“મૈત્રીની બુનિયાદ”

November 21, 2010 at 6:59 am 10 comments

હેલ્લો, ક્યારે આવ્યા? ખરા છો તમે તો ? આટલા દિવસ થયા આવ્યાને અને મળવાની વાત તો બાજુમાં એક ફોન પણ કરતા નથી?  જો અમે નહીં સારા તમને યાદ કરીને મળવા આવ્યા?

આ એક વાર્તાલાપ.

હવે બીજો વાર્તાલાપ-

હેલ્લો…

અરે વાહ આવી ગયા. આજે જ તમને યાદ કર્યા. અને મને ખબર હતી કે જ્યારે આવશે ત્યારે ફોન તો આવશે જ..

પહેલો  સંવાદ છે એક સાવ જ વ્યહવારિક રીતે  ક્યારેક  પોતાની ફુરસદે  કે સગવડે મળતા નામ પુરતા કહેવાતા સ્નેહી સાથે નો અને બીજો વાર્તાલાપ છે એક અત્યંત નિકટના મિત્ર સાથેનો જેની સાથે પણ ફુરસદે જ અને એક્મેકની સગવડે જ મળવાનુ થતુ હોય .

આ બંને વાર્તાલાપને હજુ ઝાઝા દિવસ નથી થયા પણ ફરક છે બંનેના સૂરમાં , બંનેની અભિવ્યક્તિમાં .

કેટલાક લોકો કહેવાતી આત્મિયતાને તમારી પર થોપવાનો પુરેપુરો પ્રયત્ન કરશે અને સામે પક્ષે એવી આત્મિયતાની અપેક્ષા રાખી  જ્યારે મળે ત્યારે ફરિયાદના સૂર સાથે જેટલો  સમય મળ્યો હોય એમાં પણ  કડવાશ ઘોળશે.જેના લીધે ફરી મળવાની ઇચ્છા જ મરી પરવારે.

જ્યારે એક સંબંધ એવો પણ છે જેમાં અપેક્ષા ઓછી અને વિશ્વાસ વધુ છે.અને એ સૂર છે મૈત્રીનો. અહીં એવુ પણ નથી કે રોજે રોજ મળીને બંને એકબીજાની પળે પળનો હિસાબ રાખતા હોય. ક્યારેક એવુ પણ બને કે વર્ષમાં બે વાર પણ મળવાનુ ભાગ્યે જ થયુ હોય.પણ  આ મૈત્રી નામ પુરતી નથી. અહીં વિશ્વાસની એક બુનિયાદ પર મૈત્રીની ઇમારત છે.

વાત છે  મળ્યા એની મઝા માણો જેવી વિચારસરણી ધરાવતા બે અંગત મિત્રોની . આજે લગભગ એક વર્ષ ઉપર થવા આવ્યુ બંનેને મળ્યાને .હા ક્યારેક ફોન પર કે મેઇલ પર ખબરની આપ લે થઈ જાય બસ! પણ એથી કરીને કોઇને કોઇના માટે કોઇ ફરિયાદ નથી કે નથી કોઇ અપેક્ષા. જ્યારે મળે ત્યારે ,જે હાલમાં મળે ત્યારે જંગલમાં પણ મંગલ કરી લે છે .જ્યારે મળે ત્યારે આખે આખો સાગર ઉલેચાઇ જાય એવી રીતે  બંને એક્બીજા સામે ઠલવાઇ છે.અને ફરી  ક્યારે મળીશુ એનો વિચાર કર્યા વગર જ છુટા પડે છે.

કોઇ અપેક્ષા નથી એકમેક માટે અને છતાં ગળાબૂડ વિશ્વાસ છે કે જ્યારે જરાક હાથ લંબાશે ત્યારે ત્યાં ક્યાંક  એકબીજાની આસપાસ જ મળી રહેશે. અને એ મળવા માટે પણ ફિઝીકલ પ્રેઝન્સની જરૂર નથી.  અહીં વાત થવી એ મળ્યા જેટલુ જ મહ્ત્વનુ છે એવી ક્યારેય ન થયેલી  સમજૂતી છે . મારી ડાયરી તારી પાસે અને તારી ડાયરી મારી પાસે જેવી અંગતતા છે.કહેવાનો મતલબ કદાચ કોઇની સાથે ન વહેંચી શકાય એવી વાતની અહીં આપ-લે થાય તો પણ એ આગળ વધીને બીજે ક્યાંય નહી જાય એવી ખાતરી છે. મૈત્રી એક એવી સેઇફ ડીપોઝીટ વોલ્ટ છે, એવુ લોકર છે જેમાં તારી -મારી અતિ ખાનગી જણસ એ જોઇન્ટ એકાઉન્ટ્ની માફક સચવાયેલી રહેશે એવો વણ લખ્યો કરાર છે.

છેલ્લા ક્યારે મળ્યા કે હવે ક્યારે મળીશુ એનુ કોઇ રજીસ્ટર પણ નથી એકબીજા પાસે . જરૂર પણ નથી એવા કોઇ રજીસ્ટરની.કારણકે અહીં હેપ્પી ફ્રેન્ડશીપ ડે વીશ કરવા વાળી ફોર્માલિટી નથી પણ જ્યારે મળ્યા ત્યારે ફ્રેન્ડશીપની હેપ્પીનેસ ફીલ કરવાની માનસિકતા છે બંનેમાં .  ક્યારેક નક્કી કરીને પણ ન મળી શકાય અને  ક્યારેક સાવ જ અણધારી મુલાકાત થઈ જાય. પણ અહીં કોઇ લેખા જોખા નથી કે નથી કોઇ રાવ ફરિયાદ.મળાય તો એનો આનંદ -ન મળાય તો એનો કોઇ અફસોસ નહી.

આવી મૈત્રી  સમજવા માટે તો સુરેશભાઇ દલાલની એક રચના કાફી છે.

તું વૃક્ષનો છાંયો છે, નદીનું જળ છે.ઊઘડતા આકાશનો ઉજાસ છે:
તું મૈત્રી છે.

તું થાક્યાનો વિસામો છે, રઝળપાટનો આનંદ છે,તું પ્રવાસ છે, સહવાસ છે:
તું મૈત્રી છે.

તું એકની એક વાત છે, દિવસ ને રાત છે,કાયમી સંગાથ છે:
તું મૈત્રી છે.

હું થાકું ત્યારે તારી પાસે આવું છું,હું છલકાઉં ત્યારે તને ગાઉં છું,હું તને ચાહું છું :
તું મૈત્રી છે.

તું વિરહમાં પત્ર છે, મિલનમાં છત્ર છે,તું અહીં અને સર્વત્ર છે:
તું મૈત્રી છે.

તું બુદ્ધનું સ્મિત છે, તું મીરાનું ગીત છે, તું પુરાતન તોયે નૂતન અને નિત છે:
તું મૈત્રી છે.

તું સ્થળમાં છે, તું પળમાં છે;તું સકળમાં છે અને તું અકળ છે:
તું મૈત્રી છે.

આવી દોસ્તી -આવા દોસ્ત માટે બીજુ તો શું કહી શકાય ? હા આટલુ ચોક્કસ કહી શકાય.

એ દોસ્ત મને તારી દોસ્તી પર ગર્વ છે,દરેક પલ તને યાદ કરું છુ,
મને ખબર નથી, પણ ઘરવાળા કહે છે કે,હું ઊંઘ માં પણ તારી સાથે વાત કરું છુ..

આલેખન/ આદર્શ અમદાવાદ સમાચાર પત્રિકા માટે લખ્યો અને ૧૫/૧૧/૨૦૧૦ ના પ્રગટ થયો.

Entry filed under: પ્રકીર્ણ.

“ગુઝારિશ”- film reviews – સાપ્તાહિક લઘુ નવલકથા “છિન્ન” ભાગ-૬

10 Comments

  • 1. MARKAND DAVE  |  November 21, 2010 at 11:06 am

    આદરણીય સુશ્રીરાજુલબહેન,

    ખૂબ સુંદર. અભિનંદન

    ” હા આટલુ ચોક્કસ કહી શકાય, મને ખબર છે કે,હું ઊંઘ માં પણ મિત્રો સાથે વાત કરું છુ.”

    માર્કંડ દવે.

    Like

  • મૈત્રી નો સાર સુરેશ દલાલની રચના મા ઘણો ખરો આવે છે. મૈત્રી એ ભાગ્યની વાત છે. મિત્રો ઘણા છે તેમ સૌ જાહેર કરે છે પરંતુ તે મિત્ર છે ખરો ? તે મોટાભાગના લોકો માટે પ્રશ્ન જ રહે છે.

    સરસ લેખ !

    આભાર !

    http://das.desais.net

    Like

  • 3. parul shah  |  November 21, 2010 at 12:13 pm

    tari ne mari maitri……….જ્યારે જરાક હાથ લંબાશે ત્યારે ત્યાં ક્યાંક એકબીજાની આસપાસ જ મળી રહેશે. ………..

    khoobaj majja pade chhe tane aam malvani tane aam janvani ……..
    khub vahal sathe

    Like

  • 4. અલકેશ  |  November 21, 2010 at 2:12 pm

    મૈત્રી વિશે ક્યારેક ક્યારેક થોડું વાંચ્યું છે, …. પણ આજે તમારા આ ભાવો વાંચીને કંઈક વધુ મળ્યાની લાગણી થાય છે. બે અલગ પ્રકારના પ્રતિભાવની જે વાત કરી છે તે સાચી જ છે. અનેક લોકો એવા હોય છે જે મોટા અવાજે તમને મીઠો ઠપકો આપીને ઘણી ફરિયાદો કરી નાખતા હોય છે. તો બીજી તરફ જે નિસ્વાર્થ મૈત્રીની વાત કરી છે એવું મળવું ખરેખર ભાગ્ય કહેવાય.

    Like

  • 5. Heena Parekh  |  November 22, 2010 at 6:36 am

    સરસ આલેખન.

    Like

  • 6. Rajul Shah Nanavati  |  November 22, 2010 at 6:58 am

    આભાર.

         Rajul Shah Nanavati      http://www.rajul54.wordpress.com

    Like

  • 7. nirmit  |  November 22, 2010 at 10:06 am

    Really touching…
    nice.

    – Nirmit Chhaya, Rajkot (Guj)

    Like

  • 8. હિરેન બારભાયા  |  November 22, 2010 at 2:43 pm

    Nicely explained… truly superb !!!

    Like

  • 9. vishwadeep  |  November 24, 2010 at 3:03 pm

    દુ:ખમાં ઝાલે હાથ..સુખમાં દુર બેસી..થાય ખુશ,
    રસ્તો બુલાય ત્યાં આંગળી જાલી..લઈ જાય મંઝીલ ભણી..
    ના કોઈ અપેક્ષા.! ના કોઈ સ્વાર્થ!..એજ સાચો મિત્ર!

    sundar vaat laavyaa…aabhar..

    Like

  • 10. MAHESH  |  December 1, 2010 at 1:54 pm

    Aa to khubaj saras chhe. jane akho divas vachyaj karia

    Like


Blog Stats

  • 112,256 hits

rajul54@yahoo.com

Join 967 other followers

દેશ – વિદેશ ‘પ્રવાસ વર્ણન’

Posts filed under ‘પ્રવાસ વર્ણન’

ફિલ્મ રિવ્યુ –

Posts filed under ‘- film reviews -’ https://rajul54.wordpress.com/category/film-reviews/

Categories

“ગુજરાતી બ્લોગર્સ/બ્લોગ રીડર્સ ગ્રુપ”

"http://groups.google.co.in/group/gujblog" target="_blank">ગુજરાતી બ્લોગર્સ/બ્લોગ રીડર્સ ગ્રુપ

Flag counter

free counters

Calender

November 2010
M T W T F S S
« Oct   Dec »
1234567
891011121314
15161718192021
22232425262728
2930  

Disclaimer:

© અહીં રજૂ કરેલ કૃતિઓના કોપીરાઇટ્સ-હક્કો જે તે રચનાકારના પોતાના છે. આ બ્લોગ પર અન્ય કવિઓની જે રચનાઓ પોસ્ટ કરી છે, એને લીધે જો કોઇના કોપીરાઇટનો ભંગ થયેલો કોઇને લાગે અને મને જાણ કરવામાં આવશે, તો તેને સત્વરે અહીંથી દૂર કરીશ. પણ મને આશા અને શ્રદ્ધા છે કે સૌ સર્જકો અને પ્રકાશકો તેમ જ તેમના વારસદારો ગુજરાતી ભાષાના પનોતા સંતાનોને માટે વિશ્વ-ગુર્જરી સમાજમાં સભાનતા કેળવવાના આ નિસ્વાર્થ પ્રયત્નોને હૃદયપૂર્વક ટેકો આપશે અને બીરદાવશે. ۞ Disclaimer : This blog is not for any commercial purposes. The entries posted on this blog are purely with the intention of sharing personal interest in gujarati literature/sahitya without any intention of direct or indirect commercial gain. Locations of visitors to this page


"બેઠક" Bethak

વાંચન દ્વારા સર્જન -બેઠક

શબ્દોને પાલવડે

સ્વરચનાઓનો સંચય મારા શબ્દોના પાલવમાં

વિનોદીની..

મારી કવિતાઓ અને રચનાઓ નો બ્લોગ.. વિનોદીની

ધર્મધ્યાન

અલ્પમતિ વિજય શાહની ધર્મવાતો, ધર્મ સમજણ અને ધર્મ ધ્યાન્..

Banshari Banine

Krishna Bhajans and other poetry

રાજુલનું મનોજગત

“Languages create relation and understanding”

Kalyanshah

Ahmedabad based photographer. Owner at Pixel Planet.

વિજયનુ ચિંતન જગત

મને ગમતી વાતો અને મારી સર્જન પ્રવૃતિઓ...

મારુ વિચાર વિશ્વ

મારી આંખથી આકાશ કદી જોજે.....

સહિયારું સર્જન - ગદ્ય

એકથી વધુ લેખકો દ્વારા થતાં લઘુ નવલકથા કે લઘુકથા જેવાં સહિયારા ગદ્ય સર્જનનો પ્રથમ બ્લોગ!

%d bloggers like this: