-એષા ખુલ્લી કિતાબ પ્રકરણ -૩

April 10, 2022 at 11:12 am

વી. એસ. હોસ્પિટલમાં રોહિત આમ તો સીધી નાકની દાંડીએ ચાલતો વિદ્યાર્થી ગણાતો, પણ કદાચ પૅથૉલૉજીમાં આવેલી માઈક્રોબાયૉલૉજીની નવી છોકરી એષા પર અજાણતાં જ તેનુ મન આવી ગયુ હતુ. એષા જે સહજતાથી અને સરળતાથી જુદા જુદા મિત્રવૃંદમાં ઘૂમતી તે જોઈને રોહિત ખૂબ જ પ્રભાવિત થતો.

એક દિવસ પૅથૉલૉજી ડીપાર્ટમેન્ટમાંથી એષા બ્લડ સેમ્પલ લેવા આવી અને તે જ વખતે આ રેસિડંટ ડૉક્ટરનું રાઉન્ડમાં નીકળવું. કદાચ આ એક સુભગ સંયોગ જ હશે.

હોસ્પિટલના જનરલ વૉર્ડમાં એડમિટ થયેલા એ તંદુરસ્ત બાનુની નસ કેમ કરીનેય ત્યાં હાજર નર્સ શર્મી પકડી શકતી નહોતી. અચાનક ત્યાં આવી પહોંચેલી એષાએ બ્લડ સેમ્પલ લેવાની નીડલ હાથમાં લઈ શર્મીને કહ્યું,

“તુ જરા તેમનો હાથ હલે નહીં તેનુ ધ્યાન રાખ અને હું બાટલો ભરી લઉ છું.”

ડૉક્ટર અને જાડા બાનુ બંને ચોંક્યા, પણ એષા તો પહેલી prick માં લોહી લઈ ચૂકી..

પછી હસતા હસતા બોલી “બાનુ, અત્યારે તો આટલું જ બસ છે. જો ડૉક્ટરસાહેબ કહેશે તો કાલે ફરી લોહી પીવા આવીશ.”

પેલા બેન કહે “તમે તો બાટલો લોહી લેવાના હતાને?”

એષા હસતા હસતા બોલી, “એતો ખાલી તમારુ ધ્યાન આ સોય ઉપરથી હટે ને એટલા માટે બોલી, બાકી હું તો ગમ્મત કરતી હતી.”

રોહિત પેલા જાડા બાનુનાં મોં પરનો ભય અને એષાની ગમ્મત જોઈ રહ્યો. એને એષાની મસ્તી પર મન મૂકીને હસવાનું મન થયું પણ એણે સહેજ સ્મિત આપીને એષાનો આભાર માની લીધો.. વળતું સ્મિત આપીને એષા વૉર્ડની બહાર નીકળી ગઈ.

રોહિતે એ શર્મી પાસેથી બાનુનાં કેસ પેપર હાથમાં લઈ એની પર નજર કરી અને હજુ તો કંઈ સવાલ કરે એ પહેલાં તો બાનુ ફરિયાદના સૂરે બોલી ઊઠ્યાં,

“હાય, હાય, ડાક્ટર સાહ્યેબ… પેલા બે’ને તો મારો જીવ જ અદ્ધર કરી દીધો. સાચું કહું છું હોં સાહેબ, લોહીનો બાટલો લેશે એ સાંભળીને જ મને તો ચક્કર આવવા માંડ્યા’તા ભઈસાબ.”

રોહિત હસી પડ્યો, “પણ! જો તેમ ન કર્યુ હત તો હજી પણ બેન તમે સોયો ખાતા રહેત કારણ કે, તમારી નસ પકડાય તે પહેલાં તો તમે હલી જતાં હતાં. બહુ પ્રેક્ટિકલ અને રમતિયાળ હતાં એ તે લેબ ટેક્નિશિયન.”

“એષા છે એનું નામ. શર્મી એ ઓળખાણ આપી.

રોહિતે સ્મિત ફરકાવીને કામમાં ધ્યાન પોરવ્યું. રોહિત રાઉન્ડ પૂરો કરીને રૂમ પર જવા નીકળ્યો. લાંબો કૉરિડૉર પસાર કરી લિફ્ટ સુધી પહોંચે ત્યાં દૂરથી લિફ્ટમાંથી બહાર આવતા આશિતની સાથે એષાને વાત કરતી જોઈ. રોહિત લિફ્ટ સુધી પહોંચે ત્યાં સુધીમાં એષા લિફ્ટમાં પ્રવેશી ચૂકી હતી.

“કોણ હતી એ? “ આશિત પાસે આવતા જ રોહિતથી પૂછાઈ ગયું.

“કેમ? આ અમારા રોહિતકુમારને વળી છોકરીમાં ક્યારથી રસ પડવા માંડ્યો?” રોહિતના ખભે હાથ મૂકતા આશિતે મસ્તી કરી.

“અરે, ના ભાઈ એવું કશું નથી પણ આ તો તારી સાથે વાત કરતી જોઈ એટલે પૂછી લીધું.”

“મારી પાડોશમા જ રહે છે અને મારી નાનીબેન રિવાની જીગરજાન દોસ્ત છે.”

“કોણ જાણે એને ક્યાંક જોઈ હોય એવું લાગે છે.” રોહિત માથું ખંજવાળતા યાદદાસ્ત પર જરા જોર આપવા મથ્યો.

“અરે વાહ! આ તો મઝાની વાત.. પહેલે મિલે થે સપનો મેં ઔર આજ સામને પાયા, હાય કુરબાન જાઉં.” આશિત મસ્તીએ ચઢ્યો.

“તું અને તારું આ ફિલ્મીસ્તાન..હું વળી ક્યાં તારી અડફેટમાં આવ્યો?” ચાલ તારો રાઉન્ડ પૂરો કરીને રૂમ પર આવ.

રોહિત આશિતથી છૂટો પડીને રૂમ પર પહોંચ્યો. સેન્ટર ટેબલ પર ટપાલો પડી હતી.. આજકાલ ગામથી આવતી બાપુજીની ટપાલોમાં છોકરીઓના ફોટા અને એના વિશેની વિગત સિવાય ક્યાં બીજું કંઈ આવતું? ફોટા મોકલ્યા પછી છોકરી ગમી છે કે નહીં એના જવાબ માટે ઉઘરાણીની જેમ બેચાર દિવસે એસ.ટી.ડી પરથી બાપુજીના ફોન આવતા.

ટપાલો જોવાની રોહિતને જરાય ઉતાવળ તો નહોતી જ છતાં બાપુજીને જવાબ આપવા ખાતર પણ,

“જોઈ જ લેવી પડશે ને, છૂટકો ક્યાં છે?” એમ બબડતા એણે ટપાલોની થોકડી ઉપાડી.

એ થોકડીની નીચેથી એક અધખુલ્લા પરબીડિમાંથી એક ફોટો સરકીને ફ્લોર પર પડ્યો. એને હવે યાદ આવ્યું. ગઈ રાત્રે બાપુજીએ મોકલેલી એ ટપાલ જોવા બેઠો અને ઇમર્જન્સી કૉલ આવતા એને એમ જ બધી ટપાલો પડતી મૂકીને દોડવું પડ્યું હતું.

રોહિતે બાપુજીએ પરબીડિયામાં મોકલેલો કાગળ ફરી એકવાર ખોલ્યો.

લખ્યું હતું કે, “છોકરીનો પરિવાર મૂળે ભાદરણનો છે પણ વર્ષોથી અમદાવાદમાં રહે છે. મંગળવારે તને જોવા આવશે.” આથી વિશેષ લખવાની બાપુજીને ટેવ નહોતી અને જરૂર પણ સમજતા નહોતા. રોહિતે વાંકા વળીને નીચે સરકી ગયેલો ફોટો હાથમાં લીધો….

અને ….એ ફોટો એષાનો હતો.

રોહીત તો ખીલી ઉઠ્યો વહેલી સવારે ખીલી ઉઠેલ કમળની જેમ…ઘણા વખતથી છોડી દીધેલ દિલરુબા હાથમાં લીધી અને તેને ગમતી મધુર ધુન

भंवरेकी गुजन है मेरा दिल, कबसे संभाले रखा है दिल

तेरे लिए … तेरे लिए ……વગાડવી શરુ કરી.

(આલેખન:વિજય શાહ)

Entry filed under: એષા ખુલ્લી કિતાબ-, Rajul.

અઠે કાશી- અઠે હી દ્વારકા… એષા- ખુલ્લી કિતાબ- ૪ વિજય શાહ


Blog Stats

  • 142,063 hits

Recent Posts

rajul54@yahoo.com

Join 129 other followers

દેશ – વિદેશ ‘પ્રવાસ વર્ણન’

Posts filed under ‘પ્રવાસ વર્ણન’

ફિલ્મ રિવ્યુ –

Posts filed under ‘- film reviews -’ https://rajul54.wordpress.com/category/film-reviews/

Categories

“ગુજરાતી બ્લોગર્સ/બ્લોગ રીડર્સ ગ્રુપ”

"http://groups.google.co.in/group/gujblog" target="_blank">ગુજરાતી બ્લોગર્સ/બ્લોગ રીડર્સ ગ્રુપ

Flag counter

free counters

Calender

April 2022
M T W T F S S
 123
45678910
11121314151617
18192021222324
252627282930  

Disclaimer:

© અહીં રજૂ કરેલ કૃતિઓના કોપીરાઇટ્સ-હક્કો જે તે રચનાકારના પોતાના છે. આ બ્લોગ પર અન્ય કવિઓની જે રચનાઓ પોસ્ટ કરી છે, એને લીધે જો કોઇના કોપીરાઇટનો ભંગ થયેલો કોઇને લાગે અને મને જાણ કરવામાં આવશે, તો તેને સત્વરે અહીંથી દૂર કરીશ. પણ મને આશા અને શ્રદ્ધા છે કે સૌ સર્જકો અને પ્રકાશકો તેમ જ તેમના વારસદારો ગુજરાતી ભાષાના પનોતા સંતાનોને માટે વિશ્વ-ગુર્જરી સમાજમાં સભાનતા કેળવવાના આ નિસ્વાર્થ પ્રયત્નોને હૃદયપૂર્વક ટેકો આપશે અને બીરદાવશે. ۞ Disclaimer : This blog is not for any commercial purposes. The entries posted on this blog are purely with the intention of sharing personal interest in gujarati literature/sahitya without any intention of direct or indirect commercial gain. Locations of visitors to this page


"બેઠક" Bethak

વાંચન દ્વારા સર્જન -બેઠક

Aksharnaad.com

અંતરની અનુભૂતિનો અક્ષર ધ્વનિ..

દાવડાનું આંગણું

ગુજરાતી ભાષાના સર્જકોના તેજસ્વી સર્જનોની અને વાચકોની પોતીકી સાઈટ

શબ્દોને પાલવડે

સ્વરચનાઓનો સંચય મારા શબ્દોના પાલવમાં

મારી બારી

દીપક ધોળકિયા

વિનોદીની..

મારી કવિતાઓ અને રચનાઓ નો બ્લોગ.. વિનોદીની

ધર્મધ્યાન

અલ્પમતિ વિજય શાહની ધર્મવાતો, ધર્મ સમજણ અને ધર્મ ધ્યાન્..

Banshari Banine

Krishna Bhajans and other poetry

રાજુલનું મનોજગત

“Languages create relation and understanding”

Kalyanshah

Ahmedabad based photographer. Owner at Pixel Planet.

વિજયનુ ચિંતન જગત

મને ગમતી વાતો અને મારી સર્જન પ્રવૃતિઓ...

મારુ વિચાર વિશ્વ

મારી આંખથી આકાશ કદી જોજે.....

સહિયારું સર્જન - ગદ્ય

એકથી વધુ લેખકો દ્વારા થતાં લઘુ નવલકથા કે લઘુકથા જેવાં સહિયારા ગદ્ય સર્જનનો પ્રથમ બ્લોગ!

%d bloggers like this: