”ફિલ્મ રિવ્યુ” પીકે

December 20, 2014 at 10:56 pm 6 comments

 

PK_Motion_Poster 1.preview

સુંદર . ખુબ સુંદર,  સ્વચ્છ અને સરસ સંદેશ સાથેની મનોરંજન ફિલ્મ.

ફિલ્મ જોઇને બહાર આવીએ તો સૌથી પહેલા એક જ અને સરળ શબ્દોમાં જેના માટે કશુંક કહી શકાય એવી ફિલ્મ એટલે પી કે.

છેલ્લા ઘણા સમયથી દર્શકોના માથે સ્ટંટ ફિલ્મોનો મારો ઠોકાતો હતો ( જો કે એ પણ દર્શકોની માંગ હોઇ શકે ) એમાંથી  જરા અલગ દ્રષ્ટીકોણની ખુબસુરત માવજત લઇને આવેલી આ ફિલ્મે તો ૨૦૧૪નો જાણે અંત સુધારી લીધો.

રાજકુમાર હિરાની અને અભિજીત જોષી એવી જોડી છે જેમના નામે સરસ સફળ સામાજિક સંદેશવાળી ફિલ્મો આપ્યાનો જશ નોંધાયેલો છે. પી કેથી એમની યશકલગીમાં એક વધુ પીછું ઉમેરાયુ છે.

પીકે કોણ છે ક્યાંથી આવ્યો છે એની કોઇને જાણ નથી પરંતુ એની ઉટપટાંગ હરકતો, વેષભૂષા અને વાતોથી સૌને એમ લાગે છે કે એ પી ને આવ્યો છે એટલે એનું નામ પીકે અપાય છે. ખરેખર તો પીકે પરગ્રહવાસી છે જેનું પૃથ્વી પર અવતરણ થતાની સાથે એના પાછા વળવાની એક માત્ર ચાવી જેવું એનું લોકેટ ઝુંટવાઇ જાય છે. ધીરે ધીરે પીકે સમજે છે કે અહીં આ ગ્રહ પર જો કંઇ મેળવવું હોય તો એના માટે ભગવાનને હાથે-પગે-ઘુંટણીએ પડીને કે માથુ ઝુકાવીને સાષ્ટાંગ દંડવત પ્રણામ કરીને વિનવવા પડશે અને એમાંથી ધીમેધીમે એને એ પણ સમજાય છે કે ભગવાન એક નહી પણ બે છે. એક જેણે આપણને એટલે કે માનવજાતને બનાવી છે અને બીજા એટલે કે માનવજાતે જેમને બનાવ્યા છે.

હવેની ઘટના કે કથા કેવી રીતે આગળ વધે છે એ કહીને દર્શકોને માનસિક રીતે તૈયાર કરવા એટલે રાજકુમાર હિરાની, અભિજીત જોષી અને આમિર ખાનની લાંબા સમયની જહેમત અને રહસ્યને ખુલ્લા પાડવા જેવી વાત.

પીકે એ જ એક ફિલ્મની જીવંત કથા છે. પીકેની પ્રત્યેક વાત , એની તમામ હરકતો, એના પ્રત્યેક સવાલો , એના સંવાદો આ ફિલ્મનો આગળ વધતો પ્રવાહ છે. ધર્મ પર કે ધર્મના આડંબરી ધર્મગુરૂ સામે ઉઠતા સવાલો લઈને આ પહેલા પણ અનેક ફિલ્મો આવી ગઈ છે. “ઓહ માય ગોડ” એનું છેલ્લુ અને સચોટ ઉદાહરણ છે એટલે પીકે ફિલ્મની વાર્તા કશું જુદુ કહે છે એવું પણ નથી પણ જે જુદુ છે એ છે એની કહેવાની શૈલી. મુન્નાભાઇ એમ.બી.બી. એસ., થ્રી ઇડીયટ્સ કે  તારે જમીં પર જેમ સમાજને સંદેશ આપવાવામાં આવ્યો છે એનાથી અલગ અને સાવ જ હળવી રીતે પીકેમાં સરસ સંદેશ આપવામાં આવ્યો છે.લાંબા લાંબા ચાતુરી ભર્યા સંવાદોના બદલે નાના નાના ટુંકા પણ સીધા જ દિલ-દિમાગને સ્પર્શે એવા વન લાઇનર સવાલો એ આ ફિલ્મની સચોટતા છે.

પીકે જે રીતે પોતાના ગ્રહ પર જવા માટે આયાસો કરે છે એમાંથી ઘણી બધી જગ્યાએ  હળવું મનોરંજન તો ઘણી બધી જગ્યાએ લાગણીના ચમકારા અનુભવાય છે. પીકે ના આયાસોમાં ભળતી જર્નાલિસ્ટ જગત જનની એટલે કે જગ્ગુની પણ પોતાની અલગ કથા છે. જગ્ગુ પીકેની સીધી સાદી વાતો, એના ભોળપણ અને એવીજ એની સ્પષ્ટ વાતોથી આકર્ષાઇને એને એના ઘર એટલે કે એના ગ્રહ પાછા જવા માટે સાથ આપે છે પરંતુ પીકેની વાતોમાં, સવાલોમાં એ જે નક્કર હકિકત જુવે છે એ એની ચેનલ દ્વારા લોકોની સમાજની સામે મુકીને જનતાને જાગૃત કરવા સફળ રહે છે.

પીકે એટલે કે આમિર ખાન આ ફિલ્મનું કેન્દ્રવર્તી પાત્ર છે. આખીય ફિલ્મ એના થકી આગળ વધતી રહે છે. આમિર ખાનને પરફેક્ટનિસ્ટ કહેવામાં આવે છે એ આ પહેલા પણ એ ઘણીવાર સાબિત કરી ચુક્યો છે. પીકેના પાત્રને પણ એણે એની સંપૂર્ણ અભિનયક્ષમતાથી સજીવ કર્યુ છે. સાવ જ વિચિત્ર લાગે એવો એનો દેખાવ, એવા જ વિચિત્ર હાવભાવ, એકદમ વિચિત્ર લાગે એવી ચાલ, બોલવાની ભોજપુરી લઢણ, સાવ બેહુદી પાન ખાવાની રીત, સમગ્રતયા કઢંગી કહેવાય એવી વર્તણુક અને તેમ છતાં વાતોમાં બુધ્ધિના ચમકારા ,ભુલા પડ્યાની વેદના ,પોતાના ગ્રહ પર પાછા ફરવાની જીદ અને એમાંથી સર્જાતી હતાશા, ભૈરોસિંહ જેવા અજાણી વ્યક્તિનો સાથ મળ્યો એના પ્રત્યેની સંવેદના અંતે જગ્ગુ પ્રત્યે ઉભી થતી લાગણીથી તરબોળ અભિવ્યક્તિ આ બધુ જ આમિર ખાને અત્યંત ખુબીથી અને સાહજીકતાથી જીવી લીધુ છે.

જગત જનની ઉર્ફ જગ્ગુ એટલે કે અનુષ્કા શર્માએ પીકે ના પાત્રને સરસ રીતે સપોર્ટ આપ્યો છે. શરૂઆતથી જ એના નવા લુક સાથે રજૂ થયેલી જગ્ગુ , શરૂઆતમાં સાવ જ બેફિકરી , મનમાં આવે એ ધાર્યુ કરવાવાળી અને તેમ છતાં  સરફરાશના પ્રેમમાં અત્યંત ઋજુ દેખાતી જગ્ગુ જ્યારે પીકેની સ્મસ્યા હલ કરવા આગળ વધે છે ત્યારની જગ્ગુ એમ  વ્યક્તિત્વના અનેકવિધ પાસા એને ઉજાગર કરી જાણ્યા છે. એના પ્રેમની હતાશાને એની નબળાઇ બનાવવાના બદલે એને અતિક્રમીને આગળ વધતી જગ્ગુ, ક્યારેક ખુશ તો ક્યારેક જીદ્દી તો ક્યારેક સંજોગેને પહોંચી વળવાની તાકાત બતાવતી જગ્ગુ એટલે કે અનુષ્કા શર્માએ પ્રક્ષકોના મન જીતી લીધા છે.

પી કે અને જગ્ગુ પછીનું મહત્વનું પાત્ર છે પાખંડી તપસ્વી બાબાનું. સૌરભ શુક્લા આ પાત્ર માટે યથા યોગ્ય વરણી રહી છે. સંવાદ લેખકે અહીં એક નવો શબ્દ વાપર્યો છે.  “ભગવાનના-ધર્મના  મેનેજર”. સમાજને પોતાની રીતે સમજાવતા અને પોતાની માન્યતામાં ઢાળતા ઢોંગીબાબાનું વર્ચસ્વ કેટલી હદે સમાજમાં વ્યાપ્યુ છે એના તરફ સીધો જ અંગુલી નિર્દેશ કરીને એ બદી દૂર કરવા માટે પણ પી કે દ્વારા સરસ સંદેશ આપવામાં રાજકુમાર હિરાની સફળ રહ્યા છે. અને જ્યારે એવા ઢોંગીબાબાના ઢોંગનો પર્દાફાશ થાય ત્યારે એમનું સામ્રાજ્ય સાચવવાની મથામણ  રજૂ કરવામાં સૌરભ શુક્લા પણ એટલા જ સફળ રહ્યા છે.

બોમન ઇરાની, સુશાંત સિંહ રાજપૂત ,પરિક્ષીત સહાની આ બધાના ઉલ્લેખ વગર તો ફિલ્મની વાત જ અધુરી કહેવાય કારણકે એમના સબળ સાથથી ફિલ્મ વધુ સાર્થક થઈ છે.

રાજકુમાર હિરાનીની ફિલ્મ હોય અને એમનો લાડકો સંજય દત્ત ન હોય એ કેમ ચાલે? શરૂઆતમાં નાનકડી પણ સંવેદનાશીલ ભૈરોસિંહની ભૂમિકામાં સંજય દત્તને દાદ આપ્યા વગર કેમ રહેવાય? ભોજપુરી ભાષા, મિજાજને ખુબ સરસ રીતે સંજય દત્તે વ્યક્ત કર્યા છે.

વિધુ વિનોદ ચોપ્રાની ફિલ્મના સંવાદો જેટલા ચોટદાર છે એટલા જ ગીતો ચટકીલા અને મોજીલા છે. આમિર ખાન અને અનુષ્કાનું “ લવ ઇઝ વેસ્ટ ઓફ ટાઇમ”, સુશાંત સિંહ અને અનુષ્કા શર્મા પર ફિલ્માવાયેલા ગીત “ચાર કદમ બસ ચાર કદમ” ની ખુબસુરત પળો જેટલી જોવી ગમે એટલી જ “થારકી છોકરો” માં સંજય દત્તની મસ્તી માણવી ગમે એવી છે. “થારકી છોકરો” પર તો સંજય દત્તે કમાલ કરી છે.  રાજસ્થાની શૈલી, રાજસ્થાની  વાણી અને વાદ્યની રમઝટ સાથે રાજસ્થાની લટકાભર્યુ નર્તન સંજય દત્ત આવી સુંદર રીતે કરી શકે એ તો જોઇએ નહીં ત્યાં સુધી કલ્પના કરવી અઘરી છે.

ફિલ્મની કથા વહેતી રહે એ માટે જરૂરી તત્વો, ઘટનાઓના લીધે ફિલ્મ જરા લાંબી બની છે એ એક માત્ર એનું જરાક અમથુ નેગેટીવ પાસુ કહી શકાય પરંતુ ફિલ્મના પ્રત્યેક પાસા એકબીજા સાથે એટલી સજ્જતાથી સંકળાયેલા છે કે ઘણા લાંબા સમયે એક સુવાંગ સુંદર ફિલ્મ જોયાની વાહ તો મનમાં જરૂર ઉદ્દભવે.

કલાકારો- આમિર ખાન, અનુષ્કા શર્મા, સંજય દત્ત, બોમન ઇરાની,સૌરભ શુકલા, સુશાંત સિંહ રાજપુત, પરિક્ષીત સહાની.

નિર્માતા- વિધુ વિનોદ ચોપ્રા, રાજકુમાર હિરાની

નિર્દેશક- રાજકુમાર હિરાની

ગીતકાર- સદાનંદ કીરકિરે

સંગીત- અતુલ ગોગવલે, શાંતનુ મોઇત્રા

ફિલ્મ ****૧/૨  એક્ટીંગ **** મ્યુઝીક **** સ્ટોરી ****   સંવાદો  ****           

 

Rajul shah
http://www.rajul54.wordpress.com

 

Entry filed under: ફિલ્મ રિવ્યુ.

રમણીય અને અનોખો ૧૦૦૦ આઇલેન્ડ Anya-Mrunal.”નવલકથા”

6 Comments

  • 1. Navin Banker  |  December 21, 2014 at 12:37 am

    રાજુલબેન, આપનો સરસ રીવ્યૂ વાંચીને હવે ફિલ્મ જોવા જઈશ. એક જમાનામાં ચાંપશીભાઇ ઉદ્દેશીના રીવ્યૂઝ વાચીને અમે નાનપણમાં ફિલ્મ જોવા જતા. હવે આપના રીવ્યૂ વાંચીને જઇશું. આભાર…
    નવીન બેન્કર ( હ્યુસ્ટન)

    Like

  • 2. Rajul Shah  |  December 21, 2014 at 3:31 am

    બીબાઢાળ મુવી કરતાં કંઇક જુદુ છે.

    Like

  • 3. sush  |  December 21, 2014 at 8:03 am

    I agree.I saw it.

    Like

  • 4. pravinshastri  |  December 21, 2014 at 1:56 pm

    રાજુલબેન. નમસ્કાર. વર્ષોથી કોઈ મુવી જોયું નથી. યુ ટ્યુબ પર ટીવી અને ફિલ્મ કે મ્યુઝિક માણી લઉં છું. મને આપની સમીક્ષા શૈલી ઘણી ગમી.

    Like

  • 5. Rajul Shah  |  December 21, 2014 at 2:05 pm

    Thanks.

    Liked by 1 person

  • 6. નટવર મહેતા  |  January 3, 2015 at 3:16 pm

    કંઈક અલગ કરવાની, ફિલ્મી ભાષામેં બોલે તો હટકે કરવાની ધગશ, આમિરમાં ય છે અને વીધુ વિનોદ ચોપરા તથા રાજકુમાર હિરાણીમાં પણ અને ત્રિપુટીએ એ પીકે દ્વારા ફરી સાબિત કર્યું.

    વળી મુવિનો વિરોધ એને વધુ પ્રેક્ષકો આપશે એમાં કોઈ સવાલ નથી.

    Like


Blog Stats

  • 112,226 hits

rajul54@yahoo.com

Join 967 other followers

દેશ – વિદેશ ‘પ્રવાસ વર્ણન’

Posts filed under ‘પ્રવાસ વર્ણન’

ફિલ્મ રિવ્યુ –

Posts filed under ‘- film reviews -’ https://rajul54.wordpress.com/category/film-reviews/

Categories

“ગુજરાતી બ્લોગર્સ/બ્લોગ રીડર્સ ગ્રુપ”

"http://groups.google.co.in/group/gujblog" target="_blank">ગુજરાતી બ્લોગર્સ/બ્લોગ રીડર્સ ગ્રુપ

Flag counter

free counters

Calender

December 2014
M T W T F S S
« Nov   Mar »
1234567
891011121314
15161718192021
22232425262728
293031  

Disclaimer:

© અહીં રજૂ કરેલ કૃતિઓના કોપીરાઇટ્સ-હક્કો જે તે રચનાકારના પોતાના છે. આ બ્લોગ પર અન્ય કવિઓની જે રચનાઓ પોસ્ટ કરી છે, એને લીધે જો કોઇના કોપીરાઇટનો ભંગ થયેલો કોઇને લાગે અને મને જાણ કરવામાં આવશે, તો તેને સત્વરે અહીંથી દૂર કરીશ. પણ મને આશા અને શ્રદ્ધા છે કે સૌ સર્જકો અને પ્રકાશકો તેમ જ તેમના વારસદારો ગુજરાતી ભાષાના પનોતા સંતાનોને માટે વિશ્વ-ગુર્જરી સમાજમાં સભાનતા કેળવવાના આ નિસ્વાર્થ પ્રયત્નોને હૃદયપૂર્વક ટેકો આપશે અને બીરદાવશે. ۞ Disclaimer : This blog is not for any commercial purposes. The entries posted on this blog are purely with the intention of sharing personal interest in gujarati literature/sahitya without any intention of direct or indirect commercial gain. Locations of visitors to this page


"બેઠક" Bethak

વાંચન દ્વારા સર્જન -બેઠક

શબ્દોને પાલવડે

સ્વરચનાઓનો સંચય મારા શબ્દોના પાલવમાં

વિનોદીની..

મારી કવિતાઓ અને રચનાઓ નો બ્લોગ.. વિનોદીની

ધર્મધ્યાન

અલ્પમતિ વિજય શાહની ધર્મવાતો, ધર્મ સમજણ અને ધર્મ ધ્યાન્..

Banshari Banine

Krishna Bhajans and other poetry

રાજુલનું મનોજગત

“Languages create relation and understanding”

Kalyanshah

Ahmedabad based photographer. Owner at Pixel Planet.

વિજયનુ ચિંતન જગત

મને ગમતી વાતો અને મારી સર્જન પ્રવૃતિઓ...

મારુ વિચાર વિશ્વ

મારી આંખથી આકાશ કદી જોજે.....

સહિયારું સર્જન - ગદ્ય

એકથી વધુ લેખકો દ્વારા થતાં લઘુ નવલકથા કે લઘુકથા જેવાં સહિયારા ગદ્ય સર્જનનો પ્રથમ બ્લોગ!

%d bloggers like this: