આર્ચીસ નેશનલ પાર્ક :(યુ.એસ.એ)

November 18, 2017 at 9:40 pm 6 comments

૨૮ ઓક્ટોબર ૨૦૧૭/ નવગુજરાત સમય (ફેમિના) માં પ્રસિદ્ધ લેખ

ઇશ્વર જેવો અદ્ભત કલાકાર કે શિલ્પી અન્ય કોઇ હોઇ શકે? એ ક્યાંક આકાશમાં તો ક્યાંક અવની પર કુદરતી રંગોના લસરકાથી અજબ જેવી રંગછટા સર્જી દે તો ક્યાંક શિલ્પી બનીને વહેતી હવા કે પવનનું વણ દેખ્યું ટાંકણુ લઈને અદ્ભૂત શિલ્પનું સર્જન કરી દે કંઇ કહેવાય નહીં. આવા એક નહીં અનેક શિલ્પોની નગરી વચ્ચે અમે ઉભા હતા અને કુદરતે કંડારેલા એક પછી એક શિલ્પ જોઇને આભા બની રહ્યા હતા.

અહીં વાત કરવી છે પૂર્વીય યુટાહના આર્ચીસ નેશનલ પાર્ક અને યુટાહની દક્ષિણ-પશ્ચિમે આવેલા બ્રાયસ નેશનલ પાર્કની.

કોલોરાડો નદીની નજીક મોઆબની ચાર માઇલ ઉત્તરે આવેલા યુટાહના પૂર્વીય ખૂણે ફેલાયેલા આર્ચીસ પાર્કની ખૂબી જોઇને દંગ રહી જવાય . માત્ર સેન્ડ સ્ટોન એટલે કે ભુકરિયા પથ્થર અને રેતીથી રચાયેલી વિશ્વમાં સૌથી વધારે સંખ્યામાં અને અત્યંત આકર્ષક દેખાતી કમાનોથી શોભી રહેલો આ આર્ચીસ પાર્ક કોલોરાડોના પથરીલા પહાડ પરની સપાટ જમીન પર કુદરતી કરામતનો કમાલનો નમૂનો છે.

અહીંનો ઇતિહાસ કહે છે કે આશરે દસ હજાર વર્ષ પહેલા હિમયુગના સમયકાળથી માનવ વસાહતે આ વિસ્તાર પર કબજો જમાવ્યો હશે. સ્પેનિશ મિશનરીથી માંડીને યુરોપિયન-અમેરિકનો પણ અહીં આવ્યા અને ગયા પરંતુ આર્ચીસ પાર્કની સુંદરતા આજે પણ અહીં યથાવત છે. એક બાબતની અમેરિકનોને દાદ આપવી રહે કે અહીં કુદરતે જ્યાં જેટલી સુંદરતા પાથરી છે એનું જતન તો કર્યું જ છે. ક્યાંય કોઇ દૂષણ કે પ્રદૂષણથી એને ખરડી તો નથી જ. અહીં આવતા અનેક પ્રવાસીઓને જોયા , કારોના કાફલા જોયા પરંતુ તેમ છતાં અહીં ક્યાંય કોલાહલ નથી અને એટલે જ જુલાઇ મહીનાના ધોમ ધખતા દિવસોમાં ય આ આર્ચની નીચે ઉભા રહીને ઉકળાટનો અનુભવ થવાના બદલે એક અજબ જેવી શાતા મળી.

૭૬.૬૭૯ એકરમાં પથરાયેલા આ નેશનલ પાર્કની નીચેની ભૂમિ કરોડો વર્ષો પહેલા સમુદ્રમાંથી બાષ્પીભવન થયેલા મીઠાના હજારો ફુટની જાડાઇની બનેલી છે જેના લીધે આ ખડકાળ બાંધણીની શક્યતા હોઇ શકે. આર્ચીસ પાર્ક પર પહોંચીને કલ્પના પણ ન આવે કે કરોડો વર્ષો પહેલા જમીનની નીચેની ઉથલ-પાથલમાંથી ઉદ્ભવેલું સ્થાન આ છે.

ક્યાંક કોઇ જગ્યાએ ખડકોનું વચ્ચેથી ધોવાણ અને કોતરણ થતું ગયું. હવા-પવનની રૂખ એને એક એક અલગ ઘાટ આપતી ગઈ. આછા નારંગી- ઘાટા ગુલાબી અને આછા પીળા રંગનું અનોખુ મિશ્રણ ધરાવતા ભુકરિયા પથ્થરના આખે આખા ખડકો ધીમે-ધીમે ઘસારો પામીને કોરાતા ગયા. આ કોતરણમાંથી ઉભી થઈ આકર્ષક આર્ચ- કમાન. કુદરતે જાણે એની જ રચેલી દુનિયામાં પ્રવેશવાનું દ્વાર ખોલ્યું ના હોય ! એ મોટી મસ ગોળાકાર કમાનની પેલે પાર ખડકાળ પથ્થરોથી દૂર નજર પહોંચે ત્યાં સુધી આગળ દેખાતી જમીન અને એની પર ઝળૂંબતું આકાશ.
કોઇ જગ્યાએ ગુફામાં પ્રવેશવા માટે રસ્તો કોર્યો હોય તો ક્યાંક કોઇ ગઢની અંદર પ્રવેશવા માટે બે સ્તંભ ઉપર જાળવીને કમાન ગોઠવી દીધી હોય એવું લાગે. આગળ જતાં ઉભા પથ્થર પર ગોઠવાયેલા અને પોતાનું બેલેન્સ જાળવતા ગોળમટોળ પથ્થરને જોઇને માથે પાણીનું બેડું સંભાળીને ચાલતી પનિહારીની છબી મન સામે ઉભી થાય તો ક્યાંક કોઇ જગ્યાએ નિંરાતવા વાતોએ વળગ્યા હોય એવા ત્રણ ઉભા ખડકોને જોઇએ તો એમ લાગે કે પથ્થરો પણ બોલતા જ હશે ? અને ત્યારે એને આપેલું “ ધ થ્રી ગોસિપ્સ” નામ પણ યથાર્થ લાગે. આગળ વધતાં એક ખુબ મોટા ખડક પર કતારબંધ ઉભેલા હાથીઓ જેવી ઇમેજ જોઇને લાગે કે કોઇ રાજા-મહારાજાની સવારી નિકળવાની તૈયારી છે.

અમદાવાદના રહેવાસીઓ ત્રણ દરવાજા અને દિલ્હી દરવાજા પાસેથી ય પસાર થયા હશે અને મુંબઈ ગેટ વૅ ઓફ ઇન્ડીયા પણ જોયો હશે. આર્ચીસમાં આવા મોટા ખડકમાંથી કોતરાયેલા બોગદા આપણને આવા કોઇ દરવાજાની યાદ અપાવે તો નવાઇ નહીં. ક્યાંક પાણીમાંથી નિકળીને ડોલ્ફીન સામસામે એકબીજાના મુખને ચુમી ભરી લેતી હોય તો ક્યાંક જમીનમાંથી ફુટીને પંજા લડાવતા હોય એવા ઘાટના ખડકો જોઇને તો એવું લાગે કે જ્યાં નજર કરીએ ત્યાં એક નવા આકારથી આપણી કલ્પનાને છૂટ્ટો દોર મળ્યો. જેટલી આર્ચ એટલા એટલા કલ્પનાના ઘાટ.

આર્ચી નેશનલ પાર્કમાં ફરવા માટેનો ઉત્તમ સમય છે મે થી સપ્ટેમ્બર. જો કે આ સમય
દરમ્યાન અહીં સખત ગરમી તો હોવાની જ એટલે માથે કેપ કે સ્કાર્ફ અને પાણી અથવા કોઇપણ પીણા સાથે રાખવા અત્યંત જરૂરી છે. કોઇપણ નેશનલ પાર્કમાં ખાવાની કોઇ સગવડ નથી એટલે સાથે ખાદ્ય સામગ્રી પણ રાખવી એટલી જ જરૂરી છે.

44930249

Advertisements

Entry filed under: પ્રવાસ વર્ણન.

બ્રાયસ નેશનલ પાર્ક ( યુ.એસ.એ) આત્મ ચિંતન-હેમાબેન પટેલ

6 Comments

  • 1. Devika Dhruva  |  November 18, 2017 at 11:35 pm

    Beautiful description..અદ્ભુત વર્ણન..
    I read this on Ahmedabad Airport!!

    Like

  • 2. Rajul Kaushik  |  November 20, 2017 at 12:29 am

    Thanks Devikaben

    Like

  • 3. Dr Induben Shah  |  November 20, 2017 at 2:23 pm

    રાજુલબેન,
    કુદરતની ક્માલ સાથે સાથે તમારી કલ્પના શક્તિને સલામ.

    Like

  • 4. pravina Avinash Kadakia  |  November 20, 2017 at 10:23 pm

    Nice Article . Wonderful description .

    Like

  • 5. Rajul Kaushik  |  November 21, 2017 at 1:01 am

    આભાર પ્રવિણાબેન

    Like

  • 6. Rajul Kaushik  |  November 21, 2017 at 1:01 am

    આભાર ઇન્દુબેન.

    Like


Blog Stats

  • 102,994 hits

rajul54@yahoo.com

Join 960 other followers

દેશ – વિદેશ ‘પ્રવાસ વર્ણન’

Posts filed under ‘પ્રવાસ વર્ણન’

ફિલ્મ રિવ્યુ –

Posts filed under ‘- film reviews -’ https://rajul54.wordpress.com/category/film-reviews/

Categories

“ગુજરાતી બ્લોગર્સ/બ્લોગ રીડર્સ ગ્રુપ”

"http://groups.google.co.in/group/gujblog" target="_blank">ગુજરાતી બ્લોગર્સ/બ્લોગ રીડર્સ ગ્રુપ

Flag counter

free counters

Calender

November 2017
M T W T F S S
« Jul   Dec »
 12345
6789101112
13141516171819
20212223242526
27282930  

Disclaimer:

© અહીં રજૂ કરેલ કૃતિઓના કોપીરાઇટ્સ-હક્કો જે તે રચનાકારના પોતાના છે. આ બ્લોગ પર અન્ય કવિઓની જે રચનાઓ પોસ્ટ કરી છે, એને લીધે જો કોઇના કોપીરાઇટનો ભંગ થયેલો કોઇને લાગે અને મને જાણ કરવામાં આવશે, તો તેને સત્વરે અહીંથી દૂર કરીશ. પણ મને આશા અને શ્રદ્ધા છે કે સૌ સર્જકો અને પ્રકાશકો તેમ જ તેમના વારસદારો ગુજરાતી ભાષાના પનોતા સંતાનોને માટે વિશ્વ-ગુર્જરી સમાજમાં સભાનતા કેળવવાના આ નિસ્વાર્થ પ્રયત્નોને હૃદયપૂર્વક ટેકો આપશે અને બીરદાવશે. ۞ Disclaimer : This blog is not for any commercial purposes. The entries posted on this blog are purely with the intention of sharing personal interest in gujarati literature/sahitya without any intention of direct or indirect commercial gain. Locations of visitors to this page


"બેઠક" Bethak

વાંચન દ્વારા સર્જન -બેઠક

શબ્દોને પાલવડે

સ્વરચનાઓનો સંચય મારા શબ્દોના પાલવમાં

વિનોદીની..

મારી કવિતાઓ અને રચનાઓ નો બ્લોગ.. વિનોદીની

ધર્મધ્યાન

અલ્પમતિ વિજય શાહની ધર્મવાતો, ધર્મ સમજણ અને ધર્મ ધ્યાન્..

Banshari Banine

Krishna Bhajans and other poetry

રાજુલનું મનોજગત

“Languages create relation and understanding”

Kalyanshah

Ahmedabad based photographer. Owner at Pixel Planet.

વિજયનુ ચિંતન જગત

મને ગમતી વાતો અને મારી સર્જન પ્રવૃતિઓ...

મારુ વિચાર વિશ્વ

મારી આંખથી આકાશ કદી જોજે.....

સહિયારું સર્જન - ગદ્ય

એકથી વધુ લેખકો દ્વારા થતાં લઘુ નવલકથા કે લઘુકથા જેવાં સહિયારા ગદ્ય સર્જનનો પ્રથમ બ્લોગ!

%d bloggers like this: