Archive for June, 2013

“ઔરંગઝેબ”

ઇતિહાસ સાક્ષી છે કે સદીઓથી સત્તા લાલસાએ પિતા-પુત્ર-પરિવાર ને ભોગ બનાવ્યા છે. મોગલ સમ્રાટ ઔરંગઝેબ નામને સાર્થક કરે એવા સત્તા લાલચુ આજે પણ એવા જ યથાવત છે જે પોતાના સપના સાકાર કરવા પોતા લોકોનો બલિ ચઢાવતા પળ માત્રનો ય વિચાર કરતા નથી.

જ્યારે વિજયકાંત જેવા ઓફિસર છે જે માને છે કે “અપનો કિ કિમત સપનો સે જ્યાદા નહી હોતી” આ વિજયકાંત પોતાના મ્રુત્યુ પહેલા પોતાના લગ્નેતર સંબંધ વિશે જે સ્ફોટક માહિતી આપે છે એમાંથી સર્જાય છે “ઔરંગઝેબ” ફિલ્મ. ગામમાંથી શહેરમાં પરિવર્તિત થયેલા ગુડગાંવના કહેવાતા ઉદ્યોગપતિ યશવર્ધન (જેકી શ્રોફ) ની અસલિયત જાણ્યા બાદ એની પત્નિ વિરા એ લગ્ન અને લગ્ન બંધનને છોડીને પોલિસની ઇન્ફોર્મર બની જાય છે .  પણ આ પહેલા એના લગ્નની ફળશ્રુતિ રૂપે એ બે જોડકા પુત્રોની મા બની  ગઈ છે. યશવર્ધનનુ સામ્રાજ્ય તો વિખરાતુ નથી પણ એમાંથી ઉભો થાય છે વિજયકાંત અને વિરાનો એક નવો સંબંધ. વિજયકાંત આ સંબંધને આ મરણાંત જાળવે છે.વિશાલ ( અર્જુન કપૂર) મા અને વિજયકાંત પાસે અને  અને અજય ( અર્જુન કપૂર) પિતા પાસે ઉછરે છે. પિતા વિજયકાંત પાસેથી પ્રાપ્ત થયેલી આ માહિતી આર્ય( પૃથ્વીરાજ) એના કાકા રવિકાંત( રિશિ કપૂર) સાથે શેર કરે છે. અને ” સપનો કિ કિમત અપનો સે જ્યાદા હોતી હૈ” એવી માનસિકતા ધરાવતા રવિકાંત યશવર્ધનનુ આ સામ્રાજ્ય પામવાની કોશિશોમાં એક પછી એક  બલિ ચઢાવતા જાય છે.

યશવર્ધનના  રુપિયા અને રુત્બાથી છલો્છલ સામ્રાજ્ય પામવાની કોશિશોની આ કથા છે. માત્ર પોતાનુ વિચારતા સત્તા લાલસી લોકોની આ કથા છે. જીવનમાં સંબંધથી વધીને  બીજુ કશુ જ નથી એવા લાગણીપ્રધાન લોકોની આ કથા છે. ઘર-પરિવાર પ્રત્યે પ્રેમની કથા ય છે તો રુપિયા અને રાજકારણ વચ્ચે રમતા કોર્પોરેટ જગતની ય આ કથા છે.

યશરાજ ફિલ્મના ઢાંચાથી અલગ પડતી આ ફિલ્મ અતુલ સબરવાલની ચુસ્ત માવજતના લીધે વધુ અસરદાર બની છે. ફિલ્મના પાત્રો અને ડાયલોગ્સ ક્યાંય કોઇ કસર છોડતા નથી. જોવાની ખુબી એ છે કે અહીં કોઇ એક હીરો કે હીરોઇન માત્ર નથી જેની આસપાસ ફિલ્મ ફરતી હોય . પરંતુ એથી ય  આગળ વધીને પરદા પર દેખાતા  તમામ પાત્રોનુ મહત્વ પ્રગટ કરતી ફિલ્મ છે.અને એ તમામ પાત્રોને અતુલ સબરવાલ એક સરખુ પ્રાધાન્ય આપવામાં સફળ રહ્યા છે.

“ઇશ્કઝાદે” ફિલ્મનો નેગેટીવ રોલ કરનાર અર્જુન કપૂર હજુ તો પ્રેક્ષકોના માનસપટ પર જરાય ઝાંખો નહી થયો હોય એવામાં ફરી એક વાર એવા જ ગ્રે શેડમાં દેખા દઈને અર્જુન કપૂરે એના અભિનયની ક્ષમતાનો પરિચય આપ્યો છે. બે ભિન્ન પ્રકૃતિ ધરાવતા ભાઈઓ વિશાલ અને અજયના પાત્રમાં અર્જુને પોતાની જાતને સાવ જ સહજતાથી ઢાળી છે. પિતા પ્રત્યે એક ઝનુન લઈને નિકળેલા વિશાલનો પિતા પ્રત્યેનો રાગમાં બદલાવ અને મા તરફની મમતાને અર્જુને બસ એમ જ સરળતાથી વહેવા દીધી છે. બંને પાત્રોને એણે ખુબ સબળ રીતે ન્યાય આપ્યો છે.

ફિલ્મનુ એવુ જ બીજુ સબળ પાત્ર  એટલે આર્ય.. ગત વર્ષે રજૂ થયેલી ફિલ્મ” ઐય્યા”થી નોંધપાત્ર એન્ટ્રી લેનાર પ્રુથ્વીરાજ ફિલ્મના મુખ્ય અભિનેતા જેટલુ જ મહત્વનુ પાત્ર ભજવે છે. લાગણી અને નૈતિકતા વચ્ચે જરાય અટવાયા વગર પરિસ્થિતિ પ્રમાણે અંતરાત્માને અનુસરીને જવાબદારીનો ઝોક બદલતા પોલિસ ઓફિસરના પાત્રને માનનિય રીતે પ્રદર્શિત કર્યુ છે.

ફિલ્મનુ ત્રીજુ અને એટલુ જ મહત્વનુ પાત્ર એટલે રવિકાંત. ચોકલેટી બોયની ઇમેજ ધરાવતો રિશિ કપૂર તો હવે આ નવી જનરેશન માટે  ક્યાંય કલ્પનાની પરે બની ચુક્યો છે. કપૂર ખાનદાનની પરંપરા અનુસાર અદોદળો દેખાતો રિશિ કપૂર એ ચાર્મ તો કેટલાય સમયથી ગુમાવી ચુક્યો છે.રહી વાત અભિનયની તો હા ! અદાકારીની પરંપરા હજુ ય એ જાળવી શક્યો છે. સમગ્ર પરિસ્થિતિને પોતાના હાથમાં રાખીને પોતાની મરજી પ્રમાણે  પોતાના લાભાલાભ પ્રમાણે સુકાન ફેરવતા ઓફિસરના પાત્રને રિશિ કપૂરે બાખુબી નિભાવ્યુ છે. અત્યંત સંયત અભિનય થકી તન્વી આઝમી એ અજય- વિશાલની મા ના પાત્રને જીવંત બનાવ્યુ છે.

તો જેકી શ્રોફ અને અમ્રિતા સિંહે પણ પોતાના કિરદારને સરસ રીતે રજૂ કર્યા છે. પૃથ્વીરાજની પત્નિના નાનકડા પાત્રમાં પણ સ્વરા ભાસ્કરે સુંદર કામ કર્યુ છે.જ્યારે સલમા આગાની પુત્રી સાશા આગા ગરમ મસાલો પુરવા પુરતી હાજરી નોંધાવે છે.

“ઔરંગઝેબ” ફિલ્મની એક એક પળ  વિશ્વાસ અને વિશ્વાસઘાતના લોહિયાળ રંગે રંગાયેલી છે તો સાથે સંબંધના આટાપાટા વચ્ચે ઝોલા ખાતા આમ આદમીની ય વાત છે. “ઔરંગઝેબ” ચીલાચાલુ કરપ્ટ પોલિસ ઓફિસરની ફિલ્મ છે તો સાથે સાંઠગાંઠાના ચીલાને ચાતરીને અદકેરા પુરવાર થતા સાવ સામાન્ય પોલિસ ઓફિસરની ય ફિલ્મ છે.  એક ઝનુન કે ખુન્નસ સાથે જીવતા પુત્રની ફિલ્મ છે તો સાથે એ ઝનુન અને ખુન્નસને હ્રદયના કોઇ ખુણે દાટીને પ્રેમથી નવ પલ્લવિત થતા પુત્રની ય વાત છે.

કલાકાર :  અર્જુન કપૂર, ઋષિ કપૂર, પૃથ્વીરાજ, જેકી શ્રોફ, સાશા આગા,અમૃતા સિંહ

પ્રોડ્યુસર : આદિત્ય ચોપરા

ડાયરેક્ટર :અતુલ સબ્બરવાલ

સંગીત : અમૃતા રાઉત, વિપીન મિશ્રા

ફિલ્મ * * *1/5  એક્ટિંગ* * * મ્યુઝિક * સ્ટોરી ***

આ આલેખન- ફિલ્મ રિવ્યુ  ગુજરાત ન્યુઝાલાઇન ( ઇન્ડો કેનેડીયન ગુજરતી કોમ્યુનીટી ન્યુઝ પેપર ) માટે લખ્યો.”

 

June 10, 2013 at 7:13 pm 1 comment

‘યે જવાની હૈ દિવાની’

Deepika-Padukone_Ranbeer_Kapoor

“યે જવાની હૈ દિવાની” નામ જ એટલી હદે ફિલ્મનુ નામ સાર્થક કરે છે કે બાકીની કથા આપોઆપ સમજાઇ જાય. ૨૧મી સદીનુ યુવા ધન જે રીતે પોતાની મરજી અને અલ્લ્ડતાથી જીવન ગુજારવાનુ પસંદ કરે છે એની એક તાજગીભરી કથા લઈને ફિલ્મ આવી છે.

બન્ની( રણબીર કપૂર) મસ્ત મૌલા , ખુશમિજાજી યુવાન છે જેને હંમેશા પોતાના સપનાની દુનિયામાં જીવવાનુ , પોતે જોયેલા સપના સાકાર કરવાનુ પસંદ છે. એના પિતા ( ફારૂખ શેખ )ને ગર્વ છે બન્ની પર કારણકે એ પોતે પણ માને છે કે જીંદગી પોતાની રીતે જીવવા માટે કેવી કિંમત ચુકવવી પડે અને એ
કિંમત ચુકવવાની ય હિંમત જોઇએ અને એના બેટા બન્નીમાં આ કિંમત ચુકવવાની હિંમત હતી.

બન્ની સાચા અર્થમાં એક એવો મુસાફર છે જેને એક પછી એક પડાવ જોવા છે. દુનિયા જોવી છે અને એની શરૂઆત કરે છે એના બે અંગત મિત્રો અદિતી( કલ્કિ કોચલીન ) અને અવિ ( આદિત્ય રોય કપૂર ) સાથે મનાલીમાં એક એડવેન્ટચર ટ્રિપના પ્રોગ્રામથી.. સાવ જ બિનધાસ્ત -બેફિકરા એવા બન્નીને અહીં મળે છે એનાથી તદ્દન ભિન્ન પ્રકૃતિ ધરાવતી નૈના ( દિપીકા પાદુકોણ). નૈના એકદમ આંતરમુખી અને તદ્દન સીધી પ્રકૃતિની યુવતિ છે જેને નથી સમજાતા બન્ની , અદિતી કે અવિ કે નથી સમજાતી એમની દોસ્તી અને તેમ છતાં ધીમે ધીમે એને પણ એમની લાઇફ સ્ટાઇલ ગમવા લાગે છે અને સાથે ગમવા લાગે છે બન્ની. પણ બન્ની પાસે નૈના પોતાની લાગણી વ્યક્ત કરે એ પહેલા તો સૌ છુટા પડી જાય છે . બન્ની દેશ-વિદેશમાં પોતાના સપના સાકાર કરે એવા ટ્રાવેલ શૉમાં વીડિયોગ્રાફરની જોબ લઈને ચાલ્યો જાય છે.અને ત્યારબાદ  ૮ વર્ષ બાદ અદિતીના લગ્ન માં મળે છે. આ ૮ વર્ષનો ગાળો જાણે એકબીજાથી દૂર રહીને જીવાયો છે  એવી ભાવનાથી પરે ફરી એ મિત્રો એકબીજાને મળે છે . હા! ક્યાંક કોઇ રાવ-ફરિયાદ છે પણ એના લીધે દોસ્તીમાં દરાર નથી.

બસ આ જ તો મઝા છે આ ફિલ્મની. ૭૦/ ૮૦ના દાયકા સુધી કોઇ યુવક કે યુવતિ  વચ્ચે ખાસ કોઇ સંબંધ વગર મિત્રતા હોઇ જ ન શકે
એવા વિચારોથી તદ્દન ભિન્ન આ ૨૦ /૨૧ મી સદીના યુવાનો છે. પ્રેમ વગર પણ  વિજાતિય મિત્રતા એટલી જ  ઇન્ટેન્સ હોઇ શકે એવો અભિગમ ખુબ સરસ રીતે વ્યક્ત થયો છે.

ફિલ્મના ચારે મુખ્ય પાત્રો એટલી તો સહજતાથી વહે જાય છે કે પ્રેક્ષકો પણ એમની શરારત,
એમની મસ્તી , એમની દોસ્તી સાથે ઇન્વોલ્વ થયા વગર નથી રહેતા. ખુલ્લા દિલથી આવકારો તો આ ફિલ્મની એક એક પળ મઝાની બની રહે છે.

રણબીર કપૂરે બન્નીના પાત્રને એક એવી ખુબીથી રજૂ કર્યુ છે જાણે એણે આ પાત્રને આત્મસાત કર્યુ હોય. રણબીર કપૂરે આ ફિલ્મમાં અત્યંત ઉત્કૃષ્ટ અને અદભૂત અભિનય આપ્યો છે.બન્નીની બેફિકરાઇ , જીવન જીવવાનો જોશ , દોસ્તી,પ્રેમ ક્યાંય કોઇ જગ્યાએ એ ઓછો નથી ઉતર્યો. પોતાના સપના સાકાર કરવા પિતા કે પરિવારની પણ ખેવના ન કરતો બન્ની પ્રેમ માટે પળ વારમાં એની સપનાની અદભૂત દુનિયા છોડીને ક્યાંય કોઇ અવઢવ વગર પ્રિયતમા પાસે પહોંચે એ પળ પણ એણે પરદા પર સાકાર કરી છે.બન્નીની સપનાની દુનિયા એણે સફળતાપૂર્વક ખેડી છે.

સીધી સાદી ચશ્મીશ ,અંદર અને અંતરથી અસલામતી અનુભવતી , ફેમિલી વેલ્યુ ધરાવતી અને તેમ છતાં મા ની મમત થી કંટાળેલી  નૈના અને મિત્રોને મળ્યા પછી આઝાદીથી ભરપૂર દિવસો ની  લહેજત માણતી નૈના માં દીપિકા પદુકોણે અત્યંત પરિપક્વતાથી અભિનયના રંગ પૂર્યા છે.ફિલ્મની શરૂઆતની એની સાદગી અને ત્યારબાદની અલ્લડતા એના ખુબસૂરત સ્મિતથી પળે પળે ખીલી ઉઠી છે.
ગુઝારિશ, આશિકી-૨ પછી આ એક એવી ફિલ્મ છે જેમાં આદિત્ય રોય કપૂર સાવ અલગારી દેખા દે છે. હર એક ફિલ્મમાં એ એની આગવી છાપ ઉભી કરતો જાય છે.

ટોમ બોયીશ એવી અદિતીએ પણ એની મસ્તી -તોફાન , અવિ માટે ન વ્યકત થયેલા , ન સમજાયેલા એક તરફી પ્રેમ પાછળ પોતાની જાતને તકલિફમાં મુકવાના બદલે  એક સમજદારી પૂર્વકના દાંપત્ય જીવનની સ્વીકૃતિ એવા તમામ પડાવ સરસ રીતે વ્યક્ત કર્યા છે. હા! ક્યારેક એની અભિવ્યક્તિ વધુ બોલકી બની જાય છે.

ફારૂખ શેખ, તન્વી આઝમીનો સપોર્ટીંગ અભિનય અને કુનાલ રોય કપૂર (તરન)ની સાલસતા આ ફિલ્મનુ જમા પાસુ છે.

જેવી તાજગીભરી ફિલ્મ અને એનો અભિનય છે એવાજ તાજગી સભર એના ગીત-સંગીત છે.એની ફાસ્ટ રિધમ અને મસ્તી પ્રેક્ષકોને મઝામાં લાવી દે છે .”બત્તમીઝ દિલ માને ના”,  હોળીનુ “બાલમ મારી પિચકારી”, ” કબીરા”, “સુભાનઅલ્લા” જેવા ગીતો અને એના ફાસ્ટ ટ્રેક મ્યુઝીકના તાલે થયેલી કોરિયોગ્રાફી મસ્તી ભરી દે છે.

ઓવરોલ એક સાફ સુથરી સંગીતમય રોમાંસ ફિલ્મ લઇને આવેલા કરણ જોહરના નિર્માણને અયન મુખર્જીએ એમના સબળ દિગ્દર્શન થકી જોવા -માણવા લાયક બનાવી છે.

કલાકાર :  રણબિર કપૂર, દીપિકા પદુકોણ, કલ્કી કોચલીન, આદિત્ય રોય કપૂર, માધુરી દિક્ષીત( મહેમાન કલાકાર).

પ્રોડ્યુસર :કરણ જોહર

ડાયરેક્ટર :અયન મુખર્જી

સંગીત : પ્રીતમ

ફિલ્મ * * * *  એક્ટિંગ*-* * *મ્યુઝિક*** સ્ટોરી ***

June 7, 2013 at 10:47 pm 6 comments


Blog Stats

  • 119,015 hits

Recent Posts

rajul54@yahoo.com

Join 128 other followers

દેશ – વિદેશ ‘પ્રવાસ વર્ણન’

Posts filed under ‘પ્રવાસ વર્ણન’

ફિલ્મ રિવ્યુ –

Posts filed under ‘- film reviews -’ https://rajul54.wordpress.com/category/film-reviews/

Categories

“ગુજરાતી બ્લોગર્સ/બ્લોગ રીડર્સ ગ્રુપ”

"http://groups.google.co.in/group/gujblog" target="_blank">ગુજરાતી બ્લોગર્સ/બ્લોગ રીડર્સ ગ્રુપ

Flag counter

free counters

Calender

June 2013
M T W T F S S
« May   Jul »
 12
3456789
10111213141516
17181920212223
24252627282930

Disclaimer:

© અહીં રજૂ કરેલ કૃતિઓના કોપીરાઇટ્સ-હક્કો જે તે રચનાકારના પોતાના છે. આ બ્લોગ પર અન્ય કવિઓની જે રચનાઓ પોસ્ટ કરી છે, એને લીધે જો કોઇના કોપીરાઇટનો ભંગ થયેલો કોઇને લાગે અને મને જાણ કરવામાં આવશે, તો તેને સત્વરે અહીંથી દૂર કરીશ. પણ મને આશા અને શ્રદ્ધા છે કે સૌ સર્જકો અને પ્રકાશકો તેમ જ તેમના વારસદારો ગુજરાતી ભાષાના પનોતા સંતાનોને માટે વિશ્વ-ગુર્જરી સમાજમાં સભાનતા કેળવવાના આ નિસ્વાર્થ પ્રયત્નોને હૃદયપૂર્વક ટેકો આપશે અને બીરદાવશે. ۞ Disclaimer : This blog is not for any commercial purposes. The entries posted on this blog are purely with the intention of sharing personal interest in gujarati literature/sahitya without any intention of direct or indirect commercial gain. Locations of visitors to this page


"બેઠક" Bethak

વાંચન દ્વારા સર્જન -બેઠક

શબ્દોને પાલવડે

સ્વરચનાઓનો સંચય મારા શબ્દોના પાલવમાં

વિનોદીની..

મારી કવિતાઓ અને રચનાઓ નો બ્લોગ.. વિનોદીની

ધર્મધ્યાન

અલ્પમતિ વિજય શાહની ધર્મવાતો, ધર્મ સમજણ અને ધર્મ ધ્યાન્..

Banshari Banine

Krishna Bhajans and other poetry

રાજુલનું મનોજગત

“Languages create relation and understanding”

Kalyanshah

Ahmedabad based photographer. Owner at Pixel Planet.

વિજયનુ ચિંતન જગત

મને ગમતી વાતો અને મારી સર્જન પ્રવૃતિઓ...

મારુ વિચાર વિશ્વ

મારી આંખથી આકાશ કદી જોજે.....

સહિયારું સર્જન - ગદ્ય

એકથી વધુ લેખકો દ્વારા થતાં લઘુ નવલકથા કે લઘુકથા જેવાં સહિયારા ગદ્ય સર્જનનો પ્રથમ બ્લોગ!