Archive for October, 2009

” લંડન ડ્રીમ્સ ” – film reviews –

london-dreams-pics-02-100x150

સપનાંને સાકાર કરવાનું અનોખું ઝનૂન

પંજાંબની એક નાનક્ડા ગામ ની નાનકડી સ્કૂલમાં ટીચર વિદ્યાર્થીઓને સવાલ પૂછે છે.

”મોટા થઇને શું બનશો?

”સ્ભાવિક કોઇને ડૉકટર,એન્જીનીયર,ટીચર,સાયન્ટીસ બનવું છે

પણ એક બાળક છે જેને મોટા બનીને ”માઇ કા લાલ જે કીસન”બનવું છે.

વેમ્બલીના સ્ટેડીયમમાં પોતાના બેન્ડ,પોતાના ગ્રુપ સાથે ગીતસંગીતના તાલે હજારોની  મેદનીને ઝુમતી જોવી છે.અર્જુનના લક્ષ્યને આંબવા માટેનીસમસ્ત તનમન ની તૈયારી છે. અર્જુન (અજયદેવગન)ના નસીબે એને સાથ આપ્યો અને એ લંડન પણ પહોંચ્યો.લંડન

મ્યુઝીક સ્કુલમાં ભણીને પોતાના સ્વપ્ના સાકારકરવાની કેડી પણ કંડારવા માંડી.

અર્જુનનો બાળ ગોઠીયો મનુ (સલમાનખાન)ને ક્યારેય પોતાના કોઇ સ્વપ્ના નથી,

બસ મોજમસ્તી

અને ઇશ્ક્બાજી સિવાય કોઇ વિશેષ પ્રવ્રુત્તિ પણ નથી.માત્ર છે તો તે એક પોતાના મિત્ર

અર્જુન માટેનો અત્યંત લગાવ,દોસ્તીનો પળેપળ અહેસાસ.અને એ લગાવ અર્જુનને પંજાબ લાવે છે.

દોસ્તીનો એ એહ્સાસ મનુને અર્જુન સાથે લંડ્ન સુધી લઈઆવવાનું નિમિત્ત બને છે.જે પળોનો વર્ષોથી અર્જુન ઝંખના કરતો હોય છે

એવી તમામ પળો નામ-દામ-શોહરત અને એનો પ્રેમ એટલેકે પ્રિયા (અસીન)વિના કોઇ આયાસે મનુને મળતૂં જાય છે.

બસ અહીં થી જ કોઇએક નવી શરુઆત થાય છે જે અર્જુન-મનુ કે પ્રિયાએ આ પહેલાની કોઇ પળોએ પણ કલ્પી ન હોય.

ઇર્ષાનું એક ઝેર પાયેલુ તીર અર્જુનના લક્ષયવેધ ને  વિંધવા તકાય છે.એ તીર કોને વિંધશે ? લક્ષ્યને? દોસ્તીને ?

પ્રેમને કે પોતાની જાતને?આ તમામ સવાલોનો જવાબ એટલે દોસ્તી ,પ્રેમ, નામ- દામ , શોહરત,

સ્વપ્નની દુનિયાને સજવવાના પ્રયાસોની આસપાસ આકાર લેતી કથા “લંડન ડ્રીમ્સ “.

હમ દીલ દે ચુકે સનમ પછી વર્ષો બાદ ફરી એક વાર સલમાન ખાન તેમજ અજય દેવગન “લંડન ડ્રીમ્સ” માં સાથે પરફોર્મ કરે છે.

કોઇ હીરોઇન સાથેની કેમેસ્ટ્રી એક સામાન્ય વાત છે,

જ્યારે અહીં બે હીરો વચ્ચેની કેમેસ્ટ્રીનો નવો તાલ જોવા મળે છે. અજય દેવગનનો એન્ટી હીરોનો રોલ ,

સલમાનનો હળવો મસ્ત મીજાજી અંદાજ દિગ્દર્શક વિપુલ અમ્રુતલાલ શાહે બાખુબી ઉપસાવ્યો છે.

એક ઉંચાઇ ને આંબવાનું સ્વપ્ન ,સ્વપન સાકાર થવાની ક્ષણોનો પળે પળે ઇંતજાર ,પ્રેમ, દોસ્તી અને એમાં થી ઉદભવતી ઇર્ષા ,

હતાશાને અજય દેવગને જીંવત કરી છે.સલમાનખાન જાણે પોતે પોતાના અભિનયને માણતા હોય તેમ રજૂ થયા છે.

અસીનના ભાગે કેટલીક ઇમોશનલ પળૉ આવી છે તે સિવાય ગ્રુપ લીડર ડાન્સર તરીકે તેના પાત્રને ગોઠવવામાં આવ્યું હોય તેમ લાગે છે.

આદિત્ય રોય (વસીમ) તેમજ રણવિજય (ઝોહેબ)

“લંડન ડ્રીમ્સ “બેન્ડ્ના એક હિસ્સા તરીકે ન્યાય આપ્યો છે. સાવ નાના પાત્રને પણ ઓમ પુરીએ હંમેશની માફક સાચવી જાણ્યુ છે.

“લંડન ડ્રીમ્સ “એક મ્યુઝીકલ ફિલ્મ હોવાના લીધે ફિલ્મમાં ગીત સંગીત અગત્યનું પાસુ બની રહે છે.

પ્રસુન જોષીના ગીતોને શંકર મહાદેવન,એહસાન નુરાની તેમજ લોય મન્ડોન્સાએ સગીંતથી મઢ્યા છે.

ફિલ્મનું બેક ગ્રાઉન્ડજે ખરેખર વધુ અસરકાર બની રહ્યુ છે. જેનો યશ સલીમ- સુલામાન ના ફાળે જાય છે.

એકંદરે જોવા માણવા જેવી મ્યુઝીકલ ફિલ્મ એટલે “લંડન ડ્રીમ્સ ”

“આ લેખ/ રિવ્યુ  દિવ્યભાસ્કર ની પૂર્તિ સિટી ભાસ્કર માટે લખ્યો અને31/09/2009ના પ્રગટ થયો.”

October 31, 2009 at 9:02 am

” ઓલ ધ બેસ્ટ ”- film reviews –

all-the-best-hindi-movie-review

અપ ટુ એન્ડ…..ખખડાટ !

”ટાળો ટાળો તોય ગોટાળો.એટલે દેવગન એન્ટપ્રાઇઝ ની ” ઓલ ધ બેસ્ટ ”- એક સળંગ સિચ્યુએશન કોમેડી ફિલ્મ છે.

”રાઇટ બેડ રોંગ હસબન્ડ” પરથી પ્રેરિત ”ગોલમાલ” અને ”ગોલમાલ રીર્ટન” ના ડિરેકટર રોહીત શેટ્ટીની વધુ એક મનોરંજન ફિલ્મ ” ઓલ ધ બેસ્ટ ” એક સળંગ સિચ્યુએશન કોમેડી ફિલ્મ છે.જેટલી વધુ વાર ઉકેલ લાવવા પ્રયત્ન કરે એટલી વધુ સમસ્યા ઉદભવે અને એ નવી સમસ્યાનો ઉકેલ એટલે વળી પાછી એક નવી ગોટાળાવાળી પરિસ્થિતિ નું સર્જન.

વીર (ફરદીખાન)ને પોતાનું એક બેન્ડ એસ્ટાબલીશ કરી નામ-દામ કમાવા છે.એના વધુ પડતા ખર્ચાને પહોંચી વળવા એઅના સાવકા ભાઇ ઘરમ કપૂર (સંજય દત્ત)ને પોતે પરણિત છે તેવૂં બતાવી પોતાના ખર્ચાને પહોંચી વળવાની જોગવાઇ ઉભી કર્યે જાય છે.વીર નો મિત્ર પ્રેમ ચોપ્રા (અજય દેવગન)    એક કાર એકસપર્ટ છે અને આગળ જતા પોતાની ડીઝાઇન કરેલી કાર બનાવવાનૂં સ્વપ્નામાં રાચે છે.તેની પત્ની જહાનવી (દીપાશા બાસૂ) પ્રેમ ના મન ઘડત વિચારો અને એના બાપ્દાદાના સમયના લગભગ ધસાયેલા-પિટાયેલા જીમનેશીયમની દેખરેખ સાથે પણ પ્રેમ સાથે ખુશ છે.આ ચારેના જીવનમાંજ્યારે અચાનક ધરમ્નું આગમન થાય છે એની સાથે જ ઓળખ ભુલમાંથી એક એવી પરિસ્થિતિ સર્જાય છે જેને ટાળ્વા માંગતા વીર અને પ્રેમ વધુ ને વધુ એમાં ગુંચવાય છે.

ગુંચવાડામાંથી બહાર આવવા મથતા વીર અને પ્રેમ અવાર નવાર એક વધુ જુઠ્ઠાણુ રજુ કરતા જાય છે.અજયદેવગન અને સંજયદત્તનો સમયોચિત અભિનય અને એમાં ફરદીનખાનનો સાથ “ઓલ ધ બેસ્ટ”ને સળંગ કોમેડી ફિલ્મ નો દરજ્જો આપી શક્યા છે. બહુ જ લાંબુ વિચાર્યા વગર માત્ર મનોરંજનના હેતુ થી ફિલ્મ જોવામાં આવે તો પ્રેક્ષકોને વચ્ચે ક્યાંય એક મિનિટ પણ બરબાદ થયાનો વિચાર કરવાનો સમય મળે નહીં  એટલી ફાસ્ટ સિકવન્સ , ફાસ્ટ ટ્રેક બેક ગ્રાઉન્ડ મ્યુઝીક ,  દિવાળીની  રંગબેરંગી આતશબાજી જેવા જ રંગીનિયા ધરાવતા ગોવાના કાર્નીવલની ધમાકેદાર શરૂઆતથી માંડીને અંત સુધી પકડી રાખે તેવી ફિલ્મ “ઓલ ધ બેસ્ટ ” લગાતાર એક્શન, સ્ટંટ, અને કોમેડીની ભરમાર છે.

“ગોલમાલ ” ફિલ્મ થી કોમેડી રોલ સદી ગયા હોય તેમ અજય દેવગને વધુ એક ફિલ્મમાં એનો રોલ સાર્થક કરતી કોમેડી સિચ્યુએશન સંભાળી છે. સંજય દત્તે ફિલ્મ હીરોથી આગળ વધીને એક પીઢ કલાકાર તરીકે પોતાનું સ્થાન મજબૂત કરવા માંડ્યુ છે. દેવગનની પોતાની ફિલ્મ હોવા છતાં સંજય દત્તનો પ્રધાન રોલ રહ્યો છે. જ્યારે ફરદીન ખાને  સપોર્ટિંગ એક્ટર તરીકે વધુ એક ફિલ્મમાં પુરેપુરો સાથ પુરાવ્યો છે. જ્યારે બિપાશા બાસુ કે મુગ્ધા ગોડસે (વિદ્યા) ખાસ ધ્યાન ખેંચે તેવી પરિસ્થિતિનુ નિર્માણ કરી શક્યા નથી.

ફિલ્મમાં જ્યાં હીરો જ કોમેડી પુરી પાડે ત્યાં બીજા કોમેડીયન વધુ શું ઉમેરો કરી શકવાના? અને છતાં ય જ્હોની લિવર વગર બોલે માત્ર ચહેરાના હાવભાવથી પોતાની હાજરી નોંધાવી જાય છે.

દિવાળીની રજાના હળવા મુડમાં હળવી પળોની ઉજાણી માણવી હોય અને નવા વર્ષમાં હળવાફુલ જેવા થઈને આવતા દિવસોને આવકારવા હોય તો “ઓલ ધ બેસ્ટ” એ ખરેખર બેસ્ટ ઓપ્શન છે.

“આ લેખ/ રિવ્યુ  દિવ્યભાસ્કર ની પૂર્તિ સિટી ભાસ્કર માટે લખ્યો અને 24/10/2009 ના પ્રગટ થયો.”

October 24, 2009 at 2:05 am 1 comment

Happy New Year.

happy_new_year_by_clwoods

Keep the smile,Leave the tear,

Think of joy, Forget the fear...

Hold the laugh, leave the pain,

be joyous, Coz its new year!

HAPPY NEW YEAR

RAJUL-KAUSHIK

October 18, 2009 at 10:12 am 4 comments

” બ્લુ ”- film reviews –

z_MG_0084-711786

– ગાજ્યા મેઘ વરસવાના નથી –

દુનિયાનો સૌથી મોટો જો કોઇ નશો હોય તો તે છે સાહસ- ખતરનાક ખેલ વચ્ચે મળતા રોમાંચનો પણ એક અજબ જ નશો હોય .જો એક વાર એનો સ્વાદ ચાખે તો બીજો કોઇ પણ નશો નજરે ના લાગે. સેમ એટલે કે સમીરે પણ એક આવા જ નશાનો સ્વાદ ચાખી લીધો છે. જીવ સટોસટ બાઇક રેસ જીતવાનો.

આરવ(અક્ષય કુમાર)ને શોખ છે વધુ ને વધુ ધન કમાવાનો.સતત લોભામણી લલનાઓને લપટાવનારા આરવને એનાથી પણ વધુ આકર્ષણ છે “લેડી ઇન બ્લુ”નું.દરિયાના પેટાળમાં ધરબાયેલા એ લેડી ઇન બ્લુના ખજાનો મેળવવાનું. સદાય હવામાં ઉડનારા આરવને સાથ છે ધરતી પર ચલનારા, વાસ્તવિક દુનિયાના સત્યને સ્વીકારી જીવનારા સંતોષી સાગરનો. સાગર પોતાની સરળ દુનિયામાં મોના (લારા દત્તા) સાથે ખુશ છે. હર હમેંશા સાગરને એ લેડી ઇન બ્લુનો ખજાનો મેળવવા આગ્રહ કરતા આરવને એ ટાળતો રહે છે.પરંતુ સમયનો તકાજો એને છેવટે મજબુર કરે છે.

દરિયાના પેટાળમાં ૨૫૦ ફીટ ઉંડે ધરબાયેલો આ ખજાનો બ્રિટનથી ભારત આવતા ડુબેલા જહાજની સાથે ડુબેલો છે. પરંતુ જોવાની ખુબી એ છે કે નથી એમા બ્રિટનને રસ કે નથી ભારતને રસ. વર્ષોથી રેઢા પડેલા આ ખજાનાને કોઇપણ મેળવી શકે ? વાહ ,આ તો તદ્દન નવી જ વાત! છેલ્લા કેટલાય સમયથી લોકોમાં ઇંન્તેજારી ઉભી કરી કરોડોની પબ્લીસીટી કરી છેવટે એ લેડી ઇન બ્લુની માફકજ પાણીમા બેસી ગયેલી આ ફિલ્મ એના મધ્યાંતર સુધીતો કોઇ કથાનો આકાર પણ લઈ શકી નથી. આપણે શું જોવા આવ્યા છીએ અને શું જોવાના છીએ તેની દ્વીધામાં તો ઇન્ટરવલ સુધી ફિલ્મ પહોચી જાય અને હવે શું બનશે તેની ઇંન્તેજારી પણ પ્રેક્ષક ગુમાવી દે એટલી હદે વાતને મૂળ સુધી પહોંચાડવામાં વિલંબ થયો છે.  ધરતી અને અવકાશ પર સ્ટંટ કરીને માહેર થયેલા અક્ષયકુમારને અંડર વોટર સ્ટંટ કરવાનો ચોક્ક્સ મોકો મળ્યો છે. ફિલ્મના અંતે અક્ષય કુમાર-સંજય દત્ત અને ઝાયદખાન કઈક તો મેળવે છે. પણ પ્રેક્ષકોનેતો ખાલી હાથ અને નિરાશ મન સિવાય કઈ મળતુ નથી. હા બહામાની સફર અને રળિયામણા બીચ પર ,દરિયાના ઠંડાગાર પાણીમાં પણ ઉષ્મા લાવતી લારા દત્તાની બિન્ધાસ્ત અનોખી અદા જોવાનો લાભ મળશે.

કથાનુ પોત જ પાતળુ હોય તો એને સંજય દત્ત, અક્ષયકુમાર કે ઝાયેદખાન જેવા મોટા નામોથી તારી શકાય નહી  એની સાબિતિ એટલે  શ્રી અષ્ટ વિનાયક ફિલ્મ ની “બ્લુ “. કહે છે ને કે ગાજ્યા મેઘ વરસે નહી .પૈસા ખર્ચીને સમય વેડફાયાની અનુભુતિ લઈને પ્રેક્ષક જ્યારે બહાર આવે ત્યારે એની દિવાળીની શરૂઆત કે વર્ષનો  અંત  બગડ્યા નો અફસોસ ચોક્કસ થાય.

અંત અને ધ્યેય વગરના બાઇક રેસથી કે સાવ ચવાઇને કુચ્ચો થઈ ગયેલા ગાડીઓના  ખુરદો  બોલાવતા સ્ટંટથી પણ હવે પ્રેક્ષકો રીઝે એ વાતમાં માલ નથી. અને  દરિયાઇ જીવ સ્રુષ્ટી જ જોવી હોય તો ડીસ્કવરી  કે નેશનલ જીયોગ્રાફી જેવી ચેનલો ક્યાં નથી?

“આ લેખ/ રિવ્યુ  દિવ્યભાસ્કર ની પૂર્તિ સિટી ભાસ્કર માટે લખ્યો અને17/10/2009 ના પ્રગટ થયો.”

October 17, 2009 at 4:54 am 1 comment

” એસિડ ફેકટરી ”- film reviews –

thmbwallpaper-35049

માનવીના મનમાં એની યાદો-એના માટે આર્શીવાદ છે તો ક્યારેક શ્રાપ. માણસ ને એની પોતાની યાદો એ એની ઓળખ છે. યાદો વિનાનો માનવી ખાલીપણાના શૂન્યાવકાશમાં અટવાય-મૂંઝાય. ” એસિડ ફેકટરી ” એક  આપણા માટે અજાણ એવા સંજોગોમાં મળતી વ્યકિતઓની વાત છે. અનાયાસે એકત્રિત થયેલા અર્ધમૂર્છીત લોકો જ્યારે સભાન અવસ્થામાં પાછા વળે ત્યારે તેમને અચાનક ભાન થાય છે કે એ પોતાની યાદશકિત ગુમાવી બેઠા છે. જ્યાં પોતે પોતાની ઓળખ ગુમાવી બેઠા છે ત્યારે સામી વ્યક્તિની પહેચાન તો ક્યાંક દૂરની જ વાત રહી. અને માટે જ એક્બીજા માટેનો અવિશ્વાસ એ જ એમનો સેતુ બની રહે છે.8

દરેકને પોતાની કલ્પના જ સત્ય લાગે અને એ આધારે એ તાણાવાણા ગુંથતા જાય. ભૂતકાળ અને વર્તમાન વચ્ચે વણાતી વાત એટલે પ્રોડ્યુસર સંજય ગુપ્તાની સુપર્ણ વર્મા દિગ્દર્શિત એક્શન થ્રીલર ફિલ્મ ” એસિડ ફેકટરી ”.

અને  આ ” એસિડ ફેકટરી ”માં અનાયાસે અટવાયેલા પાત્રો એટલે ફરદીન ખાન, મનોજ બાજપાઇ. ડિનો મોરિયો, આફતાબ શિવદસાની, ડેની ડેન્ઝોપ્પા અને દિયા મિર્ઝા.

દૂર દૂર સુધી ફેલાયેલા એકાંત વચ્ચે ઉભેલી  એસિડ ફેકટરીમાં બહારનો સંપર્ક હોય તો તે એક જ વસ્તુ છે અને તે છે  ક્યારેક રણકતો ઇન્કમીંગ ફોન.

એ ફોન પર થતી વાત પરથી તો એક વાત અંદરના લોકોને સમજાય છે કે બહારથી કોઇ ફૈઝલ છે જેના સંકેત પ્રમાણે કોઇ એકનું કીડનેપીંગ થયુ છે. અર્થાત આ બંધિયાર ફેકટરીમાં રહેલી પાંચ વ્યક્તિઓમાંથી કોઇ એક કિડનેપર છે અને બીજી કોઇ વ્યક્તિ છે જેનુ અપરહણ થયુ છે. હવે એ વ્યક્તિઓ સિવાયની બાકીની ત્રણ વ્યક્તિ કોણ છે એ જાણવાની મથામણમાં દરેકની મતિ મુઝાતી જાય, દરેક પોતાનુ લોજીક એપ્લાય કરે અને અંધારામાં જેમ ગોળીબાર નિષ્ફળ જાય તેમ તેમના અનુમાનો પણ બીજાને તર્કવિહીન લાગે. સમય જતા દરેકની યાદ અલપ-ઝલપ ચમકારા બતાવી જાય અને એ ચમકારો તેમની જાતને ઓઅળખવાનું એક સોપાન બનતુ જાય.

સ્વભાવિક છે અનેક પાત્રો હોવાથી અને એ તમામ પાત્રોને એક સરખુ પ્રાધાન્ય મળવાથી કોઇ એક હીરો કે કોઇ એક વિલન ન રહેતા સૌના ફાળે અભિનયની  એક સરખી તક આવી છે  જેમાં દરેકે પોતાના કિરદારને અનુરૂપ અભિનય આપ્યો છે. ” એસિડ ફેકટરી ”માં અટવાયેલા જીવો ઉપરાંત બહાર એને સમાંતર એક વાત વહે છે જેમાં ઇરફાન ખાન અને ગુલશન ગ્રોવર સંકળાયલા છે જે પોતાના સાહજીક અભિનય થકી એટલા જ તરી આવે છે .ફિલ્મમાં પાત્રોની જેટલી અગત્યતા રહી છે એટલો જ મહત્વનો ફાળૉ ફિલ્મના એક્શન ડિરેક્ટર ટીનુ વર્માનો પણ છે.

કેપટાઉનની ધરતી પર આકાર લેતી કથા આરંભથી અંત સુધી સતત એક તણાવભરી પરિસ્થિતિ વચ્ચે અટવાયા કરતા અને એક રહ્સ્યના આટાપાટાને ઉકેલવા મથતા  ભુલાયેલી યાદો વચ્ચે ગુંચવાયેલા પાત્રોની વાત છે.

” એસિડ ફેકટરી ”એટલે રહસ્યના કોકડામાં ગુંચવાતો એક અજબ-ગજબનો ખેલ.

“આ લેખ/ રિવ્યુ  દિવ્યભાસ્કર ની પૂર્તિ સિટી ભાસ્કર માટે લખ્યો અને10/10/2009ના પ્રગટ થયો.”

October 10, 2009 at 7:22 am 5 comments

”ચંદ્રના અજવાળામાં નહાતો કુંભલગઢ”

DSC_3307 [640x480] - Copy

ચંદ્રના અજવાળામાં નહાતો કુંભલગઢ

ચંદ્ર પરથી ચીનની દીવાલ પછી જો નજરે પડતી હોય તો તે છે કુંભલગઢ ફરતે ૩૬ કિ.મી લાંબી અને ૨૬ ફીટ પહોળી દીવાલ ધરાવતી રચના.એક સાથે આઠ ઘોડા જોતરેલા રથ સહિતનીસેના પ્રસાર થઇ શકે તેવી દીવાલને ચીનની દીવાલની લઘુ આવ્રુત્તિ કહી શકાય.

ઉદયપુરથી બે કલાક્ના માર્ગે અને જયપુરની દક્ષિણે આવેલા કુંભલ ગઢને મૌર્ય સામ્રાજ્યના ઐશ્ર્વર્યનું-ભવ્યતાનુ પ્રતીક માનવામાંઆવે છે.રાજસ્થાનમાં મેવાડ સામ્રાજ્યના અતિ દુર્ગમ કુંભલગઢને સર્મથ કહી શકાય તેવા મોગલો પણ પરાસ્ત કરવામાં નિષ્ફળ રહ્યા હતા.૧૯૧૪ મીટર ઊંચી ગિરિમાળા ઉપરનો આ કુંભલગઢ ભુતકાળના રાજપૂત રાજ્યના ભવ્ય પ્રતિક સમો આજે પણ એવી જ ભવ્યતા સાથે સાથે પેનોરમિક વ્યૂના લીધે લોકોમાં એટલો જ આકર્ષણરુપ રહ્યો છે. ૧૫મી સદી દરમ્યાન બંધાયેલો આ કુંભલગઢ ચિત્તોડગઢ જેવી જ મહત્વની કિલેબંધી ધરાવે છે.૩૬ કિ.મી.લાંબી દિવાલ અને સાત મજબૂત દરવાજાથી ઘેરાયેલા કુંભલગઢ તેનાથી જ આરક્ષિત છે.પરંતુ વિધિના વક્રતા એ છે કે રાણા કુંભની હત્યા આ જ કિલ્લામાં તેના દીકરા ઉદયે કરી હતી.

કુંભલ ગઢ સાથે જોડાયેલી તેની કેટલીક સ્થાનિક જગ્યાઓ છે જે પોતાની એક જુદી જ વાત કરી જાય છે. કુંભલગઢના સાત દરવાજા પણ પોતાની અલગ ઓળખ સમા છે.કુંભલગઢની અંદર જ આવેલો કતારગઢ વળી એક નવી-એક અનોખી ભાત ઉપસાવે છે.રાણા કુંભ દ્વ્રારા બંધાયેલા જુના મહેલને પાડીને ત્યાં મહારાણા ફતેહ્સિંહે  મહેલ બંધાવ્યો. કતારગઢમાં લગભગ ૩૬૫ મંદિરો છે.જેમાં ભગવાન શિવને સમર્પિત એવા એક વિશાળ શિવલિંગનો સમાવેશ છે

સોથી પ્રથમ અને પડકાર સમી અરેટ પોળ તેની નજીક આવેલા અરેટ ગામના નામ પરથી જાણીતી છે.કુંભલગઢનો આ દરવાજો કટોકટી સમયે અરીસા દ્વ્રારા પ્રતિબિંબિત કરીને બીજા તમામ દરવાજા સુધી સંદેશો પહોંચાડી શકાય તેવી રચના ધરાવતો રહ્યો.

બીજી હલ્લાપોળ-૧૫૬૭માં મોગલ લશ્કરે કરેલો હુમલો એટલો વિનાશકારી રહ્યો હતો કે આજના વર્તમાન સમયે પણ આ દરવાજા પર તોપમારાનાં નિશાન યથાવત છે.અહીં ભવિષ્યની કટોકટીને ધ્યાનમાં રાખીને બનાવેલી રચના પણ છે. જો બનવાકાળે પરદેશી રાજ્ય ગઢ તોડવામાં સફળ બને તો ત્યાં ભૂગર્ભમાર્ગ છટકબારી હોવા ઉપરાંત સૈન્યને હુમલા સામે ચેતવણી આપવા હાકલથી સંદેશો પહોંચાડવા ઉપયોગી હતો.

કુંભલગઢની ત્રીજી અને ભગવાન હનુમાનજીના નામે જ સમર્પિત એવી હનુમાનપોળ માટે કહેવાય છે કે મહારાણા કુંભે મેવાડના મંદોરની પ્રતિબિંબ સમા આવાસની આભા આપી છે.

ચોથી ભૈરવપોળ ૧૯મી સદીના દેશનિકાલ પામેલા મુખ્ય્મંત્રીના નામ પર આધારિત છે.આ દરવજો કલા-કારીગીરીના તે સમયનો ઉત્ક્રુષ્ટ નમૂનો છે.

કુંભલગઢની પાંચમી પાઘરાપોળ નામે ઓળખાતો આ દરવાજો યુધ્ધ પહેલાં જ્યારે હયદળનું એકત્રીકરણ કરવામાં આવ્યું ત્યારે ત્યાંથી પસાર થતા ઘોડેસવારોને આપવામાં આવતા પીણા (મધના પ્યાલા) માટે જાણીતો છે. બાજુમાંઆવેલા પહેરા (ચોકી) માટેનો મિનારો પણ ઘણી જુની રચના છે.જે લગભગ ૮ મીટર પહોળી દિવાલ ધરાવે છે.

તોપખાનાપોળ નામે જાણીતો છઢ્ઢો દરવાજો ‘તોપ દરવાજા’ તરીકે પણ ઓળખાય છે. અહીં પણ એક ભૂગર્ભ માર્ગ છે જે છટ્કી જવાના ગુપ્ત માર્ગ તરીકે ઉપયોગમાં લેવાય છે. ગઢના સલામતી પરિબળ તરીકે તેની રચના કરવામાં આવી હતી.

ઇતિહાસ સાક્ષી છે પન્નાદાઇની કર્તવ્ય પરાયણતાનો, કાકાની તાજ માટેની- રાજ માટેની તીવ્ર લાલસા જ્યારે બાળ ઉદયસિંહની હત્યા કરવા પ્રેરિત થાય છે ત્યારે બુંદીથી પન્નાદાઇ બાળ ઉદયસિંહને બચાવીને જ્યાં ઉદયસિંહને છુપાવીને ઉછેર કરે છે તે નીમ્બુપોળ કુંભલગઢની પશ્રિમે એની મંત્રમુગ્ધ કરતી ગ્રુહરચના થકી સ્થાપિત છે. કુંભલગઢને જ ત્યારબાદ પોતાનો રહેવાસ બનાવી રાજા ઉઅદયસિંહે મેવાડની રાજ્યસત્તાનો ઉદય કર્યો અને લેક સિટી તરીકે પ્રખ્યાત ઉદેપુરની સ્થાપના કરી.

DSC_3294 [640x480] - Copyતદ્દપરાંત કુંભલગઢની રામપોળ અને વિજયપોળની વચ્ચે ત્રણ પથ્થરની મૂર્તિઓ જોવા મળે છે. લોકવાયકા એવી છે કે રાજવંશની ત્રણ મલિન સ્ત્રીઓએ ગઢમાં પ્રવેશવા માટેના ગુપ્ત દરવાજા વિશે માહિતી આપી દુશ્મનોને મદદ કરવા પ્રયત્ન કરેલો.એની સજારુપે તે સ્ત્રીઓને દીવાલમાં જીવતિ ચણી લેવામાંઆવી હતી.ફરી આવી ભૂલ ન થાય તેવી યાદ અપાવતી એ પથ્થરની મૂર્તિઓ દીવાલના આગળના ભાગે મૂકવામાં આવી છે.

રાણા કુંભની આજ્ઞાથી  રચેયાલો ૩૭ મીટર ઊંચો ૯ માળનો પ્રભાવી મિનારો ‘વિજય સ્તંભ’ નામે ઓળખાય છે. ૧૪૫૮માં તેની રચના પૂર્ણ થઇ હતી.તેનો ‘વિષ્ણુ સ્તંભ’ તરીકે પણ ઉલ્લેખ કરવામાં આવે છે.આ મિનારો હિંદુ દેવ દેવીઓના અત્યંત સુંદર શિલ્પોથી તેમજ રામાયણ-મહાભારતની પ્રાસંગિક કથાના નયનરમ્ય ચિત્રોથી સુશોભિત છે.

કુંભલગઢમાં ફતેહ પ્રકાશ મહેલ તેની એડવાન્સ વેન્ટિલેશન સિસ્ટમ માટે ખ્યાતિ પામેલો છે.તે જમાનામાં ચીમનીની સિસ્ટમ ધરાવતાં રસોડા અહીં જોવા મળતા. ફ્તેહપ્રકાશ મહેલનો દરબાર હોલ તેની સજાવટ અને પેઇન્ટિંગ માટે ,જ્યારે ગણેશ મંદિર તેમજ દરિયાથી ૩૮૦૦ફુટ ઊંચાઇએથી પનોરમિક વ્યુ માટેનું આકેર્ષણ છે.

બાદલ મહેલ તેના નામ પ્રમાણે સોથી ઊંચાઇએ આંબતી રચના માટે ખ્યાત છે.ગઢની ફરતે પ્રાક્રુતિક સોદર્યનો વ્યુ ધરાવતો કુંભલગઢનો આ સોથી સુંદર મહેલ છે.તેના આવાસો નાજુક પેસ્ટલ રંગોનાં ભીંતચિત્રોથી સુશોભિત છે.આપણા સમ્રુધ્ધ ઐતિહાસિક વારસા સમો કુંભલગઢ અમદાવાદથી ૩૩૫ કિ.મી.અંતરે છે.જ્યારે ઉદેપુરથી ૮૦ કિ.મી.ના અંતરે છે.

આલેખન-રાજુલ શાહ. સંકલનકાર –બેલા ઠાકર

માહિતિ – કલ્યાણ શાહ.

ફોટો સોજન્ય- નિશિથ શાહ, ઇલેશ શાહ,કલ્યાણ શાહ.

For more Pictures look at :

www.kalyanshah.wordpress.com

“આ લેખ/રિવ્યુ  દિવ્યભાસ્કર ની પૂર્તિ દિવ્યભાસ્કર Sunday-”યાત્રા/હેરિટેજ માટે લખ્યો અને 04/10/2009 ના પ્રગટ થયો.”

DSC_3261 [640x480] - Copy

October 5, 2009 at 1:19 pm 10 comments

” વેક અપ સીડ ” – film reviews –

thmbwallpaper-48474

જિંદગીનો બહેતરીન ‘ફ્રેઝ’


સીડ ના હુલામણા નામ થી ઓળખાતો સિધ્ધાર્થ મેહરા (રણબીર કપૂર) જીવનમાં ફન,ફ્રેન્ડઝ અને ફોટોગ્રાફી જેટલું મહત્વ કશાયનુ નથી. કોઇ ઉદ્દેશ વગરના-ધ્યેય વગરનો પ્રમાદી સિધ્ધાર્થની જીંદગી વેર વિખેર છે. કોલેજના છેલ્લા વર્ષમાં પણ બેફીકરી ,આરામદાયી, જવાબદારી વગરની દુનિયામાં  જીવતો સિધ્ધાર્થ સમ્રુધ્ધ છે તો એ એના પિતા રામ (અનુપમ ખેર)ના તગડા બેંક બેલેન્સના જોરે. મુસ્તાક છે એના બે અંગત મિત્રોની મિત્રતા થકી, માતા સુપ્રિયા પાઠક અને પિતા  સાથે એક અધુકડો સંબંધ જીવી રહેલા સિધ્ધાર્થની ખાસિયત હોય તો તે એક ઉમદા મિત્ર છે.

આયેશા (કોકણાસેન ) સામાન સાથે શ્રેશ્ઠ રાઇટર બનવા આંખોંમાં સલોણુ સપનુ આંજીને મુંબઈ એ સપનુ સાકાર કરવા આવી હે. આયેશા અત્યંત મહત્વકાંક્ષી ,વાંચન સમ્રૂધ્ધ અને ચોક્કસ ધ્યેય ધરાવતી યુવતિ છે. આયેશાના મુંબઈના પ્રથમ દિવસેજ સિધ્ધાર્થના પરિચયમાં આવે છે. બંન્ને ની પર્સનાલિટી તદ્દન વિરૂધ્ધ હોવે છતાં પ્રથમ મુલાકાતથી જ બંન્ને મિત્રો બને છે. સાવ સરળતાથી કહેવાઇ જતી વાત છે ને ? અને એટલી જ સરળતાથી વહેતા પ્રવાહની કથા ” વેક અપ સીડ “.

“વેક અપ સીડ” માં કશુંક સાવ નવી જ રીતે વહે છે. ધીરે ધીરે ઉઘડતા જતા ફુલ જેવી જ નજાકતથી  આ પ્રણય કથા ખીલે છે> સવાર સવારના કુણા તડકાની જેમ વિસ્તરતી , વરસાદની પહેલી હેલી પછી હળવેકથી માટીમાંથી ઉઠતી ભીની ભીની સુગંધ જેવી સરતી આ પ્રણય કથા અત્યંત નાજુકાઇથી રજુ થઈ છે. ઉત્તર -દક્ષિણ દ્રુવ જેમ તદ્દન વિરૂધ્ધ દિશાએ જીવતી વ્યક્તિઓ એક અજબ આકર્ષણથી જ્યારે એક્બીજાની નજીક આવે ત્યારે સર્જાતી વાત આજ સુધી અનેક વાર કહેવાઇ ચુકી છે પરંતુ અહી વેક અપ સીડમાં  ખલ ખળ વહી જતા ઝરણાની તાજગી છે. સીડ અને આયેશાના  હ્રદય-મનમાં ધીમે ધીમે પગ પેસારો કરતા સંવેદનની સુરીલી વાત છે જેમાં ગીતો પણ કથાના વહેણને આગળ વધારે છે.

બાળ સહજ માસુમિયત અને આંખોમાં ડોકાતી ક્યાંક ઉદાસી દર્શાવતા સીડ અને મેચ્યોર અભિગમ ધરાવતી આયેશા વચ્ચે હળવેકથી આકાર લેતી કથાની માવજત અયન મુકર્જીએ અત્યંત મનભાવન રીતે કરી છે.રણબીર કપુર અને કોકણાસેન વચ્ચેનો દેખીતો વયભેદ તેમની વચ્ચે સર્જાતા તાદાત્મ્યના લીધે કપુરની માફક હવામાં ઉડી જાય છે.

રણબીર કપુરે સીડ્ના પાત્રમાં પોતાની જાતને એવી રીતે ઢાળી છે કે જાણે સીડ અને રણબીર બંન્ને એક જ વ્યક્તિ હોય. સદાયની માફક સાવ અલગ પ્રતિભા ધરાવતી કોકણાસેન અહી પણ એટલી જ અલગ રીતે ઉપસી આવે છે. બેજવાબદાર- બેતમા પુત્રના પિતાની ઉદાસી અનુપમ ખેરના ચહેરા પર નરી ઉતરી આવે છે .સીડ્ની સફળતાને આવકારતા પિતા તરિકે પણ અનુપમ ખેરે એટલો જ બેલેન્સ અભિનય આપ્યો છે. પુત્રના પ્રેમને પામવા મથતી  માતા સુપ્રિયા પાઠકની વેદના વણકહી વ્ય્કત થાય છે. હર હંમેશની જેમ પ્લેઝન્ટ પર્સનાલીટી ધરાવતા અને સફળ બોસના પાત્રમાં રાહુલ ખન્ન્ના આપમેળે ગોઠ્વાઇ જાય છે.

પ્રોડ્યુસર કરણ જોહરની -ધર્મા પ્રોડક્ષનના નેજા હેઠળ રજૂ થયેલી  કથા. અભિનય, ગીત સંગીત ,બેક ગ્રાઉન્ડ મ્યુઝીક ,કેટ્લાક નયનરમ્ય દ્રષ્યો  વચ્ચે પાંગરતી સુંદર  અને એક સમગ્ર રીતે સ્પર્શી જાય તેવી ફિલ્મ એટલે ” વેક અપ સીડ”..

“આ લેખ/ રિવ્યુ  દિવ્યભાસ્કર ની પૂર્તિ સિટી ભાસ્કર માટે લખ્યો અને 03/10/2009 ના પ્રગટ થયો.”

October 3, 2009 at 10:09 am 5 comments

Older Posts


Blog Stats

  • 113,291 hits

rajul54@yahoo.com

Join 968 other followers

દેશ – વિદેશ ‘પ્રવાસ વર્ણન’

Posts filed under ‘પ્રવાસ વર્ણન’

ફિલ્મ રિવ્યુ –

Posts filed under ‘- film reviews -’ https://rajul54.wordpress.com/category/film-reviews/

Categories

“ગુજરાતી બ્લોગર્સ/બ્લોગ રીડર્સ ગ્રુપ”

"http://groups.google.co.in/group/gujblog" target="_blank">ગુજરાતી બ્લોગર્સ/બ્લોગ રીડર્સ ગ્રુપ

Flag counter

free counters

Calender

October 2009
M T W T F S S
« Sep   Nov »
 1234
567891011
12131415161718
19202122232425
262728293031  

Disclaimer:

© અહીં રજૂ કરેલ કૃતિઓના કોપીરાઇટ્સ-હક્કો જે તે રચનાકારના પોતાના છે. આ બ્લોગ પર અન્ય કવિઓની જે રચનાઓ પોસ્ટ કરી છે, એને લીધે જો કોઇના કોપીરાઇટનો ભંગ થયેલો કોઇને લાગે અને મને જાણ કરવામાં આવશે, તો તેને સત્વરે અહીંથી દૂર કરીશ. પણ મને આશા અને શ્રદ્ધા છે કે સૌ સર્જકો અને પ્રકાશકો તેમ જ તેમના વારસદારો ગુજરાતી ભાષાના પનોતા સંતાનોને માટે વિશ્વ-ગુર્જરી સમાજમાં સભાનતા કેળવવાના આ નિસ્વાર્થ પ્રયત્નોને હૃદયપૂર્વક ટેકો આપશે અને બીરદાવશે. ۞ Disclaimer : This blog is not for any commercial purposes. The entries posted on this blog are purely with the intention of sharing personal interest in gujarati literature/sahitya without any intention of direct or indirect commercial gain. Locations of visitors to this page


"બેઠક" Bethak

વાંચન દ્વારા સર્જન -બેઠક

શબ્દોને પાલવડે

સ્વરચનાઓનો સંચય મારા શબ્દોના પાલવમાં

વિનોદીની..

મારી કવિતાઓ અને રચનાઓ નો બ્લોગ.. વિનોદીની

ધર્મધ્યાન

અલ્પમતિ વિજય શાહની ધર્મવાતો, ધર્મ સમજણ અને ધર્મ ધ્યાન્..

Banshari Banine

Krishna Bhajans and other poetry

રાજુલનું મનોજગત

“Languages create relation and understanding”

Kalyanshah

Ahmedabad based photographer. Owner at Pixel Planet.

વિજયનુ ચિંતન જગત

મને ગમતી વાતો અને મારી સર્જન પ્રવૃતિઓ...

મારુ વિચાર વિશ્વ

મારી આંખથી આકાશ કદી જોજે.....

સહિયારું સર્જન - ગદ્ય

એકથી વધુ લેખકો દ્વારા થતાં લઘુ નવલકથા કે લઘુકથા જેવાં સહિયારા ગદ્ય સર્જનનો પ્રથમ બ્લોગ!