“ખટ્ટા-મીઠ્ઠા”- film reviews –
July 24, 2010 at 2:37 pm 3 comments
ખટ્ટા-મીઠ્ઠા ફિલ્મ રોડ સાઇડ માફિયા ને લગતી ફિલ્મ છે . આજે ચારે બાજુ ભ્રષ્ટાચાર ફેલાયેલો જેમાં ભાગ્યેજ કોઇ પોતાની જાતને એમાંથી બાકાત રાખી શકતુ હશે? સ્ટ્રગલીંગ રોડ કોન્ટ્રાક્ટર સચીન ટીકુલેકર ( અક્ષય કુમાર ) એક એવી વ્યક્તિ છે જેને પોતે ભ્રષ્ટાચારમાં માનતો નથી પણ આસપાસની ખરડાયેલી પરિસ્થિતિમાં એ પોતાની જાતને એમાંથી દૂર રાખી શકતો નથી. લાંચ આપવાની તાકાતના અભાવે એ જે હાલાકી ભોગવે છે તેમાં વધુ ઉમેરો થાય છે વર્તમાન મ્યુન્સિપલ કમીશ્નર (ત્રિશા) થકી .ત્રિશા બીજુ કોઇ નહીં પણ એક સમયનો એનો પ્રેમ છે જે સચીને પોતાના સપના સાકાર કરવા દફનાવી દીધો હતો અને હવે ત્રિશા એને હદથી બહાર ધિક્કારે છે.
૧૯૭૦ ના દાયકાના અમોલ પાલેકર કે ફારૂખ શેખ ની યાદ અપાવતો અને આમ આદમીના પ્રતિબિંબ જેવો સચીન જે રીતે જે હાલાકીમાંથી પસાર થાય છે તે દ્વારા એક ગંભીર પરિસ્થિતિને અત્યંત હળવી રીતે રજૂ કરવામાં આવી છે. કદાચ સીધો ઉપદેશ આપવા કરતાં આ અભિગમ એવો છે જે લોકોને વધુ આસાનીથી સ્પર્શે છે. વર્તમાન કાળમાં દેશમાં દરેક ક્ષેત્રે જે રીતે ભ્રષ્ટાચાર , લાંચ રૂશ્વત નિરંકુશ રીતે ફેલાયેલા છે તેની પર અહીં ૧૯૮૯માં બનેલી મલયાલમ ફિલ્મ વેલ્લનકાલુડે નાડુની રીમેક “ખટ્ટા-મીઠ્ઠા” માં પ્રકાશ પાડવાનો પ્રયત્ન કરવામાં આવ્યો છે.
કમબ્ખત ઇશ્ક. હાઉસફુલ. દે દના દન, જેવી ફ્લોપ ફિલ્મો બાદ અક્ષય કુમારે એક નવા સ્વાંગમાં પોતાની જાતને રજૂ કરી છે .અક્ષયની ફેશનેબલ ઇમેજથી વિરૂધ્ધ પાત્રને અનુરૂપ પ્લેઇન શર્ટ. બ્રાઉન પેન્ટ અને લેધર સ્લીપર હાથમાં હેન્ડબેગ અને છત્રી જેવા પહેરવેશમાં એ સામાન્ય માણસમાંનો એક છે એવી પ્રતિતિ થાય , સૌ કોઇ એનામાં પોતાની જાતને જુવે એટલી સાહજીકતા લાવવાનો પ્રયત્ન સફળ રહ્યો છે.
ત્રીશાની આ પહેલી હિન્દી ફિલ્મ છે પણ તે પહેલા આ સાઉથની અભિનેત્રીએ ઘણી ફિલ્મો કરી છે જેમાં કેટલાકમાં એને એવોર્ડ પ્રાપ્ત થયા છે એટલે અભિનયની ક્ષમતા ભારોભાર હોય તે સ્વભાવિક છે. ફિલ્મ લગભગ અક્ષય કુમાર પર કેન્દ્રીત હોવા છ્તાં ત્રીશા નો અભિનય નોંધપાત્ર છે.ફિલ્મમાં જો સૌથી વધુ નોંધપાત્ર હોય તો તે રાજપાલ યાદવ. રોડ કન્સ્ટ્રક્શન માટે ઉતરેલા કાફલાની જેમ અહીં જેટલા કોમેડીયન એકઠા થયા છે તેમાં સદાયના બિચારા લાગતા રાજપાલનુ એક રોડ વર્કર તરિકેનુ પર્ફોર્મન્સ ઉમદા છે. જ્હોની લીવર .કુલભુષણ ખરબંદા ,મકરંદ દેશપાંડેનો સુસંગત અભિનય છે જ્યારે અરૂણા ઇરાની , મિલિંદ ગુણાજીની ક્ષમતા વેડફાઇ છે.
ફિલ્મ “ખટ્ટા-મીઠ્ઠા” ફિલ્મમાં એવા કોઇ શ્રેષ્ઠ કહી શકાય એવા ગીત -સંગીત નથી તેમ છતાં દરેક ગીત નિશ્ચિત પણે વાર્તાને અનુરૂપ વાત કહી જાય છે જેથી ફિલ્મની ગતિને કોઇ બાધ આવતો નથી. આઇલા રે આઇલા તેમજ નાના ચિ ટાંગ ,સજદા વિશેષ ધ્યાન દોરે છે.
હાલમાં એક પછી એક ફ્લોપ થતી કોમેડી ફિલ્મો જોયા બાદ પ્રેક્ષકોને રિઝવવા કેટલા અઘરા છે તે સમજાય તેવી વાત છે. પોલિટીકલ સટાયર પરની ખટ્ટાશ અને કોમેડી્નીમીઠ્ઠાશ લઈને આવેલી ફિલ્મ “ખટ્ટા-મીઠ્ઠા”માં પાત્રો, સિચ્યુએશન અને સીન થકી કોમેડી ઉત્પન્ન કરવા પ્રયત્ન કરવામાં આવ્યો છે. અને તેમ છતાં તેમાં જોઇએ તેટલી સચોટતામાં ક્યાંક કસર વર્તાય છે.
કલાકાર- અક્ષય કુમાર, ત્રીશા ક્રીશ્નન, રામપાલ યાદવ , મકરંદ દેશપાન્ડે, જ્હોની લીવર અરૂણા ઇરાની.
પ્રોડયુસર – અક્ષય કુમાર
ડાયરેકટર- પ્રિયદર્શન
મ્યુઝિક- પ્રિતમ ચક્રબર્તી
ગીતકાર- ઇર્શાદ કામિલ ,શેહઝાદ રોય, નિતિન
ફિલ્મ *** એક્ટિંગ-* * * મ્યુઝિક * * * સ્ટોરી * * *
“આ ફિલ્મ રિવ્યુ દિવ્યભાસ્કર ની પૂર્તિ સિટી ભાસ્કર માટે લખ્યો અને ૨૪/૭/૨૦૧૦ ના પ્રગટ થયો.”
Entry filed under: ફિલ્મ રિવ્યુ.
1. chandravadan | July 26, 2010 at 2:03 pm
Enjoyed reading this post !
DR. CHANDRAVADAN MISTRY(Chandrapukar)
http://www.chandrapukar.wordpress.com
Thanks, Rajulben for your visit to Chandrapukar..Hope to see you again soon !
LikeLike
2. વિશ્વદીપ બારડ | July 28, 2010 at 3:02 pm
always enjoying your movie review..Thank you bena
LikeLike
3. Rasik Bapodara | September 7, 2010 at 2:23 pm
khub saras pravruti sathe jivanne jodi didhu. badhane indian filmni khabar pan sari rite apochho khub khub saras
LikeLike