વાત એક નાનકડી-૭ સ્મરણાંજલિ

March 20, 2022 at 4:11 pm

૨૦૨૨નું વર્ષ એની ગતિએ આગળ વધતું રહ્યું છે. જાન્યુઆરીમાંથી ફેબ્રુઆરી અને એ પછીય એક એક મહિના પસાર થતા રહેશે.

આમ તો કોઈ વાર-તહેવારને લઈને વર્ષના દરેક મહિનાઓની એની પોતાની મહત્તા છે.  ફેબ્રુઆરી પણ એમાંથી ક્યાં બાકાત હોય? આજે જ્યારે આ લેખ વંચાતો હશે ત્યારે સૌનાં મન આવતી કાલના વૅલેન્ટાઈન્સ ડેના મૂડમાં, અનોખા કેફમાં રાચતાં હશે.

ત્યારે ગઈ કાલની એટલે કે ભૂતકાળના એક સમયની વાત સ્મરણ પટ પર ઉભરી આવી.

૨૦૧૯ની ૧૪ ફેબ્રુઆરીના વૅલેન્ટાઈન્સના દિવસે જ પુલવામાં થયેલા હુમલાના આઘાતજનક સમાચારથી દેશભરમાં સન્નાટો પથરાઈ ગયો હતો. એ દિવસના આતંકી હુમલામાં લગભગ ૩૦ જવાનો શહીદ થયા હતા અને ૫૦થી વધુ ઘાયલ થયા હતા.

શક્ય છે કે આજે તો વૅલેન્ટાઈન્સ ડેના દિવસે પ્રેમનાં પ્રતીક સમા લાલ, પીળાં, સફેદ ગુલાબોથી ફૂલોની દુકાનોમાં રંગીની છવાઈ હશે ત્યારે એ દિવસની ઘટનાથી દેશભરમાં છવાયેલી ગમગીની મોટાભાગના લોકોના મનમાંથી વિસરાઈ ગઈ હશે.

સમય સમયનું કામ કરતો રહે છે. સ્મૃતિ-વિસ્મૃતિના આટાપાટા વચ્ચે આપણો સમય પણ પસાર થતો રહે જ છે. ક્યાંય કશું અટકતું નથી.

આવા જ સ્મૃતિના તળમાંથી સપાટી પર ઉભરી આવેલી, અવિસ્મરણીય ઘટનાની આજે વાત કરવી છે. મૂળે તો આ સાંભળેલી વાત હતી જે અનાયાસે આજે વાત ફરી વાંચવામાં આવી. 

એ પ્રસંગની જેમણે વાત કરી એ વરિષ્ઠ પત્રકાર (શ્રી શશિકાંત નાણાવટી), જેમના વિશે વાત કરી એ કવિ શ્રી પ્રદીપજી અને એ પ્રસંગને ઉજાળનાર લતાજી, એ ત્રણેમાંથી કોઈ હયાત નથી. પણ મારા મનમાંથી એ ત્રણેની હયાતી ક્યારેય વિસરાશે નહીં એ હકિકત છે.

૧૯૬૨ની ફેબ્રુઆરીના કોઈ એક દિવસે અમદાવાદના અગ્રગણ્ય અખબારના વરિષ્ઠ પત્રકાર (શ્રી શશિકાંત નાણાવટી) અને ફોટોગ્રાફર(પંચાલ) એ અખબારના લોકજાગૃતિ નિમિત્તે યોજાયેલા કાર્યક્રમમાં દેશભક્તિના ગીતો ગાવા પ્રદીપજીને આમંત્રણ આપવા મુંબઈ ગયા હતા. લોકજાગૃતિના એ કાર્યક્રમ દરમ્યાન જેટલાં નાણાં  એકઠા થાય એ સૈનિક ફંડમાં આપવાનો નિર્ણય લેવાયો હતો.

ત્રણે સાથે બેઠા વાતો તો કરતા હતા છતાં જાણે પ્રદીપજી ક્યાંક ખોવાયેલા હોય એવા લાગતા હતા. જાણે કોઈ બેચેની સતાવતી હોય એમ કવિ શ્રી પ્રદીપજીનું વાતોમાં ધ્યાન નહોતું. અને અચાનક જ આવી બેધ્યાન અવસ્થામાં જ પ્રદીપજીએ એમની પાસે પડેલું દીવાસળીનું બાકસ હાથમાં લીધું. બાકસ પર ટકોરા મારવા માંડ્યા અને થોડી મિનિટો પછી કોઈ અંતઃસ્ફુરણા થઈ હોય એમ કાગળ પર કંઈક લખ્યું. એ મુખડાના શબ્દો હતા, , “અય મેરે વતન કે લોગો, જરા આંખમેં ભર લો પાની. જો શહીદ હુએ હૈ ઉનકી જરા યાદ કરો કુરબાની.”

એ પછી તો પ્રદીપજીએ આ આખું ગીત લોનાવાલામાં લખ્યું.  ૧૯૬૩ની ૨૬ જાન્યુઆરીના પ્રજાસત્તાક દિને લતાજીએ નેશનલ સ્ટેડીયમમાં ગાયું. આજે પણ જ્યારે જ્યારે એ ગીત સાંભળીએ ત્યારે કેટલાય નામી-અનામી શહિદોની યાદ આવે છે.

છઠ્ઠી ફેબ્રુઆરી રાષ્ટ્ર કવિ શ્રી પ્રદીપજીનો જન્મદિન હતો અને છઠ્ઠી ફેબ્રુઆરીએ ભારત રત્ન, પદ્મભૂષણ, પદ્મવિભૂષણ લતા મંગેશકરનું નિધન થયું. આ બંનેને જોડતી અને સદાય માટે અમર કરતી કડી એટલે આજે પણ સૌની આંખ ભીની કરી દે એ ગીત, “અય મેરે વતન કે લોગો, જરા આંખમેં ભર લો પાની. જો શહીદ હુએ હૈ ઉનકી જરા યાદ કરો કુરબાની.”

પુલવામાં હુમલો થયો એ પણ ફેબ્રુઆરી મહિનામાં આવતો વૅલેન્ટાઈન્સ ડે જ હતો..

વૅલેન્ટાઈન્સ ડેના દિવસે અપાતા પ્રેમના પ્રતીક સમા લાલ ગુલાબથીય વધુ રક્તરંજિત શહિદોની કાયાના ત્યાં ઢેર ખડકાયા હતા ત્યારેય શ્રી પ્રદીપજીના શબ્દો યાદ આવતા હતા,

જબ દેશમેં થી દિવાલી, વો ખેલ રહે થે હોલી

જબ હમ બૈઠે થે ઘરોં મે વો ઝેલ રહે થે ગોલી..

આજના આ વૅલેન્ટાઈન્સ ડેના દિવસે જે શહીદ થયા એ જુવાનોની કુરબાની યાદ કરીને એટલું કહેવાનું મન થાય છે કે,

કુછ યાદ ઉન્હેં ભી કર લો, જો લૌટ કે ઘર ન આયે..

કુછ યાદ ઉન્હેં ભી કરલો, જો લૌટ કે ઘર ન આયે…

અસ્તુ

રાજુલ કૌશિક

Entry filed under: વાત એક નાનકડી, Rajul.

વાત એક નાનકડી-૬ – અપેક્ષા – વાત એક નાનકડી- ૮ ‘ઈશ્વરેચ્છા બલીયસી’


Blog Stats

  • 144,632 hits

Recent Posts

rajul54@yahoo.com

Join 128 other followers

દેશ – વિદેશ ‘પ્રવાસ વર્ણન’

Posts filed under ‘પ્રવાસ વર્ણન’

ફિલ્મ રિવ્યુ –

Posts filed under ‘- film reviews -’ https://rajul54.wordpress.com/category/film-reviews/

Categories

“ગુજરાતી બ્લોગર્સ/બ્લોગ રીડર્સ ગ્રુપ”

"http://groups.google.co.in/group/gujblog" target="_blank">ગુજરાતી બ્લોગર્સ/બ્લોગ રીડર્સ ગ્રુપ

Flag counter

free counters

Calender

March 2022
M T W T F S S
 123456
78910111213
14151617181920
21222324252627
28293031  

Disclaimer:

© અહીં રજૂ કરેલ કૃતિઓના કોપીરાઇટ્સ-હક્કો જે તે રચનાકારના પોતાના છે. આ બ્લોગ પર અન્ય કવિઓની જે રચનાઓ પોસ્ટ કરી છે, એને લીધે જો કોઇના કોપીરાઇટનો ભંગ થયેલો કોઇને લાગે અને મને જાણ કરવામાં આવશે, તો તેને સત્વરે અહીંથી દૂર કરીશ. પણ મને આશા અને શ્રદ્ધા છે કે સૌ સર્જકો અને પ્રકાશકો તેમ જ તેમના વારસદારો ગુજરાતી ભાષાના પનોતા સંતાનોને માટે વિશ્વ-ગુર્જરી સમાજમાં સભાનતા કેળવવાના આ નિસ્વાર્થ પ્રયત્નોને હૃદયપૂર્વક ટેકો આપશે અને બીરદાવશે. ۞ Disclaimer : This blog is not for any commercial purposes. The entries posted on this blog are purely with the intention of sharing personal interest in gujarati literature/sahitya without any intention of direct or indirect commercial gain. Locations of visitors to this page


Gujarati Literary Academy of N.A.

The Big Idea is to Promote Gujarati Literature

"બેઠક" Bethak

વાંચન દ્વારા સર્જન -બેઠક

Aksharnaad.com

અંતરની અનુભૂતિનો અક્ષર ધ્વનિ..

દાવડાનું આંગણું

ગુજરાતી ભાષાના સર્જકોના તેજસ્વી સર્જનોની અને વાચકોની પોતીકી સાઈટ

શબ્દોને પાલવડે

સ્વરચનાઓનો સંચય મારા શબ્દોના પાલવમાં

મારી બારી

દીપક ધોળકિયા

વિનોદીની..

મારી કવિતાઓ અને રચનાઓ નો બ્લોગ.. વિનોદીની

ધર્મધ્યાન

અલ્પમતિ વિજય શાહની ધર્મવાતો, ધર્મ સમજણ અને ધર્મ ધ્યાન્..

Banshari Banine

Krishna Bhajans and other poetry

રાજુલનું મનોજગત

“Languages create relation and understanding”

Kalyanshah

Ahmedabad based photographer. Owner at Pixel Planet.

વિજયનુ ચિંતન જગત

મને ગમતી વાતો અને મારી સર્જન પ્રવૃતિઓ...

મારુ વિચાર વિશ્વ

મારી આંખથી આકાશ કદી જોજે.....

સહિયારું સર્જન - ગદ્ય

એકથી વધુ લેખકો દ્વારા થતાં લઘુ નવલકથા કે લઘુકથા જેવાં સહિયારા ગદ્ય સર્જનનો પ્રથમ બ્લોગ!

%d bloggers like this: