આમ જોઈએ તો રિવાની વાત સાચી ઠરી. ધીરે ધીરે રોહિત અને એષા વચ્ચે એક સમજણ પૂર્વકનો સંબંધ વિકસવા માંડ્યો. જેમાં લાગણીની કૂણી કૂંપળો પણ ફૂટી.

ભમરો છે તારા પગે તો! એક જગ્યાએ ટકીને બેસવાની પ્રકૃતિ નથી તારી એટલે ભગવાન પણ તને ભમતી રાખે છે”. 

એક સવારે જ્યારે એષાએ હોસ્પિલની જોબ છોડી નવેસરથી પોતાની હોસ્પિટલ ઊભી કરવા અમદાવાદ છોડી આણંદ જવાનો એનો અને રોહીતનો નિર્ણય રિવાને જણાવ્યો ત્યારે રિવાથી સ્વાભાવિક પ્રત્યાઘાત અપાઈ ગયો.

રિવાને એષાનાં જીવનની નવી સફરથી આનંદ નહોતો એવું નહોતું. એષા અને રોહિતનાં વધતાં જતાં ઐક્યથી ખુશ પણ હતી.  પણ વળી પાછી એષા દૂર થઈ જશે,   વિચારથી એ અકળાઈ હતી.

એવું પણ નહોતું કે એ બંને કંઈ રોજ મળતાં હતાં કે થોકબંધ સમય સાથે પસાર કરતાં હતાં. છતાં જ્યારે મળતાં ત્યારે  બંને વચ્ચે હજુ હમણાં જ મળ્યાં હોય એવી તાજગી રહેતી. વળી આણંદ અને અમદાવાદ વચ્ચેનું અંતર ઝાઝું નહોતું.  મન થાય ત્યારે મળતાં ક્યાં વાર લાગશે, એમ વિચારે રિવાએ મન મનાવી લીધું.

અતિથિ’.

રિવા હંમેશા એષાને અતિથિ કહેતી. એનું આગમન હંમેશાં અણધાર્યું જ રહેતું.  કેલેન્ડરમાં આવતી કોઈ તારીખ, તિથિ કે ચોઘડિયાની પળોજણમાં એષા વળી ક્યારે પડતી?

જો કે એષાને ખાતરી હતી કે જ્યારે એ રિવા પાસે પહોંચશે ત્યારે રિવા એને મળવાની જ છે. આગમન કેટલુંય અણધાર્યું કેમ ન હોય, રિવાનો ઉમળકો તો અકબંધ રહેવાનો જ છે.

સમય સરતો જતો હતો.  આણંદ હોય કે અમદાવાદ, એષાની પ્રકૃતિમાં કશું જ બદલાયું નહીં.  એનાં અણધાર્યા આગમનનો અનુક્રમ પણ એનો એ જ રહ્યો. વચ્ચે જો કંઈ બદલાયું હોય તો એ સમય, સંજોગ અને એષાની પરિસ્થિતિ.

આલેખનઃ રાજુલ કૌશિક

Entry filed under: Rajul.

‘નિર્લજ્જ’ -મમતા મેગેઝિનમાં પ્રસિદ્ધ વાર્તા- ‘અય મુહબ્બત તેરે અંજામ પે રોના આયા’…….


Blog Stats

  • 143,916 hits

Recent Posts

rajul54@yahoo.com

Join 128 other followers

દેશ – વિદેશ ‘પ્રવાસ વર્ણન’

Posts filed under ‘પ્રવાસ વર્ણન’

ફિલ્મ રિવ્યુ –

Posts filed under ‘- film reviews -’ https://rajul54.wordpress.com/category/film-reviews/

Categories

“ગુજરાતી બ્લોગર્સ/બ્લોગ રીડર્સ ગ્રુપ”

"http://groups.google.co.in/group/gujblog" target="_blank">ગુજરાતી બ્લોગર્સ/બ્લોગ રીડર્સ ગ્રુપ

Flag counter

free counters

Calender

April 2022
M T W T F S S
 123
45678910
11121314151617
18192021222324
252627282930  

Disclaimer:

© અહીં રજૂ કરેલ કૃતિઓના કોપીરાઇટ્સ-હક્કો જે તે રચનાકારના પોતાના છે. આ બ્લોગ પર અન્ય કવિઓની જે રચનાઓ પોસ્ટ કરી છે, એને લીધે જો કોઇના કોપીરાઇટનો ભંગ થયેલો કોઇને લાગે અને મને જાણ કરવામાં આવશે, તો તેને સત્વરે અહીંથી દૂર કરીશ. પણ મને આશા અને શ્રદ્ધા છે કે સૌ સર્જકો અને પ્રકાશકો તેમ જ તેમના વારસદારો ગુજરાતી ભાષાના પનોતા સંતાનોને માટે વિશ્વ-ગુર્જરી સમાજમાં સભાનતા કેળવવાના આ નિસ્વાર્થ પ્રયત્નોને હૃદયપૂર્વક ટેકો આપશે અને બીરદાવશે. ۞ Disclaimer : This blog is not for any commercial purposes. The entries posted on this blog are purely with the intention of sharing personal interest in gujarati literature/sahitya without any intention of direct or indirect commercial gain. Locations of visitors to this page


"બેઠક" Bethak

વાંચન દ્વારા સર્જન -બેઠક

Aksharnaad.com

અંતરની અનુભૂતિનો અક્ષર ધ્વનિ..

દાવડાનું આંગણું

ગુજરાતી ભાષાના સર્જકોના તેજસ્વી સર્જનોની અને વાચકોની પોતીકી સાઈટ

શબ્દોને પાલવડે

સ્વરચનાઓનો સંચય મારા શબ્દોના પાલવમાં

મારી બારી

દીપક ધોળકિયા

વિનોદીની..

મારી કવિતાઓ અને રચનાઓ નો બ્લોગ.. વિનોદીની

ધર્મધ્યાન

અલ્પમતિ વિજય શાહની ધર્મવાતો, ધર્મ સમજણ અને ધર્મ ધ્યાન્..

Banshari Banine

Krishna Bhajans and other poetry

રાજુલનું મનોજગત

“Languages create relation and understanding”

Kalyanshah

Ahmedabad based photographer. Owner at Pixel Planet.

વિજયનુ ચિંતન જગત

મને ગમતી વાતો અને મારી સર્જન પ્રવૃતિઓ...

મારુ વિચાર વિશ્વ

મારી આંખથી આકાશ કદી જોજે.....

સહિયારું સર્જન - ગદ્ય

એકથી વધુ લેખકો દ્વારા થતાં લઘુ નવલકથા કે લઘુકથા જેવાં સહિયારા ગદ્ય સર્જનનો પ્રથમ બ્લોગ!

%d bloggers like this: